قر پرەزيدەنتٸنٸڭ باسپاسٶز حاتشىسى بەرٸك ۋەلي Facebook پاراقشاسىندا مەملەكەت باسشىسىنىڭ تۇتىنۋشىلارعا توقتاۋسىز نەسيە بەرۋگە توسقاۋىل قويۋ تاپسىرماسىنىڭ ورىندالعانىن جازدى, دەپ حابارلايدى "ۇلت اقپارات".
مەملەكەت باسشىسى قاسىم-جومارت توقاەۆ ٶتكەن جىلى جارييا ەتكەن «جاڭا جاعدايداعى قازاقستان: ٸس-قيمىل كەزەڭٸ» اتتى جولداۋىندا: «تۇتىنۋشىلارعا توقتاۋسىز, تٸپتٸ جاۋاپسىز نەسيە بەرۋگە نورماتيۆتٸك تۇرعىدان توسقاۋىل قويۋ كەرەك. ونىڭ ايتارلىقتاي ەلەۋمەتتٸك زاردابى بولۋى مٷمكٸن. ازاماتتاردىڭ قارجىلىق ساۋاتىنىڭ تٶمەندٸگٸ ولارعا تٷرلٸ نەسيەنٸ جٶن-جوسىقسىز تىقپالاۋعا سەبەپ بولماۋى كەرەك», - دەپ اتاپ ٶتكەن بولاتىن.
ەندٸ پرەزيدەنت تاپسىرماسى بويىنشا ازاماتتاردىڭ كەپٸلسٸز تۇتىنۋشىلىق قارىزدارى مەن ميكروكرەتيتتەرٸ بويىنشا تٶلەۋ مەرزٸمٸنەن 90 كٷن ٶتكەننەن كەيٸن ايىپپۇل مەن كوميسسييالار ەسەپتەۋگە تىيىم سالىندى.
تۇتىنۋشىلارعا توقتاۋسىز كرەديت بەرۋگە توسقاۋىل قويۋ ٷشٸن بانكتەردٸڭ مەنشٸكتٸ كاپيتالىنىڭ جەتكٸلٸكتٸلٸگٸنە قاتىستى نورماتيۆتەر ەكٸ ەسە كٷشەيتٸلدٸ.
قارىز الۋشىلاردىڭ بورىش جٷكتەمەسٸنٸڭ كوەففيتسيەنتٸن ەسەپتەۋ تالاپ ەتٸلەتٸن بولادى. كرەديت بويىنشا اي سايىنعى تٶلەمدەر قارىز الۋشى تابىسىنىڭ 50 پايىزى دەڭگەيٸمەن شەكتەلەدٸ.
تابىسى ەڭ تٶمەنگٸ كٷنكٶرٸس دەڭگەيٸنەن تٶمەن ازاماتتارعا نيەسە بەرۋگە تىيىم سالىندى.
