قازاقستاندا ەندٸ كٶلٸك جٷرگٸزۋشٸلەرٸ ٶزٸمەن بٸرگە كٶپ قۇجات الىپ جٷرمەيتٸن بولدى. ٸشكٸ ٸستەر مينيسترلٸگٸ جٷرگٸزۋشٸلەر ٷشٸن قاعاز قۇجاتتاردىڭ سانىن قىسقارتۋ مەسەلەلەسٸن پىسىقتاپ قويدى, دەپ حابارلايدى "ۇلت اقپارات".
قاعاز قۇجاتتاردى ەلەكتروندى فورماتقا كٶشٸرۋ قازاقستاندى تسيفرلاندىرۋ باعدارلاماسى اياسىنداعى باستى مٸندەتتەردٸڭ بٸرٸ بولىپ تابىلادى. تولىپ جاتقان قۇجاتتاردى ٶزٸڭمەن بٸرگە الىپ جٷرۋدٸ دوعارۋ اۆتوكٶلٸك يەلەرٸ ٷشٸن دە ٶزەكتٸ مەسەلە بولىپ وتىر. بۇل ۇسىنىس ۇلتتىق قوعامدىق سەنٸم كەڭەسٸنٸڭ ەكٸنشٸ وتىرىسىندا مەملەكەت باسشىسىنىڭ ەلەۋمەتتٸك-ەكونوميكالىق رەفورمالار پاكەتٸنە ەنگەنٸن ايتقان.
بەلگٸلٸ بولعانداي, قازٸرگٸ تاڭدا ٸشكٸ ٸستەر مينيسترلٸگٸ جٷرگٸزۋشٸلەر ٷشٸن قاعاز قۇجاتتاردىڭ سانىن قىسقارتۋ مەسەلەلەسٸن پىسىقتاپ قويدى. وسىعان قاتىستى ەرەجە پارلامەنت مەجٸلٸسٸنٸڭ دەپۋتاتتارى باستاما ەتكەن جول قوزعالىسى مەسەلەلەرٸنە قاتىستى زاڭناماعا ەنگٸزٸلدٸ. بۇدان بىلاي اۆتوكٶلٸكتٸ تەكسەرگەن جاعدايدا تەرتٸپ ساقشىسىنا تەك جەكە باسىن كۋەلاندىراتىن قۇجاتتى ۇسىنسا جەتكٸلٸكتٸ. ال كٶلٸك يەسٸ تۋرالى ٶزگە دەرەكتەردٸڭ بارلىعىن, سەنٸمحاتتىڭ كٸمگە جازىلعانى, ساقتاندىرۋ پوليسٸ مەن تەحنيكالىق بايقاۋدىڭ مەرزٸمدەرٸ تۋرالى جپق ينسپەكتورلارى پلانشەتتەن جەنە جٷيەگە كٸرۋ ارقىلى كٶرە الادى.
ايتا كەتسەك, ۇلتتىق قوعامدىق سەنٸم كەڭەسٸنٸڭ ەكٸنشٸ وتىرىسىندا سٶز العان ەلٸمٸزدٸڭ پرەزيدەنتٸ اتالعان مەسەلەنٸ شەشۋ جٶنٸندە ٷكٸمەتكە تاپسىرما بەرگەن بولاتىن.
«بٸزدە ەلٸ كٷنگە دەيٸن قاي جەردە بولمەسىن ەڭ الدىمەن قاعاز قۇجاتتاردى تالاپ ەتەدٸ. مىسالى, جٷرگٸزۋشٸلەردٸڭ بارلىعى تەحنيكالىق قۇجات, جەكە كۋەلٸك, ساقتاندىرۋ قۇجاتى, تاعىسىن تاعىلارىن ٶزٸمەن بٸرگە الىپ جٷرەدٸ. ولاردى ٷيٸندە ۇمىتىپ كەتكەنٸ ٷشٸن جازالانادى. ٷكٸمەت وسى مەسەلەنٸ شەشۋگە مٸندەتتٸ», – دەپ اتاپ ٶتتٸ قاسىم-جومارت توقاەۆ.
قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ
باعدات مۋسين «اۆتوكٶلٸكتٸ تٸزگٸندەۋگە قۇقىلى ەكەنٸڭدٸ دەلەلدەۋ ٷشٸن ٶزٸڭمەن بٸرگە بٸر بۋما قۇجاتتى الىپ جٷرۋ – ٶتكەن دەۋٸردٸڭ كٶرٸنٸسٸ» دەپ مەلٸمدەدٸ. وسىعان بايلانىستى تسيفرلىق دامۋ مينيسترلٸگٸ قۇجاتتاردى عانا ەمەس, پروتسەستەردٸ دە اۆتوماتتاندىرۋدى ماقسات ەتٸپ وتىر.
كەلٸپ تٷسكەن ۇسىنىستارعا سەيكەس, اۆتوكٶلٸك جٷرگٸزۋشٸسٸنٸڭ ٶزٸمەن بٸرگە قۇقىق بەلگٸلەيتٸن بارلىق قۇجاتتاردى الىپ جٷرۋٸن مٸندەتتەمەيتٸن ەرەجە ەنگٸزۋ كٶزدەلۋدە. تەك جەكە كۋەلٸك بولسا بولعانى. جپق قىزمەتكەرلەرٸ سول بويىنشا پلانشەتتەن ازاماتتىڭ اتىنا قانداي كٶلٸك تٸركەلگەنٸ, ساقتاندىرۋ پوليسٸنٸڭ مەرزٸمٸنٸڭ قاشان اياقتالاتىنى, تەحنيكالىق بايقاۋدان ٶتكەن كٷنٸ مەن ايىپپۇلدىڭ بار-جوعى سەكٸلدٸ دەرەكتەردٸ تولىقتاي كٶرە الادى. سونىمەن قاتار پوليتسەيلەردٸڭ قىزمەتتٸك پلانشەتتەرٸن كٶشەدەگٸ بەينەكامەرالارمەن كٸرٸكتٸرۋ جوسپاردا بار.
جالپى ايتقاندا ەلٸمٸزدٸڭ كٶلٸك نارىعى تۋرالى سٶز ەتەتٸن بولساق, سوڭعى مەلٸمەتتەر, ياعني 2020 جىلعى 1 قازانداعى جاعداي بويىنشا ەل اۋماعىندا 3,8 ملن بٸرلٸك جەڭٸل كٶلٸك تٸركەلگەن. 2020 جىلعى قاڭتار-قىركٷيەكتە 561,8 مىڭ بٸرلٸك جەڭٸل اۆتوكٶلٸك تٸركەۋگە قويىلعان ەكەن. بۇل ٶتكەن جىلدىڭ دەل وسى كەزەڭٸمەن سالىستىرعاندا 13,1%-كە كەم. سونىمەن قاتار, شىققان جىلى بويىنشا تٸركەلگەن جەڭٸل كٶلٸكتەردٸڭ جالپى سانىندا زاۋىتتان شىققانىنا 10 جىلدان اسقان كٶلٸكتەردٸڭ سانى باسىم (64,9%). شىققانىنا 3 جىلدان اسپاعان جەڭٸل كٶلٸكتەر تٸركەلگەن جەڭٸل كٶلٸكتەردٸڭ جالپى سانىنىڭ 11,5%-ٸن, شىققانىنا 3 جىلدان 7 جىل ارالىعىنداعىلار – 15%, 7 جىلدان 10 جىل ارالىعىنداعىلار – 6,7%-تٸ قۇرايدى.
