Foto: Akorda.kz
Memleket basshysy Jazýshylar odaǵynyń tóraǵasy Mereke Qulkenovti qabyldady, - dep habarlaidy "Ult aqparat" Aqorda saityna silteme jasap.
Kezdesýde el birligin nyǵaitý, qoǵamdyq qundylyqtardy dáripteý isinde qalamger qaýymnyń atqaratyn róli qarastyryldy.
Memleket basshysy Jazýshylar odaǵy ulttyq intelligentsiianyń basyn qosyp otyrǵan qara shańyraq ekenin aita kelip, aqyn-jazýshylardyń halyq ádebietin urpaqtan-urpaqqa jetkizip, qoǵamnyń birligin nyǵaitýdaǵy eńbegi zor ekenine nazar aýdardy.
Prezidenttiń pikirinshe, búgingi ýaqyt talaby basqa. Oqyrmannyń talǵamy, qoǵamnyń qundylyǵy barlyǵy ózgerip keledi. Sondyqtan shyǵarmashylyq ortanyń jumysy da búgingi zaman talabyna sai bolýy kerek.
Qasym-Jomart Toqaev qazaq ádebietinde qazirgi oqyrman talǵamyna sai, izdep júrip oqityn qyzyq týyndylar jazylýy kerek ekenine airyqsha toqtaldy. Sonymen qatar, jas aqyn-jazýshylardyń shyǵarmashylyǵyna erekshe nazar aýdarý qajet ekenin atap ótip, memleket tarapynan qalamgerlerdi qoldaý sharalary jalǵasa beretinin aitty.
Mereke Qulkenov Prezidentke Jazýshylar odaǵynyń jýyrda ótken sezinde talqylanǵan mańyzdy usynystar men uiymnyń aldaǵy jospary jóninde baiandady.
Atap aitqanda, Jazýshylar odaǵynyń tóraǵasy Prezidentke "Mádeniet týraly" zańǵa qazaq jazýshylarynyń shyǵarmalaryn basyp shyǵarýǵa jáne keńinen taratýǵa septigin tigizetin arnaýly normalar engizý jóninde usynys aitty. Sondai-aq, qalamgerlerge jan-jaqty qoldaý kórsetilip jatqany úshin Prezidentke rizashylyǵyn bildirdi.
