تٷرٸك دەپۋتاتى ەرٸ دەرٸگەر رەجەپ شەكەر ٶزٸمەن بٸرگە بٸشكەكتەن ىستامبۇلعا ۇشىپ كەلە جاتقان نەرەستەگە شۇعىل كٶمەك كٶرسەتتٸ, دەپ جازدى Sputnik اگەنتتٸگٸ Anadolu باسىلىمىنا سٸلتەمە جاساپ.
وقيعا Turkish Airlines اۆياكومپانيياسىنىڭ بورتىندا بولعان.
نەرەستەنٸڭ جٷرەك تالماسى ۇستاپ قالعان, ستيۋاردەسسالار مەديتسينالىق كٶمەك كٶرسەتۋ ٷشٸن بالانى شەكەرگە الىپ كەلەدٸ.
"بالانى قارادىم. بوزارىپ, تىنىس الماي, جٷرەگٸ توقتاپ قالعان ەكەن. جاساندى تىنىس الدىرىپ, جٷرەگٸنە ماسساج جاسادىم. سودان كەيٸن نەرەستە تىنىس الدى", - دەدٸ شەكەر.
ۇشاق شۇعىل تٷردە انكاراعا قوندى, بالا بٸردەن اۋرۋحاناعا جەتكٸزٸلدٸ. نەرەستەنٸڭ جاعدايى جاقساردى. لاينەر ىستامبۇلعا ۇشىپ كەتتٸ.
شەكەردٸڭ سٶزٸنشە, قۇتقارىلعان بالا ەگٸزدٸڭ سىڭارى. بالالاردىڭ اناسى – قازاقستان ازاماتى.
باق اقپاراتىنا سەيكەس, رەجەپ شەكەر – قارامان قالاسىنان تٷركييا ۇلتتىق جينالىسىنىڭ دەپۋتاتى, تٷركييا پرەزيدەنتٸ رەجەپ تايىپ ەردوعاننىڭ جەكە دەرٸگەرٸ.
