قازاقستان پرەزيدەنتٸ قاسىم-جومارت توقاەۆتىڭ ەلەۋمەتتٸك جەلٸدە رەسمي تٸركەلگەن ەكٸ پاراقشاسى عانا بار, دەپ حابارلادى مەملەكەت باسشىسىنىڭ باسپاسٶز حاتشىسى بەرٸك ۋەلي.
ونىڭ ايتۋىنشا, سوڭعى كەزدەرٸ ەرتٷرلٸ ەلەۋمەتتٸك جەلٸلەردە مەملەكەت باسشىنىڭ اتىنان اشىلعان جالعان پاراقشالار كٶبەيٸپ كەتتٸ. سول ارقىلى بٸرەۋلەر جالعان مەلٸمەت تاراتادى, ال تاعى بٸرەۋلەر كوممەرتسييالىق ماقساتتا پايدالاندى ەكەن.
سول سەبەپتٸ پرەزيدەنتتٸڭ باسپاسٶز حاتشىسى بارشا ەلەۋمەتتٸك مەديا قولدانۋشى مەن باق ٶكٸلدەرٸنە ەسكەرتۋ جاسادى.
"قازاقستان پرەزيدەنتٸ قاسىم-جومارت توقاەۆتىڭ اتىنا رەسمي تٸركەلگەن ەكٸ اككاۋنت قانا بار. ولار: Twitter جەلٸسٸندە 2011 جىلدان بەرٸ جۇمىس ٸستەپ كەلە جاتقان - @TokayevKZ, سونداي-اق, 2019 جىلدىڭ سەۋٸر ايىندا Instagram جەلٸسٸندە اشىلعان @tokayev_online اككاۋنتى", - دەپ جازدى بەرٸك ۋەلي.
سٶز سوڭىندا ول ەلەۋمەتتٸك جەلٸ قولدانۋشىلارىنان پرەزيدەنت تۋرالى ناقتى راستالعان اقپارات الۋ ٷشٸن اتالعان رەسمي پاراقشالارعا عانا جٷگٸنۋدٸ سۇرادى.
