قر تەۋەلسٸزدٸگٸنٸڭ 30 جىلدىعىنا ارنالعان سالتاناتتى جيىندا پرەزيدەنت قاسىم-جومارت توقاەۆ تەۋەلسٸزدٸكتٸڭ تٶرتٸنشٸ ونجىلدىعى قانداي مٸندەتتەر جٷكتەيتٸنٸن ايتتى, دەپ حابارلايدى قازاقپارات.
«تاريحي ۋاقىت ٶلشەمٸمەن قاراعاندا 30 جىل دەگەن – قاس-قاعىم سەت. ال, ٶتكەن وقيعالار تۇرعىسىنان باعالاساق, عاسىرلارعا تاتيتىن مەرزٸم. قازاقستان حالقى ٷشٸن بۇل – ازاتتىق جىلناماسىنىڭ تۇتاس دەۋٸرٸ. جارقىن بولاشاعىمىزعا جول سالعان ۇلى جەتٸستٸكتەر كەزەڭٸ.
ەندٸ تەۋەلسٸزدٸكتٸڭ تٶرتٸنشٸ ونجىلدىعىنا قادام باسقالى تۇرمىز. بۇل كەزەڭ بٸزگە جاڭا مٸندەتتەر جٷكتەيدٸ. مەملەكەتتٸگٸمٸزدٸ ودان ەرٸ نىعايتىپ, حالقىمىزدىڭ ەل-اۋقاتىن ارتتىرا تٷسۋٸمٸز كەرەك. سوندىقتان, بارلىق سالاداعى رەفورمانى جالعاستىرا بەرەمٸز», - دەدٸ پرەزيدەنت.
سونداي-اق, قاسىم-جومارت توقاەۆ ەندٸگٸ بۋىننىڭ مٸندەتٸ تەۋەلسٸزدٸكتٸ قورعاپ, نىعايتۋ ەكەنٸن ەسكە سالدى.
«ەڭ باستىسى, بەيبٸت ٶمٸردٸ, تىنىشتىق پەن تۇراقتىلىقتى ساقتاي بٸلۋٸمٸز قاجەت. سوندا ازاماتتارىمىز تەۋەلسٸزدٸكتٸڭ يگٸلٸگٸن ەردايىم سەزٸنەتٸن بولادى. بٸزدٸڭ ماقساتىمىز – وسى.
بابالارىمىز عاسىرلار بويى تەۋەلسٸزدٸككە جەتۋ ٷشٸن كٷرەسسە, ەندٸگٸ ۇرپاق تەۋەلسٸزدٸكتٸ قورعاپ, نىعايتۋ ٷشٸن كٷرەسەدٸ. بٸز بٷگٸنگٸ ەلدٸك ٸستەردٸ جاستارعا اماناتتايمىز.
قازٸرگٸ اۋقىمدى جۇمىستىڭ بەرٸ جارقىن بولاشاق ٷشٸن جاسالۋدا. ەگەمەندٸك كەزەڭٸندە ويى ازات, رۋحى بيٸك تەۋەلسٸزدٸك پەرزەنتتەرٸ ٶسٸپ-جەتٸلدٸ. شىن مەنٸندە, ولاردىڭ ەلەۋەتٸ ٶتە زور, مٷمكٸندٸكتەرٸ وراسان. ٶسكەلەڭ ۇرپاق اعا بۋىننىڭ تەجٸريبەسٸن پايدالانىپ, ٷمٸتٸن اقتايدى دەپ سەنەمٸن», - دەدٸ مەملەكەت باسشىسى.
