فوتو: Akorda.kz
پرەزيدەنت جەتٸسۋ وبلىسىنىڭ تۋريستٸك ەلەۋەتٸمەن تانىستى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
مەملەكەت باسشىسىنا شوقان ۋەليحانوۆ اتىنداعى «التىنەمەل» مەموريالدىق مۋزەيٸندە جەتٸسۋ وبلىسىنىڭ تۋريزم سالاسىن دامىتۋ ٷشٸن اتقارىلىپ جاتقان جۇمىستار جٶنٸندە قىسقاشا مەلٸمەت بەرٸلدٸ.
وبلىس ەكٸمٸنٸڭ ورىنباسارى رۋستام ەليدٸڭ ايتۋىنشا, تۋريزم سالاسىنىڭ دامۋىنا قاتىستى نەگٸزگٸ كٶرسەتكٸشتەردە ٶسٸم بايقالادى. سوڭعى ٷش جىلدا ٶڭٸرگە كەلگەن تۋريستەر سانى ەكٸ ەسە ارتقان. ال وسى سالاداعى كٶرسەتٸلەتٸن قىزمەتتەر كٶلەمٸ 16 ميلليارد تەڭگەگە دەيٸن ٶستٸ.
اتالعان باعىتتىڭ دامۋىنا تىڭ سەرپٸن بەرۋ ٷشٸن بٸرقاتار ينفراقۇرىلىمدىق جوبا جٷزەگە اسىرىلىپ جاتىر.
اتاپ ايتقاندا, قازٸر الاكٶلگە كٶلٸكتٸڭ بٸرنەشە تٷرٸمەن جەتۋگە بولادى. بىلتىر ٷشارال ەۋەجايىنىڭ ۇشۋ-قونۋ جولاعىنا رەكونسترۋكتسييا جاسالىپ, تۇراقتى ەۋە قاتىناسى جولعا قويىلدى. بيىل «استانا – دوستىق» باعىتى بويىنشا «تالگو» پويىزى ٸسكە قوسىلدى جەنە «ٷشارال – دوستىق» اۆتوجولىنىڭ رەكونسترۋكتسيياسى اياقتالدى. قازٸرگٸ كەزدە «تالدىقورعان – قالباتاۋ – ٶسكەمەن» اۆتوجولىن قايتا جٶندەۋ, الاكٶل كۋرورتتىق ايماعىندا جوعارى ۆولتتى ەلەكتر جەلٸلەرٸن تارتۋ جۇمىستارى جٷرگٸزٸلٸپ جاتىر.
بۇعان قوسا «بالقاش» تۋريستٸك-رەكرەاتسييالىق ايماعىنىڭ باس جوسپارى» ەزٸرلەندٸ. ونىڭ اياسىندا ۇزىندىعى 16 شاقىرىم بولاتىن جاعالاۋعا بيۋدجەت ەسەبٸنەن ينجەنەرلٸك-كوممۋنيكاتسييالىق جەلٸ تارتىلىپ, جالپى اۋماعى 860 گەكتار جەرگە 7 باعىتتاعى دەمالىس ايماقتارى ورنالاستىرىلادى. جوسپار شەڭبەرٸندە 30 ميلليارد تەڭگەگە دەيٸن جەكە ينۆەستيتسييا تارتۋ كٶزدەلگەن. سونىمەن قاتار كەلەسٸ جىلى كٶلگە اپاراتىن «الماتى – ٶسكەمەن – لەپسٸ – اقتوعاي» جولىنىڭ رەكونسترۋكتسيياسىن اياقتاۋ جوسپارلانىپ وتىر.
«التىن-ەمەل», «جوڭعار الاتاۋى» ۇلتتىق تابيعي پاركتەرٸندە ەكولوگييالىق تۋريزمگە باسىمدىق بەرٸلەدٸ. بيىل «Altynemel» ۆيزيت-ورتالىعى اشىلدى. ال «جوڭعار الاتاۋى» ۇلتتىق پاركٸنٸڭ اۋماعىندا جالپى قۇنى 1,7 ميلليارد تەڭگە بولاتىن 8 ينۆەستيتسييالىق جوبا جٷزەگە اسىرىلماق.
سونىمەن قاتار تەكەلٸ ماڭايىندا شاڭعى-بياتلون كەشەنٸن سالۋ جەنە بۇرقانبۇلاق سارقىراماسىنا دەيٸنگٸ جولدى جٶندەۋ جۇمىستارى جوسپارلانعان.
مەملەكەت باسشىسى تۋريستٸك-دەمالىس ايماقتارىنا ينجەنەرلٸك-كوممۋنيكاتسييالىق جەلٸ جٷرگٸزۋمەن جەنە اباتتاندىرۋمەن بەلسەندٸ تٷردە اينالىسىپ, وبلىستىڭ تۋريستٸك ەلەۋەتٸن ارتتىرۋ قاجەت ەكەنٸن ايتتى.
– جالپى, وبلىستا تۋريستٸك نىساندار جەتكٸلٸكتٸ. سوندىقتان ونىڭ بەرٸنە تيٸستٸ دەڭگەيدە مەن بەرٸپ, دامىتۋ كەرەك. تۋريزم جەتٸسۋ وبلىسى ەكونوميكاسىنىڭ باسىم باعىتى بولۋعا تيٸس. تۋريستەر نەعۇرلىم كٶبٸرەك كەلسە, وبلىسقا دا وڭ سەپتٸگٸن تيگٸزەدٸ. وبلىستىڭ تۋريزم سالاسىنداعى ەلەۋەتٸ ٶتە زور, – دەدٸ پرەزيدەنت.
