مەملەكەت باسشىسى قاسىم-جومارت توقاەۆتىڭ بىلتىرعى اتقارعان قىزمەتٸ تۋرالى ٷشتومدىق جيناق جارىققا شىقتى, بۇل تۋرالى پرەزيدەنتتٸڭ باسپاسٶز حاتشىسى بەريك ۋەلي Facebook پاراقشاسىندا جازدى, دەپ حابارلايدى "ۇلت اقپارات".
اتالعان جيناقتا مەملەكەت باسشىسىنىڭ ٸشكٸ ساياسي ٸس-شارالاردا, شەتەلدە ٶتكەن جيىنداردا سٶيلەگەن سٶزدەرٸ جەنە ونىڭ وتاندىق, حالىقارالىق مەسەلەلەرگە قاتىستى ٷندەۋلەرٸ مەن مەلٸمدەمەلەرٸ قامتىلعان. سونىمەن قاتار كٸتاپقا قاسىم-جومارت توقاەۆتىڭ 2021-2022 جىلدارداعى قازاقستان حالقىنا ارناعان جولداۋلارى ەندٸ. 2021 جىلى قازاقستان COVID-19 پاندەميياسىنىڭ سالدارىن جويۋعا, ەلٸمٸزدٸڭ ەلەۋمەتتٸك-ەكونوميكالىق ٶسٸمٸن قايتا قالپىنا كەلتٸرۋگە باسا مەن بەردٸ. بۇل پرەزيدەنتتٸڭ جۇمىس كەستەسٸنەن دە انىق كٶرٸندٸ.
جيناقتىڭ بٸرٸنشٸ تومىنا مەملەكەت باسشىسىنىڭ 2021 جىلعى ناۋرىز بەن جەلتوقسان ارالىعىندا ەلٸمٸزدٸڭ جەنە ٶڭٸرلەردٸڭ ەلەۋمەتتٸك-ەكونوميكالىق دامۋ مەسەلەلەرٸنە قاتىستى كەڭەستەردە, ٷكٸمەتتٸڭ, قازاقستان حالقى اسسامبلەياسىنىڭ, ۇلتتىق قوعامدىق سەنٸم كەڭەسٸنٸڭ وتىرىستارىندا, «استانا» حالىقارالىق قارجى ورتالىعىن باسقارۋ جٶنٸندەگٸ كەڭەستە جەنە باسقا دا جيىنداردا سٶيلەگەن سٶزدەرٸ توپتاستىرىلدى. بۇدان بٶلەك پرەزيدەنتتٸڭ مەملەكەتتٸك مەرەكەلەر مەن قوعامدىق ماڭىزى بار اتاۋلى كٷندەرگە بايلانىستى قۇتتىقتاۋلارى ەنگٸزٸلدٸ. ەسٸرەسە, قاسىم-جومارت توقاەۆتىڭ 2021 جىلعى قىركٷيەكتەگٸ «حالىق بٸرلٸگٸ جەنە جٷيەلٸ رەفورمالار – ەل ٶركەندەۋٸنٸڭ بەرٸك نەگٸزٸ» اتتى قازاقستان حالقىنا جولداۋىن ەرەكشە اتاپ ٶتكەن جٶن.
ەكٸنشٸ توم 2022 جىلدىڭ قاڭتارى مەن ناۋرىز ارالىعىن قامتيدى. اتالعان كەزەڭ ەلٸمٸزدەگٸ «قاسٸرەتتٸ قاڭتار» وقيعاسىمەن ەرەكشەلەندٸ. مەملەكەت باسشىسىنىڭ ەرٸك-جٸگەرٸ مەن باتىلدىعىنىڭ, سونداي-اق بارشا وتانداسىمىزدىڭ بٸرلٸگٸ مەن ىنتىماعىنىڭ ارقاسىندا ەلٸمٸز وسى اۋىر سىناقتى ەڭسەرە بٸلدٸ. بۇل جيناقتا قاسىم-جومارت توقاەۆتىڭ قاڭتار وقيعاسىنا قاتىستى حالىققا ارناعان مەلٸمدەمەلەرٸ مەن ٷندەۋلەرٸنە, سونداي-اق «حابار» جەنە «Qazaqstan» تەلەارنالارىنا بەرگەن سۇحباتىنا ايرىقشا نازار اۋدارۋعا بولادى. سونىمەن قاتار ەكٸنشٸ تومعا مەملەكەت باسشىسىنىڭ «جاڭا قازاقستان: جاڭارۋ مەن جاڭعىرۋ جولى» اتتى ناۋرىز ايىنداعى جولداۋى ەندٸ. بۇل جولداۋدا كٶتەرٸلگەن نەگٸزگٸ مەسەلە – اۋقىمدى رەفورمالار مەن جاڭا قازاقستاندى قۇرۋ.
ەلەمدە بولىپ جاتقان ساياسي جەنە ەلەۋمەتتٸك تەندەنتسييالار مەن وقيعالار قازاقستاننىڭ حالىقارالىق ارەناداعى قىزمەتٸن جانداندىرا تٷستٸ. مەملەكەت باسشىسىنىڭ ٶتكەن جىلعى جۇمىس كەستەسٸ اۋقىمدى بولدى.
ٷشٸنشٸ جيناققا پرەزيدەنتتٸڭ ٸرٸ فورۋمداردا, سونداي-اق جاقىن جەنە الىس شەت ەلدەرگە جاساعان ساپارلارىندا سٶيلەگەن سٶزدەرٸ ەندٸ.
قاسىم-جومارت توقاەۆ ٶتكەن جىلى تەجٸكستان, كورەيا رەسپۋبليكاسى, رەسەي فەدەراتسيياسى, تٷرٸكمەنستان, بەلگييا مەن شۆەيتساريياعا ساپارمەن باردى. بۇدان بٶلەك پرەزيدەنت تٷركٸتٸلدەس مەملەكەتتەر ىنتىماقتاستىعى كەڭەسٸنٸڭ VIII سامميتٸنە قاتىسۋ ٷشٸن تٷركيياعا باردى. مەملەكەت باسشىسىنىڭ بۇۇ باس اسسامبلەياسىنىڭ وتىرىستارىنداعى جەنە وسى جاھاندىق ۇيىمنىڭ باسقا دا ٸس-شارالارىنداعى بەينەبايلانىس ارقىلى سٶيلەگەن سٶزدەرٸ دە اتالعان جيناققا توپتاستىرىلدى. سونداي-اق بۇل تومعا قاسىم-جومارت توقاەۆتىڭ جىل سايىن ٶتەتٸن حالىقارالىق ٸس-شارالاردا سٶيلەگەن سٶزدەرٸ ەنگٸزٸلدٸ. اتاپ ايتقاندا, جوعارى ەۋرازييالىق ەكونوميكالىق كەڭەس, اشحاباد قالاسىندا ٶتكەن ورتالىق ازييا ەلدەرٸ باسشىلارىنىڭ كونسۋلتاتيۆتٸك كەزدەسۋٸ, دۋشانبە قالاسىندا ٶتكەن ۇقشۇ مەن شىۇ وتىرىستارى.
"بۇدان بٶلەك پرەزيدەنتتٸڭ «Essentiel des Relations internationales» جۋرنالىنا جەنە رەسەيلٸك بەلگٸلٸ جۋرناليست جەنە تەلەجٷرگٸزۋشٸ لەونيد ملەچينگە بەرگەن سۇحباتتارى, پرەزيدەنتتٸڭ «The Parliament» جۋرنالىندا جارييالانعان «Partnership with the EU will anchor Kazakhstan’s future progress» ماقالاسى ەندٸ.
قازاقستان رەسپۋبليكاسى پرەزيدەنتٸنٸڭ باسپاسٶز قىزمەتٸ قاسىم-جومارت كەمەلۇلىنىڭ بٸر جىلعى قىزمەتٸنٸڭ قورىتىندىسى رەتٸندە وسى جيناقتى وقىرماندارعا ۇسىنىپ وتىر. سونداي-اق جيناقتا مەملەكەت باسشىسىنىڭ قاتىسۋىمەن ٶتكەن ٸس-شارالاردا تٷسٸرٸلگەن سۋرەتتەر بەرٸلدٸ. كٸتاپتا جارييالانعان ماتەريالداردى قىزىعۋشىلىق تانىتقان زەرتتەۋشٸلەر مەن مەملەكەتتٸك ورگانداردىڭ قىزمەتكەرلەرٸ ٷشٸن قۇندى ەرٸ پايدالى قۇجات دەپ سانايمىز.
ەستەرٸڭٸزگە سالا كەتەيٸك, مەملەكەت باسشىسىنىڭ سٶيلەگەن سٶزدەرٸ وسىمەن ٷشٸنشٸ جىل جيناق بولىپ شىعىپ وتىر" - دەپ جازادى بەرٸك ۋەلي.
