فوتو: Almaty.tv
استانادا پەريزات قايراتقا قاتىستى ٶتٸپ جاتقان سوت پروتسەسٸندە پروكۋرورلار ونى 10 جىلعا باس بوستاندىعىنان ايىرۋدى سۇرادى. سوت وتىرىسىندا جابىق تەرگەۋ كەزٸندە الىنعان ايعاقتاردىڭ بٸر بٶلٸگٸ العاش رەت جارييالاندى, دەپ حابارلايدى Ult.kz.
پروكۋرور ارمان قازەكەن تاياۋ شىعىستاعى زارداپ شەككەندەرگە قاتىستى ەپيزودتىڭ مەن-جايىن اشىپ, پەريزات قايراتتىڭ ٶز كٸنەسٸن مويىنداماعانىن اتاپ ٶتتٸ. ايىپتالۋشى سوتتا پالەستيناعا اقشانى قولما-قول اپارعانىن, سەبەبٸ بانك ارقىلى اۋدارۋ ەسكەري جانجالعا قارجىلاي قولداۋ رەتٸندە باعالانۋى مٷمكٸن ەكەنٸن ايتتى.
— بۇل ساپارلاردىڭ ماقساتى شىن مەنٸندە ٶزگەشە بولعان. تەرگەۋ دەرەكتەرٸنە سٷيەنسەك, ول بٸرٸككەن اراب ەمٸرلٸكتەرٸندە قىمبات ساۋدامەن دە اينالىسقان, — دەدٸ پروكۋرور قازەكەن.
سونداي-اق, پەريزات قايراتتىڭ اناسى الاشباەۆا 559 ميلليون تەڭگەنٸ «پالەستينا حالقىنا گۋمانيتارلىق كٶمەك» دەگەن جەلەۋمەن الدىن الا سٶز بايلاسۋ ارقىلى يەمدەنٸپ, قاراجاتتى گٷل دٷكەنٸن ساتىپ الۋ ارقىلى زاڭداستىرعانى ٷشٸن ايىپتالىپ وتىر.
بۇعان دەيٸن پروكۋرور مادينا ورازالينا مۇنداي الاياقتىق ەرەكەتتەرگە مەملەكەتتٸڭ ەندٸ جول بەرمەيتٸنٸن, ال بۇل ٸس قوعام ٷشٸن ساباق بولۋى تيٸس ەكەنٸن مەلٸمدەگەن بولاتىن.
قازٸرگٸ ۋاقىتتا ٸس بويىنشا پٸكٸرتالاستار جالعاسىپ جاتىر.
