2020 جىلدىڭ 1 قىركٷيەگٸندە قر پرەزيدەنتٸ قاسىم-جومارت توقاەۆ پاندەمييادان كەيٸنگٸ داعدارىسقا بايلانىستى شاعىن جەنە ورتا بيزنەسكە جٷيەلٸ قولداۋ شارالارىن كٶرسەتۋدٸ تاپسىردى, دەپ حابارلايدى قازاقپارات.
ۇلتتىق ەكونوميكا مينيسترلٸگٸنٸڭ حابارلاۋىنشا, بيىل شاعىن جەنە ورتا بيزنەستٸ جەڭٸلدٸكپەن كرەديتتەۋ جۇمىستارى «بيزنەستٸڭ جول كارتاسى 2025», «قاراپايىم زاتتار ەكونوميكاسى», «ەڭبەك» جەنە «جۇمىسپەن قامتۋدىڭ جول كارتاسى» باعدارلامالارى, سونداي-اق اينالىم كاپيتالىن تولىقتىرۋعا ۇلتتىق بانكتٸڭ جەڭٸلدٸكپەن كرەديتتەۋ باعدارلاماسى شەڭبەرٸندە جالعاسۋدا.
اتاپ ايتقاندا, كرەديتتەر بويىنشا جىلدىق مٶلشەرلەمە 6%-دى قۇرايدى, اينالىم كاپيتالىن تولىقتىرۋدى قارجىلاندىرۋ مەن كرەديتتەر سوماسى ۇلعايتىلدى, ميكرو جەنە شاعىن كەسٸپكەرلٸك سۋبەكتٸلەرٸنە قولجەتٸمدٸ ميكروكرەديت بەرۋ ٸسكە قوسىلدى.
ۆەدومستۆو ۇسىنعان اقپاراتقا سەيكەس, بيىلعى بٸرٸنشٸ جارتىجىلدىقتا 31 مىڭنان استام جوبا 1 ترلن تەڭگەدەن استام سوماعا جەڭٸلدٸكتٸ قارجىلاندىرۋ العان. ەكونوميكانىڭ زارداپ شەككەن سەكتورلارىنداعى كەسٸپكەرلەردٸ قولداۋ ٷشٸن شاعىن جەنە ورتا كەسٸپكەرلٸك كرەديتتەرٸ قايتا قارجىلاندىرىلۋدا. ەكونوميكالىق قىزمەت تٷرلەرٸنٸڭ تٸزبەسٸ كەڭەيتٸلٸپ, سۋبسيدييالاۋ مەرزٸمٸ 3 ايعا ۇزارتىلدى. وسى شارالارعا بيۋدجەتتەن 18,4 ميلليارد تەڭگە بٶلٸنگەن.
بيىلعى شٸلدە ايىندا «بيزنەستٸڭ جول كارتاسى» جەنە «قاراپايىم زاتتار ەكونوميكاسى» باعدارلامالارى شەڭبەرٸندە جاڭا بيزنەس جوبالارىن سۋبسيدييالاۋ ٷشٸن بيۋدجەتتەن قوسىمشا 13,2 ميلليارد تەڭگە بٶلٸندٸ. ەكٸ باعدارلامانى قارجىلاندىرۋدىڭ جالپى كٶلەمٸ 186,3 ميلليارد تەڭگە بولدى. سونىمەن بٸرگە, شٸلدە ايىندا «جۇمىسپەن قامتۋدىڭ جول كارتاسى» باعدارلاماسى اياسىندا «باستاۋ-بيزنەس» جوباسىنىڭ تٷلەكتەرٸنە شاعىن نەسيە بەرۋ باستالدى. وعان 22,5 ميلليارد تەڭگە بٶلٸندٸ. اۋىلداعى ٶز كەسٸبٸن جاڭادان باستايتىن كەسٸپكەرلەردٸڭ 5 مىڭداي جوباسىن قارجىلاندىرۋ جوسپارلانۋدا.
سونىمەن بٸرگە, بٸرٸنشٸ جارتىجىلدىق قورىتىندىسى بويىنشا «بيزنەستٸڭ جول كارتاسى 2025» جەنە «قاراپايىم زاتتار ەكونوميكاسى» باعدارلامالارى اياسىندا جالپى سوماسى 441 ميلليارد تەڭگەگە 12 447 جوبا سۋبسيدييالاندى. 187 ميلليارد تەڭگە بولاتىن 10 788 جوباعا كەپٸلدٸك بەرٸلدٸ. اگرارلىق نەسيە كورپوراتسيياسى شەڭبەرٸندە 5,9 ميلليارد تەڭگە بولاتىن 134 جوباعا قولداۋ كٶرسەتٸلدٸ.
جىل باسىنان بەرٸ نەسيەلەردٸ سۋبسيدييالاۋ قۇرالى بويىنشا ەڭ كٶپ قولداۋ كٶرسەتٸلگەن جوبالار نۇر-سۇلتان, الماتى قالالارىندا جەنە جامبىل وبلىسىندا بايقالدى. كەپٸلدٸك بەرۋ قۇرالى بويىنشا جوبالاردىڭ باسىم بٶلٸگٸ جامبىل, تٷركٸستان وبلىستارىندا جەنە نۇر-سۇلتان قالاسىندا قولداۋ تاپتى.
«اتامەكەن» ۇلتتىق كەسٸپكەرلەر پالاتاسى 50 مىڭنان استام كەسٸپكەرلٸك سۋبەكتٸلەرٸنە ساۋالناما جٷرگٸزٸپ, شاعىن جەنە ورتا بيزنەستٸ قولداۋ بويىنشا جاڭا شارالار پاكەتٸن ەزٸرلەدٸ. اتاپ ايتقاندا, 2021 جىلعا ارنالعان ەكونوميكالىق ٶسۋدٸ قالپىنا كەلتٸرۋ بويىنشا ٶزەكتٸ كەشەندٸ جوسپار ٸسكە اسىرىلۋدا. بۇل كەشەندٸ جوسپار 60-تان استام قولداۋ شارالارىن ٸسكە اسىرۋدى, ونىڭ ٸشٸندە بيزنەسكە جٷكتەمەنٸ ازايتۋ, سۇرانىس نارىقتارىنا قولجەتٸمدٸلٸكتٸ قامتاماسىز ەتۋ, جاڭا رەتتەۋشٸلٸك ساياساتتى ەنگٸزۋدٸ كٶزدەيدٸ.
بيىلعى 1 قاڭتاردان باستاپ, زارداپ شەككەن سالالاردا تٷسكەن تابىستىڭ 3 پايىز مٶلشەرلەمەسٸمەن بٶلشەك سالىقتىڭ جاڭا ارنايى رەجيمٸ ەنگٸزٸلدٸ. ال 1 سەۋٸردەن 1 شٸلدەگە دەيٸن ەڭبەكاقى تٶلەۋ قورىنان زارداپ شەككەن سالالاردا سالىقتاردى تٶلەۋدٸ كەيٸنگە قالدىرۋ ۇسىنىلدى. 1 شٸلدەدەن باستاپ جاڭادان قۇرىلعان ٶندٸرٸستٸك كومپانييالار ٷشٸن 70 پايىز مٶلشەرٸندە قوسىلعان قۇن سالىعى بويىنشا قوسىمشا ەسەپكە الۋ قۇقىعى بەرٸلدٸ. ۇسىنىلعان قورعاۋ قۇرالدارىنىڭ قۇنى ارقىلى كەسٸپكەرلٸك سۋبەكتٸلەرٸنٸڭ قىزمەتكەرلەرٸ جەكە تابىس سالىعىنان بوساتىلدى.
سونىمەن بٸرگە, كەلەسٸ جىلدان باستاپ بيزنەستٸ جاڭا نەگٸزگٸ قورلارعا قايتا ينۆەستيتسييالاۋعا پايدالانىلاتىن كورپوراتيۆتٸك تابىس سالىعىنان بوساتۋ جٶنٸندەگٸ شارالار كٶزدەلگەن. بيزنەسكە جٷكتەمەنٸ تٷبەگەيلٸ تٶمەندەتۋ, وڭتايلى جەنە تيٸمدٸ رەتتەگٸش جٷيەنٸ قالىپتاستىرۋ ماقساتىندا كەسٸپكەرلٸك قىزمەتتٸ «تازا پاراقتان» رەتتەۋ تەسٸلدەرٸ جاسالۋدا. ولار مەملەكەت پەن كەسٸپكەرلٸكتٸڭ ٶزارا ٸس-قيمىلىنىڭ بازالىق قاعيداتتارىن جەتٸلدٸرۋدٸ كٶزدەيدٸ. قازٸرگٸ ۋاقىتتا تيٸستٸ زاڭ جوباسى پارلامەنتتە قارالۋدا.
