قازاقستان كەسٸپكەرلەرٸنٸڭ قۇقىقتارىن قورعاۋ جٶنٸندەگٸ ۋەكٸل رٷستەم جٷرسٸنوۆ ەلەۋمەتتٸك جەلٸدە پروكۋراتۋرانىڭ كەسٸپكەرلەردٸڭ قۇقىعىن قالاي قورعايتىنىن جازدى, دەپ حابارلايدى "ۇلت اقپارات".
«باس پروكۋراتۋراداعى سەلەكتورلىق كەڭەستٸڭ جۇمىسىنا قاتىسىپ, جەر قاتىناستارى مەن سەۋلەت سالاسىنداعى كٶپتەگەن جٷيەلٸك پروبلەمالار, سالىق ورگاندارىنىڭ مەمٸلەلەردٸ جارامسىز دەپ تانۋى تۋرالى سوتتارعا تالاپ ارىز بەرۋٸنە قاتىستى تۋىندايتىن كەسٸپكەرلەردٸڭ شاعىمدارى تۋرالى ايتتىم. مۇنداي شاعىمداردىڭ سانى جىلدان جىلعا ارتىپ كەلەدٸ. كەيٸنگٸ جىلدارى بٸز قىلمىستىق جەنە ەكٸمشٸلٸك ٸستەر بويىنشا كەسٸپكەرلٸك قىزمەتكە كەدەرگٸ كەلتٸرۋگە قاتىستى نٶلدٸك ستاتيستيكانى كٶرٸپ وتىرمىز. قك-نٸڭ 365 جەنە ەقبتك-نٸڭ 173-باپتارى جۇمىس ٸستەمەيدٸ», - دەپ جازادى رٷستەم جٷرسٸنوۆ facebook پاراقشاسىندا.
ونىڭ حابارلاۋىنشا بيزنەستٸڭ جەر رەسۋرستارىنا قول جەتكٸزە الماي وتىر. ٶيتكەنٸ ەگجەي-تەگجەيلٸ جوسپارلاۋ جوبالارىنىڭ بولماۋىنا جەنە ەلدٸ مەكەندەردٸڭ باس جوسپارلارىنىڭ ەسكٸرگەنٸنٸنە بايلانىستى كەسٸپكەرلەر جەر ۋچاسكەلەرٸن الۋدان شەكتەلگەن.
«سونداي-اق, پروكۋراتۋرا ورگاندارىنا ٶڭٸرلٸك كەسٸپكەرلەر پالاتالارىمەن نەعۇرلىم پروبلەمالىق باعىتتار بويىنشا اتقارىلۋى تيٸس جۇمىستاردى ٷيلەستٸرۋ ٷشٸن بٸرلەسكەن ٸس-شارالار جوسپارىن جاساۋدى ۇسىندىم - بۇل بيزنەستٸڭ بارىنشا قورعالۋىن قامتاماسىز ەتەدٸ. قر باس پروكۋرورىنىڭ ورىنباسارى بولات دەمباەۆ وبلىس پروكۋرورلارىنا جەنە ولارعا تەڭەستٸرٸلگەن پروكۋرورلارعا باس پروكۋروردىڭ قاداعالاۋدى كٷشەيتۋ جٶنٸندەگٸ نۇسقاۋى تٷسكەنگە دەيٸن تاپسىرما بەردٸ. اتاپ ايتقاندا پروكۋراتۋرا ورگاندارىندا كەسٸپكەرلەردٸڭ ٶتٸنٸشتەرٸن قاراۋدى جەكە باقىلاۋعا الۋدى, پروكۋراتۋرانىڭ ارالاسۋىن تالاپ ەتەتٸن جٷيەلٸ مەسەلەلەردٸ انىقتاۋ ٷشٸن بيزنەس ٶكٸلدەرٸنەن تٷسەتٸن ٶتٸنٸشتەرگە ساپالى تالداۋ جەنە تەكسەرۋ جٷرگٸزۋدٸ, ٶتٸنٸشتەردٸ قاراۋ جەنە تەكسەرۋ نەتيجەلەرٸ بويىنشا پروكۋرورلىق قاداعالاۋ نەمەسە كٸنەلٸ لاۋازىمدى تۇلعالاردىڭ جاۋاپكەرشٸلٸگٸ تۋرالى (قىلمىستىق جاۋاپكەرشٸلٸككە دەيٸن) مەسەلەنٸ قويا وتىرىپ, دەن قويۋ شارالارىن قابىلداۋدى مٸندەتٸنە الدى», - دەيدٸ ول.
وسىلايشا, رٷستەم جٷرسٸنوۆ بيزنەس ەكونوميكالىق اينالىمدا قالۋعا, ەكونوميكانىڭ دامۋىنا ودان ەرٸ ٷلەس قوسۋعا مٷمكٸندٸك الاتىنىنا, مەسەلەلەردٸ شەشۋگە باعىتتالعان بٸرلەسكەن جۇمىس ٶز جەمٸسٸن بەرەتٸنٸنە سەنٸم بٸلدٸردٸ.
«باس پروكۋراتۋرا مەملەكەت باسشىسىنىڭ 1 قىركٷيەكتەگٸ قازاقستان حالقىنا جولداۋىندا بەرگەن تاپسىرماسى اياسىندا بيزنەسكە قىسىمدى ازايتۋ بويىنشا جٷيەلٸ جەنە تيٸمدٸ جۇمىس جٷرگٸزٸپ جاتقانى قۋانتادى», - دەپ تٷيدٸ ول.
