فوتو: اقوردانىڭ باسپاسٶز قىزمەتٸ
پرەزيدەنت جٷز جاساعان سوعىس ارداگەرٸ يۆان گاپيچپەن جەنە 96 جاستاعى ٶلكەتانۋشى جايساڭ اقبايمەن كەزدەسٸپ, ەڭگٸمەلەستٸ, - دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
مەملەكەت باسشىسى قاسىم-جومارت توقاەۆ سوعىس ارداگەرٸ يۆان گاپيچتٸڭ ٷيٸنە بارىپ, 100 جاسقا تولعان مەرەيتويىمەن قۇتتىقتادى. پرەزيدەنت ونىڭ ٶمٸر جولى حالىققا قىزمەت ەتۋدٸڭ, ەرەن ەڭبەكتٸڭ, وتانسٷيگٸشتٸكتٸڭ جارقىن ٷلگٸسٸ سانالاتىنىن اتاپ ٶتتٸ.
"بۇل جاسقا جەتۋ ەكٸنٸڭ بٸرٸنٸڭ ماڭدايىنا جازىلمايدى. ونىڭ ٷستٸنە, سٸز ۇلى وتان سوعىسىنا قاتىستىڭىز. بٸز مايدان دالاسىندا بولعان سوعىس ارداگەرلەرٸنە زور قۇرمەتپەن قارايمىز. سوعىستان كەيٸنگٸ جىلدارى ەلگە ورالىپ, پروكۋراتۋرا ورگاندارىندا ەڭبەك ەتٸپ, ەلٸمٸزدٸڭ دامۋىنا سٷبەلٸ ٷلەس قوستىڭىز. سٸزگە العىس ايتامىن", - دەدٸ مەملەكەت باسشىسى.
يۆان گاپيچ 1923 جىلى اقمولا وبلىسىندا دٷنيەگە كەلٸپ, الماتىدا بٸلٸم العان. ول مايدان دالاسىندا پولشانى, چەحوسلوۆاكييانى, ۋكراينانى ازات ەتۋگە قاتىستى. سوعىستان كەيٸنگٸ جىلدارى پروكۋراتۋرا ورگاندارىندا قىزمەت اتقارىپ, قاراعاندى, وڭتٷستٸك قازاقستان, اقمولا جەنە باتىس قازاقستان وبلىستارىندا ۇزاق جىل ەڭبەك ەتتٸ.
سونىمەن قاتار پرەزيدەنت 96 جاستاعى جەرگٸلٸكتٸ ٶلكەتانۋشى, مەدەنيەت قايراتكەرٸ جايساڭ اقبايمەن دە ەڭگٸمەلەستٸ.
"سٸزدٸڭ ەڭبەك جولىڭىز – كٶپشٸلٸككە ٷلگٸ-ٶنەگە. پارتييادا, مەملەكەتتٸك قىزمەتتە ەڭبەك ەتتٸڭٸز. وتاندىق مەدەنيەت سالاسىن دامىتۋعا ەلەۋلٸ ٷلەس قوستىڭىز. سٸزگە مىقتى دەنساۋلىق, وتباسىڭىزعا باق-بەرەكە تٸلەيمٸن", - دەدٸ قاسىم-جومارت توقاەۆ.
جايساڭ اقباي باتىس قازاقستان وبلىسىنىڭ بٸلٸم جەنە مەدەنيەت سالالارىندا ۇزاق جىل ەڭبەك ەتكەن. سونداي-اق ول ٶڭٸردە ٶلكەتانۋشىلىق قىزمەتٸمەن تانىمال.
سوعىس ارداگەرٸ يۆان گاپيچ پەن ەڭبەك ارداگەرٸ جايساڭ اقباي پرەزيدەنتكە العىس ايتىپ, ريزاشىلىعىن بٸلدٸردٸ.
