رەسەي پرەزيدەنتٸ ۆلاديمير پۋتين بەلارۋسكە "قاجەت كەزدە كٶمەكتەسۋ ٷشٸن" كٷشتٸك قۇرىلىم ٶكٸلدەرٸنەن رەزەرۆ جاساقتاعانىن حابارلادى. بۇل تۋرالى ريا نوۆوستي اگەنتتٸگٸ حابارلادى. پۋتين ەزٸرگە بەلارۋستە رەسەي كٷشتەرٸن قولدانۋعا قاجەتتٸلٸك تۋىنداعان جوق دەدٸ. مينسك دە مۇنىمەن كەلٸسەدٸ دەدٸ ول.
ونىڭ ايتۋىنشا, بەلارۋستە ەكسترەميستٸك ەلەمەنتتەر "شەكتەن شىعىپ, قاراقشىلىققا بارماسا" رەسەي كٷشتەرٸ قولدانىلمايدى. "بەلارۋستە بارلىق مەسەلەلەر بەيبٸت جولمەن شەشٸلۋٸ تيٸس" دەدٸ پۋتين.
"بەلارۋس الدىندا مٸندەتتەمەلەرٸمٸز بار. لۋكاشەنكو دا وسى مەسەلەنٸ قوزعادى: ول كەرەك كەزدە قاجەتتٸ كٶمەك كٶرسەتكەنٸمٸزدٸ قالايدى. مەن رەسەي بارلىق مٸندەتتەمەلەردٸ ورىندايدى دەپ ايتتىم. الەكساندر گريگورەۆيچ قۇقىق قورعاۋ ورگان قىزمەتكەرلەرٸنەن قۇرالعان بەلگٸلٸ بٸر رەزەرۆ جاساقتاۋدى سۇرادى, مەن ٶتٸنٸشٸن ورىندادىم. بٸز ونى جاعداي باقىلاۋدان شىققان جاعدايدا عانا قولدانامىز دەپ كەلٸستٸك. ساياسي ۇرانداردى جەلەۋ ەتكەن ەكسترەميستٸك ەلەمەنتتەر شەكتەن شىعىپ, قاراقشىلىق جاساسا, كٶلٸكتەر مەن ٷيلەر, بانكتەردٸ ٶرتەپ, ەكٸمشٸلٸك عيماراتتاردى بٷلدٸرسە عانا [رەزەرۆ كٶمەگٸنە جٷگٸنەمٸز]" دەدٸ پۋتين.
17 تامىزدا رەسەيدەگٸ ە95 جەنە M1 تراسساسىندا قانداي دا بٸر ايقىنداعىش بەلگٸلەرٸ جوق نٶمٸرلەنبەگەن روسگۆاردييا ماشينالارىنا ۇقسايتىن ونداعان "ۋرال" مەن كاماز كٶلٸگٸ بەلارۋسپەن شەكاراعا قاراي جىلجىعان. بۇل تۋرالى بٸرنەشە اقپارات قۇرالدارىنداعى سۋرەتتەر مەن ۆيدەولاردى ساراپتاعان Conflict Intelligence Team (CIT) زەرتتەۋ توبى جازعان.
