فوتو: اشىق دەرەككٶز
اقتٶبەدە الاياقتاردىڭ قۇربانى بولا جازداعان ەيەل بٸرنەشە كٷن بويى ۇيىمداسقان قىسىمعا تاپ بولعان. بەلگٸسٸز تۇلعالار ٶزٸن تٷرلٸ قىزمەت ٶكٸلدەرٸ رەتٸندە تانىستىرىپ, ونى ٸرٸ كٶلەمدە نەسيە رەسٸمدەۋگە كٶندٸرۋگە تىرىسقان, دەپ حابارلايدى Polisia.kz.
وبلىستىق پوليتسييانىڭ مەلٸمەتٸنشە, الدىمەن ەيەلگە ٶزٸن كۋرەرلٸك قىزمەتكەرمٸن دەپ تانىستىرعان ادام حابارلاسىپ, ونىڭ اتىنا سەلەمدەمە كەلگەنٸن ايتقان. سەنٸمگە كٸرگەن ول رەسٸمدەۋ ٷشٸن تەلەفونعا كەلگەن SMS-كودتى سۇراپ, ەيەلدەن ونى الىپ ٷلگەرگەن.
كٶپ ۇزاماي تاعى بٸر قوڭىراۋ تٷسٸپ, بۇل جولى بەلگٸسٸزدەر ٶزدەرٸن eGov پورتالىنىڭ قىزمەتكەرلەرٸمٸز دەپ تانىستىرعان. ولار ەيەلدٸڭ اتىنا نەسيە رەسٸمدەلٸپ جاتقانىن جەنە بانك شوتتارىندا كٷمەندٸ وپەراتسييالار تٸركەلگەنٸن العا تارتقان. ارتىنشا ەڭگٸمەگە ٶزٸن قۇقىق قورعاۋ ورگانىنىڭ قىزمەتكەرٸمٸن دەگەن تاعى بٸر ادام قوسىلىپ, جاعدايدى ۋشىقتىرا تٷسكەن.
الاياقتار بٸرنەشە كٷن بويى ەيەلگە پسيحولوگييالىق قىسىم كٶرسەتٸپ, “قارجىنى قورعاۋ” سىلتاۋىمەن نەسيە الۋعا يتەرمەلەگەن. سونىڭ نەتيجەسٸندە جەبٸرلەنۋشٸ بانككە بارىپ, نەسيە رەسٸمدەۋگە ەرەكەتتەنگەن.
الايدا بانك قىزمەتكەرٸ كليەنتتٸڭ كٷمەندٸ ىقپالعا تٷسكەنٸن دەر كەزٸندە بايقاپ, الاياقتىق بەلگٸلەرٸن انىقتايدى. بۇل تۋرالى بٸردەن كيبەرقىلمىسقا قارسى ٸس-قيمىل بٶلٸمشەسٸنە حابار بەرٸلگەن. پوليتسەيلەر ەيەلدٸ بٶلٸمشەگە جەتكٸزٸپ, تٷسٸندٸرۋ جۇمىستارىن جٷرگٸزگەن.
باستاپقىدا ول الدانعانىن مويىنداماعانىمەن, كەيٸن جاعدايدى تٷسٸنٸپ, الاياقتاردىڭ ارباۋىنان قۇتىلعان. جەدەل ەرەكەتتٸڭ ارقاسىندا شامامەن 2 ميلليون تەڭگە كٶلەمٸندەگٸ نەسيەنٸڭ رەسٸمدەلۋٸنە جول بەرٸلمەدٸ.
قۇقىق قورعاۋ ورگاندارى ازاماتتاردى ساق بولۋعا شاقىرادى. بەلگٸسٸز ادامدارعا SMS-كودتاردى ايتۋعا, ٶزٸن بانك, مەملەكەتتٸك ورگان نەمەسە پوليتسييا قىزمەتكەرٸ رەتٸندە تانىستىرعاندارعا سەنۋگە بولمايدى. كٷمەندٸ جاعدايدا سٶيلەسۋدٸ دەرەۋ توقتاتىپ, اقپاراتتى تەك رەسمي ارنالار ارقىلى تەكسەرۋ قاجەت.
