وليمپيادا چەمپيونى دانييار ەلەۋسٸنوۆ نيۋ-يوركتە ٶتكەن باسپاسٶز مەسليحاتىنا قاتىستى. 28 سەۋٸر كٷنٸ ول كەسٸبي بوكستاعى العاشقى جەكپە-جەگٸن ٶتكٸزەدٸ, دەپ حابارلايدى قازاقپارات تٸلشٸسٸ.
باسپاسٶز مەسليحاتىن د.ەلەۋسٸنوۆتٸڭ پروموۋتەرٸ ەددي حيرن جٷرگٸزدٸ. ول الدىمەن قازاقستاندىق بوكسشىنى تانىستىردى. ودان كەيٸن قازاقستاندىق بوكسشىعا سٶز بەردٸ. د.ەلەۋسٸنوۆ ٶز ريزاشىلىعىن اعىلشىن تٸلٸندە جەتكٸزدٸ. ەددي حيرن بولسا, تاعى قازاقشا تٸلەك بٸلدٸرۋدٸ ٶتٸندٸ. وسى كەزدە دانييار سەل ساسىپ قالىپ, ورىسشا سٶيلەي باستادى. بٸراق جانىندا تۇرعان اۋدارماشى وعان قازاق تٸلٸندە سٶيلەۋ كەرەكتٸگٸن تٷسٸندٸردٸ.
«مەن ٶتە قۋانىشتىمىن. بٷگٸن باسپاسٶز مەسليحاتى ٶتٸپ جاتىر. ەرتەڭ, سەنبٸ كٷنٸ بٸرٸنشٸ جەكپە-جەگٸمە شىعامىن. بٷكٸل قازاق حالقىن قۋانتىپ, جەڭٸسكە جەتەمٸن دەپ ٷمٸتتەنەمٸن. ەلەم چەمپيونى بولسام دەيمٸن. بارلىقتارىڭىزعا راقمەت! جانكٷيەر بولىڭىزدار!», - دەدٸ د.ەلەۋسٸنوۆ.
ايتا كەتەيٸك, دانييار ەلەۋسٸنوۆتٸڭ قارسىلاسى - امەريكالىق نوا كيدد. ولاردىڭ جەكپە-جەگٸ دەنيەلا دجەيكوبس مەن ماتسەي سۋلەتسكي اراسىنداعى ايقاستىڭ اندەركارتىندا ٶتەدٸ. بوكس كەشٸ Barclays ارەنادا بولادى.
