فوتو: Akorda.kz
مەملەكەت باسشىسى جازۋشىلار وداعىنىڭ تٶراعاسى مەرەكە قۇلكەنوۆتٸ قابىلدادى, - دەپ حابارلايدى "ۇلت اقپارات" اقوردا سايتىنا سٸلتەمە جاساپ.
كەزدەسۋدە ەل بٸرلٸگٸن نىعايتۋ, قوعامدىق قۇندىلىقتاردى دەرٸپتەۋ ٸسٸندە قالامگەر قاۋىمنىڭ اتقاراتىن رٶلٸ قاراستىرىلدى.
مەملەكەت باسشىسى جازۋشىلار وداعى ۇلتتىق ينتەلليگەنتسييانىڭ باسىن قوسىپ وتىرعان قارا شاڭىراق ەكەنٸن ايتا كەلٸپ, اقىن-جازۋشىلاردىڭ حالىق ەدەبيەتٸن ۇرپاقتان-ۇرپاققا جەتكٸزٸپ, قوعامنىڭ بٸرلٸگٸن نىعايتۋداعى ەڭبەگٸ زور ەكەنٸنە نازار اۋداردى.
پرەزيدەنتتٸڭ پٸكٸرٸنشە, بٷگٸنگٸ ۋاقىت تالابى باسقا. وقىرماننىڭ تالعامى, قوعامنىڭ قۇندىلىعى بارلىعى ٶزگەرٸپ كەلەدٸ. سوندىقتان شىعارماشىلىق ورتانىڭ جۇمىسى دا بٷگٸنگٸ زامان تالابىنا ساي بولۋى كەرەك.
قاسىم-جومارت توقاەۆ قازاق ەدەبيەتٸندە قازٸرگٸ وقىرمان تالعامىنا ساي, ٸزدەپ جٷرٸپ وقيتىن قىزىق تۋىندىلار جازىلۋى كەرەك ەكەنٸنە ايرىقشا توقتالدى. سونىمەن قاتار, جاس اقىن-جازۋشىلاردىڭ شىعارماشىلىعىنا ەرەكشە نازار اۋدارۋ قاجەت ەكەنٸن اتاپ ٶتٸپ, مەملەكەت تاراپىنان قالامگەرلەردٸ قولداۋ شارالارى جالعاسا بەرەتٸنٸن ايتتى.
مەرەكە قۇلكەنوۆ پرەزيدەنتكە جازۋشىلار وداعىنىڭ جۋىردا ٶتكەن سەزٸندە تالقىلانعان ماڭىزدى ۇسىنىستار مەن ۇيىمنىڭ الداعى جوسپارى جٶنٸندە باياندادى.
اتاپ ايتقاندا, جازۋشىلار وداعىنىڭ تٶراعاسى پرەزيدەنتكە "مەدەنيەت تۋرالى" زاڭعا قازاق جازۋشىلارىنىڭ شىعارمالارىن باسىپ شىعارۋعا جەنە كەڭٸنەن تاراتۋعا سەپتٸگٸن تيگٸزەتٸن ارناۋلى نورمالار ەنگٸزۋ جٶنٸندە ۇسىنىس ايتتى. سونداي-اق, قالامگەرلەرگە جان-جاقتى قولداۋ كٶرسەتٸلٸپ جاتقانى ٷشٸن پرەزيدەنتكە ريزاشىلىعىن بٸلدٸردٸ.
