بۇل باستاما - ادامداردىڭ ٶمٸر سٷرۋ قۇقىعى, سٶز بوستاندىعى, دەنساۋلىعىنا دەگەن قۇقىعى. ونىڭ بارلىعى سٶز جٷزٸندە قالىپ قويماۋى كەرەك.
بۇل تۋرالى «شاڭىراق» مٷگەدەكتٸگٸ بار ەيەلدەر قاۋىمداستىعى» قوعامدىق بٸرلەستٸگٸنٸڭ تٶرايىمى لەززات قالتاەۆا تٸلدەسۋ كەزٸندە ايتتى, دەپ حابارلايدى Baq.kz اگەنتتٸگٸ.
كەشە قر پرەزيدەنتٸ قاسىم-جومارت توقاەۆ ٶزٸنٸڭ Twitter-دەگٸ پاراقشاسىندا ادام قۇقىقتارى سالاسىنداعى ناقتى شارالاردى ودان ەرٸ جٷزەگە اسىرۋ – ساياسي جاڭعىرۋدىڭ ماڭىزدى كەزەڭٸ ەكەنٸن جازىپ, بۇل تۇرعىدا ٷكٸمەتكە بٸرقاتار تاپسىرما بەرگەنٸن مەلٸمدەدٸ. وندا ادام ساۋداسى قۇرباندارىنىڭ قۇقىعىن قامتاماسىز ەتۋ, ەيەلدەرگە قاتىستى كەمسٸتۋدٸ جويۋ, پٸكٸر بٸلدٸرۋ بوستاندىعى, مٷگەدەكتٸگٸ بار ازاماتتاردىڭ قۇقىقتارىن قورعاۋ سيياقتى باعىتتار قامتىلعان.
ەلٸمٸزدەگٸ ٷكٸمەتتٸك ەمەس ۇيىمدار پرەزيدەنتتٸڭ بۇل باستاماسىن وڭ قابىلداپ, ونىڭ جۇمىس ٸستەۋٸنە ٶز ٷلەستەرٸن قوساتىندارىن بٸلدٸردٸ.
لەززات قالتاەۆا ادام قۇقىقتارى تۋرالى زاڭ بازاسىندا بٸرنەشە دەرەجە قامتىلعانىن ايتادى. ياعني, وندا كٶپبالالى انا, يمميگرانت ەيەلدەر, مٷگەدەكتٸگٸ بار ەيەلدەردٸڭ قۇقىعى جەنە تاعى باسقا دەپ كەتە بەرەدٸ.
دەگەنمەن مۇنىڭ بارلىعى - ٶمٸر سٷرۋگە دەگەن قۇقىق, سٶز بوستاندىعى دەنساۋلىق قۇقىعى جەنە باسقاسى. وسىلاردىڭ بارلىعى سٶز جٷزٸندە قالماي, ٸسكە اسۋ كەرەك. بۇل زاڭنىڭ جۇمىس ٸستەيتٸن مەحانيزمٸ بولۋى قاجەت. ونىڭ زاڭدى تۇرعىدا ٶكٸلەتتٸلٸگٸ, ونى ٸسكە اسىرۋ ٷشٸن ٶز بيۋدجەتٸ بولعانى جٶن. ادامداردا قۇقىققورعاۋشىلارعا جٷگٸنەتٸندەي جاعداي بولۋى كەرەك. پرەزيدەنتتٸڭ كەشەگٸ جارلىعى ادام قۇقىعى سالاسىنداعى ناقتى شارالاردى جٷزەگە اسىرۋعا ارنالعان, ونىڭ ٶزٸ قۋانتارلىق جاعداي. الداعى ۋاقىتتا بۇل مەسەلە بويىنشا كٶپتەگەن تالقىلاۋ ٶتەدٸ دەگەن ويدامىن, ول كەزدە ٶز تاراپىمىزدان ۇسىنىستار ايتامىز, - دەيدٸ قوعامدىق بٸرلەستٸكتٸڭ تٶرايىمى.
ونىڭ ايتۋىنشا, قازٸر مٷگەدەكتٸگٸ بار ەيەلدەردٸڭ قۇقىعى بۇزىلعاندا, ولار كٶبٸندە پروكۋراتۋراعا, ٷەۇ-عا, ادام قۇقىعى جٶنٸندەگٸ قۇزىرلى ورگاندارعا جٷگٸنەدٸ ەكەن.
تۇرمىستىق جانجال كەزٸندە ەيەلدەر قايدا جٷگٸنەرٸن بٸلمەيدٸ. كٶبٸندە ولار ٶز قۇقىعىن قورعاي المايدى. سوندىقتان بۇل تۇرعىدا دا مەسەلە كٶپ. ەلٸمٸزدٸڭ كەز كەلگەن تۇرعىنى زورلىق-زومبىلىقتان قورعالۋى كەرەك, - دەيدٸ قالتاەۆا.
