رەسەي پرەزيدەنتٸ ۆلاديمير پۋتين استاناداعى كەزدەسۋدە ٶزٸنٸڭ تٷركييالىق ەرٸپتەسٸ تاييپ ەردوعانعا تٷركييادا گاز حابىن قۇرۋ يدەياسى تۋرالى ايتتى, دەپ حابارلايدى Sputnik قازاقستان.
"كەشە (رەسەيلٸك) ەنەرگەتيكالىق اپتادا ەنەرگەتيكا مينيسترٸ جەنە Botas كومپانيياسىنىڭ باسشىسىمەن بولعان كونسۋلتاتسييالاردان كەيٸن "گازپروممەن" كەلٸستٸك, مەن بۇل تۋرالى كٶپشٸلٸك الدىندا ايتتىم: ەگەر تٷركييا جەنە باسقا ەلدەردەگٸ ساتىپ الۋشىلارىمىز قىزىعۋشىلىق تانىتسا, تاعى بٸر گاز قۇبىرى جٷيەسٸن سالىپ, باسقا ەلدەرگە ساتۋ ٷشٸن تٷركييا اۋماعىندا گاز حابىن قۇرۋدى قاراستىرۋعا بولادى. ەڭ الدىمەن, ەرينە, ەۋروپالىقتارعا", - دەدٸ پۋتين.
ول بۇعان دەيٸن رەسەي گاز ترانزيتٸن "سولتٷستٸك اعىننان" قارا تەڭٸز ايماعىنا جەنە تٷركيياعا اۋىستىرا الاتىنىن ايتقان بولاتىن. تٷركييانىڭ ەنەرگەتيكا جەنە تابيعي رەسۋرستار مينيسترٸ فاتيح دونمەز ونىڭ تەحنيكالىق تۇرعىدان مٷمكٸن ەكەنٸن جەنە مۇقييات زەردەلەۋدٸ قاجەت ەتەتٸنٸن ايتتى.
ۆلاديمير پۋتين رەجەپ ەردوعانمەن كەزدەسۋدە جاڭا گاز حابىن قۇرۋ مٷمكٸندٸگٸ تۋرالى ايتا وتىرىپ, ونىڭ قۇرىلۋى ەنەرگييا باعاسىن "ەشقانداي ساياسي رەڭكسٸز" رەتتەۋگە جول اشاتىنىنا توقتالدى.
"بٸز (باعالاردى) قالىپتى, نارىقتىق دەڭگەيدە, ەشقانداي ساياسي رەڭكسٸز تىنىش رەتتەي الامىز", - دەگەن پۋتين قازٸرگٸ باعانىڭ شارىقتاپ تۇرعانىن نازارعا الدى.
"بٸز حابتى بٸرگە قۇرعان جاعدايدا, ول تەك جەتكٸزۋ الاڭى عانا ەمەس, سونىمەن قاتار باعانى انىقتاۋ الاڭى دا بولار ەدٸ. ٶيتكەنٸ باعا مەسەلەسٸ ٶتە ماڭىزدى. بٷگٸن باعا اسپانداپ تۇر", - دەدٸ رف پرەزيدەنتٸ.
