فوتو: Akorda.kz
مەملەكەت باسشىسى كٶكشەتاۋ قالاسىندا بىلتىر مامىر ايىندا اشىلعان «Viamedis Kokshetau» كلينيكالىق وڭالتۋ ورتالىعىنا باردى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
بۇل – ينسۋلتتان كەيٸن وڭالتۋ شارالارى جٷرگٸزٸلەتٸن ەلٸمٸزدەگٸ العاشقى ورتالىق. ونىڭ جانىنان مەملەكەت پەن جەكەمەنشٸك سەرٸكتەستٸگٸ اياسىندا 250 پاتسيەنتكە ارنالعان ەمحانا سالىنعان. ستاتسيونارلىق وڭالتۋ بٶلٸمٸندە 100-دەن استام, كٷندٸزگٸ ستاتسيوناردا 46 تٶسەك-ورىن قاراستىرىلعان. ەمحانادا 20 مىڭ ادام تٸركەلگەن. دەنساۋلىق ساقتاۋ مەكەمەسٸندە 235 مەديتسينا قىزمەتكەرٸ جۇمىس ٸستەيدٸ.
پرەزيدەنتكە ەمحانا باسشىلىعى ورتالىقتىڭ ناۋقاستارعا ساپالى ەرٸ جەدەل دياگنوز قويۋعا مٷمكٸندٸك بەرەتٸن زاماناۋي مەديتسينالىق اپپاراتتارمەن جەنە قۇرالدارمەن جابدىقتالعانى جٶنٸندە مەلٸمەت بەردٸ.
بۇدان كەيٸن قاسىم-جومارت توقاەۆقا اقمولا وبلىسىنداعى دەنساۋلىق ساقتاۋ سالاسىنىڭ قازٸرگٸ احۋالى تۋرالى باياندالدى. ٶڭٸردە 560 مەديتسينالىق نىسان جۇمىس ٸستەپ تۇر. وندا جالپى 7800-گە جۋىق مەديتسينا قىزمەتكەرٸ ەڭبەك ەتەدٸ. دەرٸگەرلەردٸڭ تاپشىلىعى سوڭعى ٷش جىلدا ەكٸ ەسە ازايعان. وبلىس 1,4 ميلليارد تەڭگەگە 80-گە جۋىق مەديتسينالىق تەحنيكا ساتىپ الدى.
«اۋىلدىق دەنساۋلىق ساقتاۋدى جاڭعىرتۋ» ۇلتتىق جوباسى اياسىندا وبلىستاعى 38 ەلدٸ مەكەندە امبۋلاتورلىق-ەمحانا نىساندارىن سالۋ جوسپارلانىپ وتىر.
مەملەكەت باسشىسىنا دەنساۋلىق ساقتاۋ مينيسترلٸگٸنٸڭ شەتەلدٸك ينۆەستورمەن بٸرلەسٸپ, كٶكشەتاۋدا 630 ورىندىق كٶپسالالى زاماناۋي اۋرۋحانا سالۋ جوباسىن جٷزەگە اسىرىپ جاتقانى تۋرالى ايتىلدى.
پرەزيدەنتكە وسى مەديتسينالىق ورتالىق ورنالاسقان كٶكشەتاۋ قالاسىنىڭ سارىارقا شاعىناۋدانىنىڭ قۇرىلىسى تانىستىرىلدى. العاشقى ٸرگەتاسى 2012 جىلى قالانعان شاعىناۋداننىڭ اۋماعى – 1120 گەكتار. بۇل جەردە 56 كٶپقاباتتى تۇرعىن ٷي سالىنعان. ەل-فارابي اتىنداعى ٸت-مەكتەپ پەن ٶرت سٶندٸرۋ بەكەتٸ, بٸرقاتار سپورت نىسانى پايدالانۋعا بەرٸلگەن. الداعى ۋاقىتتا 256 كٶپقاباتتى تۇرعىن ٷي, 21 بٸلٸم بەرۋ نىسانى, 2 ساۋدا ورتالىعى جەنە ساياباق الاڭدارىن سالۋ جوسپارلانىپ وتىر.
