فوتو: اقوردا
استاناداعى سامميتتە سٶيلەگەن سٶزٸندە قاسىم-جومارت توقاەۆ شانحاي ىنتىماقتاستىق ۇيىمىن رەفورمالاۋ جەنە جاڭعىرتۋ قاجەتتٸگٸنە ارنايى توقتالدى, دەپ حابارلادى اقوردا.
ول قارقىندى جاھاندىق ٶزگەرٸستەرگە بايلانىستى شىۇ قىزمەتٸن ودان ەرٸ جەتٸلدٸرۋگە باعىتتالعان ماڭىزدى مٸندەت تۇرعانىن اتاپ ٶتتٸ.
"ۇيىم اياسىنىڭ كەڭەيۋ ٷدەرٸسٸ جاڭا مٷمكٸندٸكتەرگە جول اشىپ, ونى دامىتۋعا تىڭ سەرپٸن بەرەدٸ. ەلٸمٸز شىۇ-عا تٶراعا رەتٸندە ۇيىمدى ىنتىماقتاستىقتىڭ بۇدان دا تيٸمدٸ ەرٸ كٶپجاقتى مەحانيزمٸنە اينالدىرۋدى كٶزدەيتٸن تەڭگەرٸمدٸ ۇسىنىستارىن ورتاعا سالدى. اتاپ ايتقاندا, بٸز شىۇ حاتشىلىعى مەن باس حاتشىنىڭ رٶلٸن كٷشەيتۋدٸ قۇپتايمىز", – دەدٸ قاسىم-جومارت توقاەۆ.
قازاقستان پرەزيدەنتٸ ايتىلعان بارلىق ۇسىنىس شىۇ-عا مٷشە ەلدەرگە ورتاق يگٸ ماقساتتارعا قول جەتكٸزۋگە بارىنشا ٷلەس قوسۋعا دەگەن شىنايى نيەتتەن تۋىنداعانىن مەلٸمدەدٸ.
مەملەكەت باسشىسى سٶزٸن قورىتىندىلاي كەلە, قولداعاندارى ٷشٸن ۇيىمعا مٷشە ەلدەردٸڭ باسشىلارىنا ريزاشىلىعىن بٸلدٸردٸ. سونىمەن قاتار قىتاي حالىق رەسپۋبليكاسىنىڭ تٶراعاسى سي تسزينپيندٸ شىۇ-عا مٷشە مەملەكەتتەر باسشىلارىنىڭ كەڭەسٸنە تٶراعا بولۋىمەن شىن جٷرەكتەن قۇتتىقتاپ, قىتاي تاراپىنا تابىس تٸلەدٸ.
قاسىم-جومارت توقاەۆ كٶپجاقتى ىنتىماقتاستىقتى ٸلگەرٸلەتۋ جٶنٸندەگٸ اۋقىمدى مەسەلەلەر تالقىلانعانىن, ۇيىمدى ودان ەرٸ دامىتۋ باعىتى ايقىندالعانىن ايتتى.
"بٸز شانحاي ىنتىماقتاستىق ۇيىمىنىڭ كەلەشەگٸنەن ٷمٸت كٷتەمٸز. قازٸر بٸز قول قوياتىن قۇجاتتار شىۇ اياسىنداعى ىنتىماقتاستىقتىڭ جاڭا كەزەڭٸنە جول اشاتىنىنا, ۇيىمنىڭ جٷيەلٸ ەرٸ جان-جاقتى دامۋىنا سەپتٸگٸن تيگٸزەتٸنٸنە سەنٸمدٸمٸن", – دەدٸ قازاقستان پرەزيدەنتٸ.
