بۇۇ ادام قۇقىقتارى جٶنٸندەگٸ كوميتەتٸنٸڭ بۇرىنعى مٷشەسٸ, زاڭ عىلىمدارىنىڭ دوكتورى, پروفەسسور مارات سەرسەمباەۆ «Amanat» پارتيياسىنىڭ كەلەشەگٸ تۋرالى پٸكٸر بٸلدٸردٸ, دەپ حابارلايدى قازاقپارات.
«پارتييانىڭ اتى ٶزگەرٸپ, رەبرەندينگ جاساپ جاتقانى ٶزگەرٸستٸڭ باسى دەپ باعالانۋى كەرەك سيياقتى. پارتييالىق دامۋدىڭ بٸر كەزەڭٸ ٶتتٸ دەسەك بولادى. ەندٸ جاڭا كەزەڭ كٷتٸپ تۇر.
پارتييا ەرٸ قاراي العا قالاي جىلجۋى مٷمكٸن دەگەنگە كەلسەك, كٶپ دٷنيە قۇرامىنداعى ادامدارعا بايلانىستى. ونىڭ ٷستٸنە بۇل بيلٸك پارتيياسى بولىپ ەسەپتەلەدٸ. پارتييا قۇرامى قازٸرگٸدەن دە جاڭارادى دەپ ٷمٸتتەنەمٸز. ونسىز دا وسىنىڭ الدىنداعى سەزدە ايتارلىقتاي جاڭارعانىن بٸلەمٸز. پارتييا ورگانىنىڭ باسقارۋ قۇرامىنا باسقا ادامدار كٸردٸ دەگەندەي. بۇرىنعىلاردىڭ بٸر بٶلٸگٸ قۇرامنان شىعارىلدى دا. وسى تۇرعىدان الساق, قانداي دا بٸر قوزعالىستىڭ بار ەكەنٸ جاقسى. ونىڭ ٸشٸندە كادرلىق تۇرعىدان دا, پارتييا ساياساتى تۇرعىسىنان دا قوزعالىس بار دەپ ايتا الامىز», - دەيدٸ عالىم.
زاڭگەر پرەزيدەنت قاسىم-جومارت توقاەۆتىڭ 16 ناۋرىزدا جارييالايتىن ساياسي رەفورمالاردىڭ جاڭا باعدارلاماسى «Amanat»-تىڭ ەكٸنشٸ تىنىسىن اشادى دەپ وتىر.
«ەندٸ نە بولادى دەسەك, بۇل پرەزيدەنتتٸڭ ناۋرىز ايىنىڭ ورتاسىندا ەلدٸڭ ساياسي دامۋ جولى تۋرالى نە ايتاتىنىنا بايلانىستى. مەملەكەت باسشىسى رەتٸندە ەلدٸڭ ساياسي دامۋىن قالاي كٶرەتٸنٸنە, كٶزقاراسى قالاي بولاتىنىنا كٶپ دٷنيە بايلانىستى. وسى مەسەلەگە جاۋاپ العان كەزدە پاتييانىڭ قالاي جىلجيتىنى تۋرالى ناقتىراق بولجام ايتۋعا بولادى. ەزٸرگە پرەزيدەنت وسى پارتييانىڭ باسشىسى بولعاندىقتان, «Amanat» پارتيياسىنىڭ العا جاسايتىن قادامى دا سول كەزدە ايتىلاتىن مەسەلەلەرگە نەگٸزدەلەدٸ دەپ ويلايمىن.
پرەزيدەنت وسى جولى جاڭا ساياسي ۇسىنىستار ايتادى دەپ توپشىلاپ وتىرمىن. پارتييا وسى رەفورمالار اياسىنداعى نۇسقاۋلارمەن, شەشٸمدەرمەن قارۋلانىپ, ەكٸنشٸ تىنىسى اشىلادى دەپ ويلايمىن», - دەدٸ ساراپشى.
