قازاقستان رەسپۋبليكاسى پرەزيدەنتٸنٸڭ ادام قۇقىقتارى سالاسىنداعى ودان ەرٸ شارالارى تۋرالى جارلىعى مٷمكٸندٸگٸ شەكتەۋلٸ ادامداردىڭ قۇقىعىن قامتاماسىز ەتۋگە باعىتتالعان قازٸرگٸ پروتسەستەردٸڭ كاتاليزاتورى بولادى. بۇل تۋرالى ق.يماناليەۆ اتىنداعى مٷگەدەكتەردٸڭ قۇقىقتارى جٶنٸندەگٸ كوميسسييا جەتەكشٸسٸ ۆەنيامين الاەۆ مەلٸم ەتتٸ, دەپ حابارلايدى قازاقپارات.
«جالپى, اتالعان جارلىققا قول قويۋدى وڭتايلى باعالاپ وتىرمىن. قۇجاتقا مٷگەدەكتٸگٸ بار ازاماتتارعا قاتىستى ادام قۇقىقتارى ەنگٸزٸلگەنٸنە قۋانىشتىمىن. مۇنى مٷمكٸندٸگٸ شەكتەۋلٸ جانداردىڭ قۇقىقتارىن قامتاماسىز ەتۋگە باعىتتالعان قازٸرگٸ پورتسەستەردٸڭ كاتاليزاتورى بولادى دەپ ٷمٸتتەنەمٸن. مٷگەدەكتٸگٸ بار ادامداردىڭ قۇقىقتارى ەلٸ دە بۇزىلىپ كەلەدٸ, سوندىقتان بٸزدٸڭ قۇقىقتارىمىز جايىندا بەلسەندٸ تٷردە جارييالانىپ وتىر. مٷمكٸندٸگٸ شەكتەۋلٸ بەلسەندٸلەر مەن ساراپشىلار مەجٸلٸس, سەنات, ەڭبەك مينيسترلٸگٸ جانىنداعى جۇمىس توپتارىنا شاقىرتىلىپ كەلەدٸ. وندا بٸزدٸڭ ٶكٸلدەر كٶپتەگەن سالماقتى ۇسىنىستار ەنگٸزٸپ جاتقانىن كٶرٸپ وتىرمىز», - دەدٸ ۆەنيامين الاەۆ.
ونىڭ ايتۋىنشا, قازٸرگٸ كەزدە بۇۇ-نىڭ مٷگەدەكتٸگٸ بار ادامداردىڭ قۇقىقتارى تۋرالى كونۆەنتسيياسىنىڭ نورمالارىنا سەيكەس بولۋى ٷشٸن ەلٸمٸزدٸڭ زاڭدارىنا تيٸستٸ تٷزەتۋلەر ەنگٸزۋ جالعاسىپ جاتىر. وندا مٷمكٸندٸگٸ شەكتەۋلٸ جانداردىڭ قۇقىقتارىن جاقسارتاتىن تٷزەتۋلەر ەسكەرٸلگەن.
«بۇل پروتسەستٸڭ ٸلگەرٸلٸپ, العا جىلجىعانى ماڭىزدى. ەڭ باستىسى, وسى زاڭدار ورىندالۋى تيٸس. بۇۇ-نىڭ مٷگەدەكتٸگٸ بار ادامداردىڭ قۇقىقتارى تۋرالى كونۆەنتسيياسى 2015 جىلى راتيفيكاتسييالاندى. كٶبٸسٸ مٷمكٸندٸگٸ شەكتەۋلٸ ادامداردىڭ ٶمٸرٸ بٸردەن جاقسارىپ كەتەدٸ دەپ ويلادى, الايدا بۇل ۋاقىتتى قاجەت ەتەتٸن پروتسەسس ەكەنٸن كٶرٸپ وتىرمىز», - دەدٸ ساراپشى.
«اتاپ ايتقاندا, جارلىق بۇل باعىتتاعى پروتسەستەردٸ اياقتاۋعا قوسىمشا سەنٸمدٸلٸك بەرەدٸ دەپ سانايمىن», - دەدٸ ق.يماناليەۆ اتىنداعى مٷگەدەكتەردٸڭ قۇقىقتارى جٶنٸندەگٸ كوميسسييا جەتەكشٸسٸ ۆەنيامين الاەۆ.
ايتا كەتەيٸك, وسىعان دەيٸن قازاقستان پرەزيدەنتٸ قاسىم-جومارت توقاەۆتىڭ قر ادام قۇقىقتارى سالاسىنداعى ودان ەرٸ شارالارى تۋرالى جارلىققا قول قويعانى حابارلاندى.
