قازاقستان پرەزيدەنتٸ قاسىم-جومارت توقاەۆ حالىققا جىل سايىنعى جولداۋى كەزٸندە دەنساۋلىق ساقتاۋ سالاسىن تۇراقتى ەكپە الۋ جٷيەسٸنە دايىنداۋدى تاپسىردى, دەپ حابارلايدى "ۇلت اقپارات".
"ەلٸمٸزدە ۆاكتسينا قورى جەتكٸلٸكتٸ, ازاماتتارىمىزدىڭ تاڭداۋ مٷمكٸندٸگٸ بار. كٶپتەگەن مەملەكەتتەردٸڭ بۇعان قولى جەتپەي وتىر.
ەلٸمٸزدە جاپپاي ەكپە سالۋ جٷرٸپ جاتقانىمەن, قوعامدا وعان قارسى ادامدار ەلٸ دە كٶپ. ولار ٶزدەرٸ باس تارتىپ قانا قويماي, حالىقتى كەرٸ ٷگٸتتەۋدە. سونىڭ كەسٸرٸنەن قانشاما جۇرتتى اداستىرۋدا. مۇنداي ادامدار ٶزٸنٸڭ عانا ەمەس, ٶزگەنٸڭ ٶمٸرٸ ٷشٸن دە جاۋاپ بەرەتٸنٸن تٷسٸنۋگە تيٸس. سوندىقتان ەكپە الۋعا قارسى ٷگٸتتەپ جٷرگەندەردٸڭ جەتەگٸندە كەتپەگەن جٶن", - دەدٸ توقاەۆ پارلامەنت پالاتالارىنىڭ بٸرلەسكەن وتىرىسىندا.
وسى ورايدا پرەزيدەنت ادامزاتتىڭ تالاي ٸندەتتٸ باستان ٶتكەرگەنٸن دە ەسكە سالدى.
"ۆاكتسينا پايدا بولعاننان كەيٸن عانا قاۋٸپتٸ دەرتتەرگە توسقاۋىل قويىلعانىن ۇمىتپاۋىمىز كەرەك. الداعى ۋاقىتتا ەلەمدە كوروناۆيرۋستىڭ جاڭا شتامدارى شىعۋى مٷمكٸن. ساراپشىلار باسقا دا ٸندەتتەر پايدا بولاتىنىن ايتۋدا. بٸز ونىڭ قاشان بولاتىنىن كٷتٸپ, قاراپ وتىرا المايمىز. وسىنداي جاعدايدا ٶمٸر سٷرٸپ, ەرٸ قاراي دامۋعا بەيٸمدەلۋٸمٸز كەرەك.
قازٸر «بۋستەرلٸك ۆاكتسينانى» ساتىپ الۋ ٶتە ماڭىزدى. دٷنيەجٷزٸلٸك دەنساۋلىق ساقتاۋ ۇيىمىندا تٸركەلگەن ۆاكتسينالاردى تەزٸرەك ساتىپ الۋ قاجەت.
سونىمەن بٸرگە, بٷكٸل دەنساۋلىق ساقتاۋ سالاسىن تۇراقتى ەكپە الۋ جٷيەسٸنە دايىنداعان جٶن", - دەپ اتاپ كٶرسەتتٸ توقاەۆ.
