فوتو: Akorda.kz
پرەزيدەنت ۇلتتىق بانكتٸڭ باسشىلىعىمەن كەڭەس ٶتكٸزدٸ, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
قاسىم-جومارت توقاەۆ ۇلتتىق بانكتٸڭ باسشىلىعىنا جاڭا تٶراعا تيمۋر سٷلەيمەنوۆتٸ تانىستىردى. پرەزيدەنت جاڭادان تاعايىندالعان باسشىنىڭ قارجى-ەكونوميكالىق باعىتتا مول تەجٸريبەسٸ بار ەكەنٸن جەنە قارجى رەتتەۋشٸسٸنٸڭ قىزمەتٸن جەتٸك بٸلەتٸنٸن اتاپ ٶتتٸ.
مەملەكەت باسشىسى اتقارعان جۇمىسى ٷشٸن عالىمجان پٸرماتوۆقا العىس ايتىپ, قابىلدانعان شارالاردىڭ نەتيجەسٸندە ماكروەكونوميكالىق, قارجىلىق تۇراقتىلىق قامتاماسىز ەتٸلگەنٸن اتاپ ٶتتٸ.
پرەزيدەنت ۇلتتىق بانككە ينفلياتسييانى تٶمەندەتۋ, قارجى تەحنولوگييالارى مەن يننوۆاتسييانى دامىتۋ جەنە كەلەسٸ جىلى ۇلتتىق تٶلەم جٷيەسٸن تولىققاندى ٸسكە قوسۋ جٶنٸندە ماڭىزدى مٸندەتتەر جٷكتەلگەنٸن حابارلادى.
– بٸز بيزنەستٸ جەتكٸلٸكتٸ دەرەجەدە نەسيەلەندٸرۋدٸ قامتاماسىز ەتۋ مٸندەتٸن كٶتەرگەنٸمٸزگە بٸر جىل عانا بولعان جوق. بۇل جۇمىستى جەدەلدەتۋ قاجەتتٸگٸ جٶنٸندە مەن قازاقستان حالقىنا جولداۋىمدا مەلٸمدەدٸم. اتالعان مەسەلە بويىنشا تەڭگەرٸمدٸ شەشٸم تابۋ, جاڭا تەسٸلدەردٸ, قۇرالدار مەن تەتٸكتەردٸ ەنگٸزۋ ٸسٸن بەلسەندٸ تٷردە ىنتالاندىرۋ ماڭىزدى. حالىقارالىق قارجىلىق ىنتىماقتاستىققا جەنە ۇلتتىق بانكتٸڭ ٷشٸنشٸ ەلدەردٸڭ ورتالىق بانكتەرٸمەن جەنە قارجى ينستيتۋتتارىمەن ٶزارا ٸس-ەرەكەتٸنە قاتىستى مەسەلەلەرگە ەرەكشە نازار اۋدارۋ قاجەت. قازٸرگٸ گەوساياسي جاعدايدا ەلٸمٸزدٸڭ قارجى جٷيەسٸنە جاھاندىق رەتتەۋشٸلەردٸڭ قىزىعۋشىلىعى ارتىپ كەلەدٸ. سوندىقتان وسىنداي قارىم-قاتىناس ورناتۋدا تەڭگەرٸمدٸ ەرٸ تيٸمدٸ جول تابۋ جەنە ەلدٸڭ قارجىلىق قاۋٸپسٸزدٸگٸ ٷشٸن تەۋەكەلدەر مەن سالدارعا تيٸستٸ باعا بەرۋدٸ قامتاماسىز ەتۋ ماڭىزدى, – دەدٸ پرەزيدەنت.
قاسىم-جومارت توقاەۆ ۇلتتىق بانكتٸڭ ۇجىمى جٷكتەلگەن بارلىق مٸندەتتٸ جٷزەگە اسىرا الاتىنىنا سەنٸم بٸلدٸردٸ.
