پرەمەر-مينيستر ولجاس بەكتەنوۆ پرەزيدەنت قاسىم-جومارت توقاەۆتىڭ تاپسىرمالارىن جٷزەگە اسىرۋ مەسەلەلەرٸ بويىنشا كەڭەس ٶتكٸزدٸ, دەپ حابارلايدى ult.kz.
«مەملەكەت باسشىسى الماتى قالاسى مەن وعان ٸرگەلەس ەلدٸ مەكەندەر تۇرعىندارى تاراپىنان “الماتى – قاسكەلەڭ” جولىنداعى كٶلٸك قوزعالىسىنىڭ جوعارى جٷكتەمەسٸنە قاتىستى ايتىلىپ جٷرگەن شاعىمدارعا نازار اۋداردى.
پرەزيدەنت جولدى كەڭەيتۋ جوباسىن دەرەۋ باستاۋ تۋرالى تاپسىرما بەردٸ.
مەردٸگەر وسى اپتانىڭ سوڭىنا دەيٸن قاجەتتٸ تەحنيكا مەن جۇمىس كٷشٸن جۇمىلدىرۋى قاجەت. قۇرىلىس جۇمىستارىن دٷيسەنبٸ, 20 شٸلدە كٷنٸ باستاۋ كەرەك. مەملەكەت باسشىسىنىڭ تاپسىرماسى ساپالى ەرٸ بارىنشا قىسقا مەرزٸمدە ورىندالۋى تيٸس», — دەپ تاپسىردى ولجاس بەكتەنوۆ.
پرەمەر-مينيستر جوبا قۇنىنىڭ بەكٸتٸلگەنٸن جەنە ونىڭ ٶسۋٸنە جول بەرٸلمەيتٸنٸن اتاپ ٶتتٸ.
«جوبانى جٷزەگە اسىرۋ ماقساتىندا ساتىپ الىناتىن جەر ۋچاسكەلەرٸنە قاتىستى الىپساتارلىققا جول بەرٸلمەۋٸ ٷشٸن ولاردىڭ قۇنىن كەشەگٸ, 14 شٸلدەدەگٸ جاعداي بويىنشا بەلگٸلەۋ قاجەت», — دەپ اتاپ ٶتتٸ ولجاس بەكتەنوۆ.
كٶلٸك مينيسترٸ نۇرلان ساۋرانباەۆ الماتىدان قاسكەلەڭ قالاسىنا دەيٸنگٸ اۆتوجول ۋچاسكەسٸنٸڭ 8 شاقىرىمدىق بٶلٸگٸن 8 جولاققا دەيٸن كەڭەيتۋ جوباسىن ۇسىندى. جوبانى قارجىلاندىرۋ قازاقستاننىڭ دامۋ بانكٸ ارقىلى جٷزەگە اسىرىلادى. ەكٸ جولايرىق پەن 9 جەرٷستٸ جاياۋ جٷرگٸنشٸلەر ٶتكەلٸن سالۋ جوسپارلانىپ وتىر. نەتيجەسٸندە اتالعان ۋچاسكەنٸڭ ٶتكٸزۋ قابٸلەتٸ 2 ەسە ارتادى. قۇرىلىس جۇمىستارىن اياقتاۋ جەنە پايدالانۋعا بەرۋ 2027 جىلعى جەلتوقسان ايىنا جوسپارلانعان.
الماتى قالاسىنىڭ ەكٸمٸ دارحان ساتىبالدىنىڭ مەلٸمەتٸنشە, مەگاپوليسكە كٷن سايىن 300 مىڭ اۆتوكٶلٸك كٸرەدٸ. قالا ٸشٸندەگٸ اۆتوكٶلٸكتەردٸ قوسا ەسەپتەگەندە, جول قوزعالىسىنىڭ جالپى كٶلەمٸ 1 ميلليوننان استام كٶلٸك قۇرالىن قۇرايدى. الماتى – قاسكەلەڭ اۆتوموبيل جولى الماتى اگلومەراتسيياسىنداعى ەڭ قارقىندى قوزعالىس جٷرەتٸن جول ۋچاسكەلەرٸنٸڭ بٸرٸ. بۇل جولداعى قوزعالىس قارقىندىلىعى تەۋلٸگٸنە شامامەن 60 مىڭ اۆتوكٶلٸككە جەتەدٸ. سونداي-اق اباي داڭعىلىن ٷلكەن الماتى اينالما اۆتوموبيل جولىنا دەيٸن ۇزارتۋ جوباسى تۋرالى باياندالدى.
الماتى وبلىسىنىڭ ەكٸمٸ مارات سۇلتانعازيەۆ ۇزىناعاش اۋىلىنان ۇزىندىعى 32 شاقىرىم بولاتىن بالاما جول سالۋ جۇمىستارىنىڭ باستالعانى تۋرالى باياندادى. بۇل جوبا الماتى – قاسكەلەڭ تاس جولىنا جٷكتەمەنٸ ازايتۋعا مٷمكٸندٸك بەرەدٸ.
اتالعان جوبالار بويىنشا الماتى قالاسى مەن الماتى وبلىسىندا جەر مەسەلەلەرٸن شەشۋ جۇمىستارى سوڭعى ساتىدا تۇر.
سونىمەن قاتار الماتى اگلومەراتسيياسىن دامىتۋ جٶنٸندەگٸ شارالار تالقىلاندى. الماتى – ەسٸك جەنە الماتى – تالعار باعىتتارىنداعى اۆتوجول جوبالارى قارالدى. سونداي-اق رەلستٸ كٶلٸكتٸ جەنە الماتى مەتروپوليتەنٸن دامىتۋ باعىتىنداعى جۇمىستار جٷرگٸزٸلۋدە.
ولجاس بەكتەنوۆ الماتى اگلومەراتسيياسىنىڭ كٶلٸك بايلانىسى مەسەلەلەرٸن كەشەندٸ شەشۋ بويىنشا بٸرقاتار تاپسىرما بەردٸ.
