مەملەكەت تاراپىنان كەپٸلدٸك بەرٸلەتٸن نەسيە مٶلشەرٸ 360 ملن تەڭگەدەن 1 ملرد تەڭگەگە دەيٸن ۇلعايتىلدى. بۇل تۋرالى قر ۇلتتىق ەكونوميكا مينيسترلٸگٸنٸڭ كەسٸپكەرلٸكتٸ دامىتۋ دەپارتامەنتٸنٸڭ ديرەكتورى شىڭعىس احمەتوۆ مەلٸم ەتتٸ, دەپ حابارلايدى قازاقپارات.
«بيزنەستٸڭ جول كارتاسى – 2025» باعدارلاماسى شەڭبەرٸندە سوڭعى قارىز الۋشى ٷشٸن نەسيە قۇنى بانكتٸڭ سىياقى مٶلشەرلەمەسٸن سۋبسيدييالاۋمەن ەسەپتەگەندە 6 پايىزدى قۇرايدى. بٸر كەسٸپكەردٸ نەسيەلٸك قولداۋ مٶلشەرٸ 7 ملرد تەڭگەگە ۇلعايدى. بۇرىن 2,5 ملرد تەڭگە بولاتىن. اينالىم قاراجاتىن قارجىلاي تولىقتىرۋ اياسى دا ايتارلىقتاي كەڭەيتٸلدٸ. قازٸر بۇل شاعىن جەنە ورتا بيزنەس ٷشٸن ەڭ ماڭىزدى قاراجات بولىپ سانالادى. باعدارلاما شەڭبەرٸندە اينالىم قاراجاتى 60 ملن تەڭگەدەن 500 ملن تەڭگەگە دەيٸن ۇلعايىپ وتىر. بۇل رەتتە ساۋدا قىزمەتٸ سۋبەكتٸلەرٸنٸڭ اينالىم قاراجاتىن تولىقتىرۋ – 100 ملن تەڭگەگە دەيٸن بولادى», - دەدٸ شىڭعىس احمەتوۆ وكق-دا ونلاين رەجيمدە ٶتكەن باسپاسٶز مەسليحاتىندا.
دەپارتامەنت ديرەكتورى سونىمەن قاتار كەسٸپكەر نەسيە الۋ كەزٸندە بانككە جٷگٸنگەندە ونىڭ كەپٸلٸ جەتكٸلٸكسٸز بولعان جاعداي دا كەزدەسەتٸنٸن جەتكٸزدٸ.
«بۇل ٶتە ٷلكەن مەسەلە. وسى پروبلەمانى شەشۋ ماقساتىندا مەملەكەت تاراپىنان كەپٸلدەندٸرۋ بەرٸلەتٸن نەسيەنٸڭ مٶلشەرٸ 360 ملن تەڭگەدەن 1 ملرد تەڭگەگە دەيٸن ۇلعايىپ وتىر. وسىنداي نەسيەنٸڭ مەملەكەت تاراپىنان بەرٸلەتٸن كەپٸلدەندٸرۋ مٶلشەرٸ 50 پايىزدى قۇرايدى. ال 360 ملن تەڭگەگە دەيٸن بەرٸلەتٸن نەسيە بويىنشا مەملەكەتتٸك كەپٸلدەندٸرۋ 85 پايىزدى قۇراپ وتىر», - دەدٸ ول.
ەسكە سالا كەتسەك بۇعان دەيٸن شىڭعىس احمەتوۆ قازٸرگٸ كەزەڭدە شاعىن جەنە ورتا بيزنەستٸ مەملەكەتتٸك قولداۋدىڭ قانداي تەتٸكتەرٸ بار ەكەنٸن ايتىپ بەرگەن بولاتىن.
