QR Prezidentiniń baspasóz hatshysy Berik Ýáli Facebook paraqshasynda Memleket basshysynyń tutynýshylarǵa toqtaýsyz nesie berýge tosqaýyl qoiý tapsyrmasynyń oryndalǵanyn jazdy, dep habarlaidy "Ult aqparat".
Memleket basshysy Qasym-Jomart Toqaev ótken jyly jariia etken «Jańa jaǵdaidaǵy Qazaqstan: Is-qimyl kezeńi» atty Joldaýynda: «Tutynýshylarǵa toqtaýsyz, tipti jaýapsyz nesie berýge normativtik turǵydan tosqaýyl qoiý kerek. Onyń aitarlyqtai áleýmettik zardaby bolýy múmkin. Azamattardyń qarjylyq saýatynyń tómendigi olarǵa túrli nesieni jón-josyqsyz tyqpalaýǵa sebep bolmaýy kerek», - dep atap ótken bolatyn.
Endi Prezident tapsyrmasy boiynsha azamattardyń kepilsiz tutynýshylyq qaryzdary men mikrokretitteri boiynsha tóleý merziminen 90 kún ótkennen keiin aiyppul men komissiialar esepteýge tyiym salyndy.
Tutynýshylarǵa toqtaýsyz kredit berýge tosqaýyl qoiý úshin bankterdiń menshikti kapitalynyń jetkiliktiligine qatysty normativter eki ese kúsheitildi.
Qaryz alýshylardyń borysh júktemesiniń koeffitsientin esepteý talap etiletin bolady. Kredit boiynsha ai saiynǵy tólemder qaryz alýshy tabysynyń 50 paiyzy deńgeiimen shekteledi.
Tabysy eń tómengi kúnkóris deńgeiinen tómen azamattarǵa niese berýge tyiym salyndy.
