پرەزيدەنت سىنىنان كەيٸن الاكٶلدە جەدەل كەڭەس ٶتتٸ – جاعاجايدا رەيدتەر كٷشەيەدٸ

فوتو: اباي وبلىسى ەكٸمدٸگٸ

الاكٶلدە دەمالىس ماۋسىمىنىڭ قىزعان شاعىندا تۋريستٸك ينفراقۇرىلىم مەن قاۋٸپسٸزدٸك مەسەلەسٸنە قاتىستى شۇعىل جيىن ٶتتٸ. بۇل — مەملەكەت باسشىسى قاسىم-جومارت توقاەۆتىڭ الاكٶلدەگٸ قىزمەت ساپاسىنا بايلانىستى سىنىنان كەيٸن قولعا الىنعان العاشقى ناقتى شارالاردىڭ بٸرٸ, دەپ حابارلايدى Ult.kz.

وبلىس ەكٸمٸنٸڭ تاپسىرماسىمەن وبلىس ەكٸمٸنٸڭ ورىنباسارى سەرٸك تٶلەنبەرگەنوۆ الاكٶلگە بارىپ, تيٸستٸ مەكەمەلەرمەن جەدەل كەڭەس ٶتكٸزدٸ.

جيىندا نە ايتىلدى?

• تۋريستەر ٷشٸن قولايلى ورتا قالىپتاستىرۋ,

• سانيتارلىق تازالىق پەن جاعالاۋداعى تەرتٸپ,

• قوعامدىق قاۋٸپسٸزدٸك پەن قىزمەت ساپاسى كەڭٸنەن تالقىلاندى.

جيىن قورىتىندىسى بويىنشا:

• قۇقىق قورعاۋ ورگاندارىمەن بٸرلەسكەن رەيدتەر كٷشەيتٸلەدٸ;

• موتورلى قايىق يەلەرٸنٸڭ قاۋٸپسٸزدٸك تالاپتارىن ساقتاۋىنا باقىلاۋ ارتادى;

• قوقىس تاستاعان ساۋدا ورىندارى مەن دەمالىس نٷكتەلەرٸنە ايىپپۇل سالىنادى.

2018 جىلدان بەرٸ جٶندەۋ كٶرمەگەن جاعالاۋعا بيىل ەرەكشە كٶڭٸل بٶلٸندٸ.

وبلىس ەكٸمٸ بەرٸك ۋەلي كٶكتەمنەن بەرٸ الاكٶلگە ٷش رەت بارىپ, كٶشپەلٸ جيىن ٶتكٸزدٸ. نەتيجەسٸندە 658 ملن تەڭگە بٶلٸنٸپ, جاعاجايدى جاقسارتۋعا ناقتى جۇمىستار باستالدى.

قارجى مىناداي جوبالارعا باعىتتالدى:

• اربات الاڭىن جٶندەۋگە – 108,9 ملن تەڭگە

• قوعامدىق كەڭٸستٸك قۇرۋعا – 171,6 ملن تەڭگە

• جاعالاۋدى اباتتاندىرۋعا – 107,5 ملن تەڭگە

• 25 كيٸم اۋىستىراتىن ورىن, 50 كونتەينەر, 2 بيوتۋالەت, 3 پيرس, قۇتقارۋ مۇنارالارى مەن جارىقتاندىرۋ ورناتىلدى.

قاۋٸپسٸزدٸك باعىتىندا جاڭا نىساندار سالىنىپ جاتىر

الاكٶل جاعالاۋىندا قۇتقارۋ ستانتسيياسىنىڭ قۇرىلىسى باستالدى. ول تٶتەنشە جاعدايلاردىڭ الدىن الىپ, العاشقى مەديتسينالىق كٶمەك كٶرسەتەتٸن جەنە قاۋٸپسٸزدٸكتٸ ارتتىراتىن كەشەن رەتٸندە جۇمىس ٸستەمەك.

سونىمەن قاتار, قابانباي اۋىلىندا ٶرت سٶندٸرۋ دەپوسى سالىنىپ جاتىر. بۇل نىسان الاكٶل ماڭىنداعى ٶرت قاۋٸپسٸزدٸگٸن قامتاماسىز ەتەتٸن بولادى.

ەسكە سالايىق, پرەزيدەنت الاكٶلدەگٸ تۋريزم ساپاسى تٶمەن ەكەنٸن ايتىپ, ٷكٸمەتكە ەسكەرتۋ جاساعان ەدٸ.