قر پرەزيدەنتٸ قاسىم-جومارت توقاەۆ شۆەيتسارييانىڭ ٸسكەرلٸك توپتار ٶكٸلدەرٸمەن كەزدەسۋ ٶتكٸزدٸ, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
جيىندى اشقان مەملەكەت باسشىسى شۆەيتسارييا قۇراما كومانداسىنىڭ فۋتبولدان ٶتٸپ جاتقان ەۋروپا چەمپيوناتىندا جاقسى ويىن ٶرنەگٸن كٶرسەتكەنٸن اتاپ ٶتتٸ.
پرەزيدەنت شۆەيتسارييا كونفەدەراتسيياسى قازاقستاننىڭ ەۋروپاداعى ماڭىزدى ساۋدا-ەكونوميكالىق سەرٸكتەستەرٸنٸڭ بٸرٸ ەكەنٸن ايتتى.
– ەلدەرٸمٸز اراسىنداعى قارىم-قاتىناستار دوستىق پەن ٶزارا سەنٸمگە نەگٸزدەلگەن. بٷگٸنگٸ كەزدەسۋدٸ شۆەيتسارييا پرەزيدەنتٸ گي پارمەلانمەن بەينە بايلانىس ارقىلى ٶتكەن جۋىرداعى كەلٸسسٶزدٸڭ كونسترۋكتيۆتٸ جالعاسى رەتٸندە قاراستىرامىن. بٸز ساۋدا بايلانىستارىمىزدى, ينۆەستيتسييالىق ىنتىماقتاستىعىمىزدى نىعايتۋ ٷشٸن جۇمىس ٸستەۋگە, اتالعان سالالار بويىنشا جەتٸستٸككە قول جەتكٸزۋگە ۋاعدالاستىق. قازاقستان تەۋەلسٸزدٸگٸن العان ۋاقىتتان بەرٸ شۆەيتسارييا ەكونوميكامىزعا 30 ميلليارد دوللارعا جۋىق ينۆەستيتسييا سالدى. ەكٸ مەملەكەت اراسىنداعى تاۋار اينالىمى, تٸپتٸ, بىلتىرعى داعدارىس كەزٸندە 1,7 ميلليارد دوللار بولدى, – دەدٸ پرەزيدەنت.
قاسىم-جومارت توقاەۆ بٷگٸندە قازاقستاندا شۆەيتسارييا كاپيتالىنىڭ قاتىسۋىمەن 400-دەن استام كەسٸپورىن جۇمىس ٸستەپ جاتقانىنا توقتالدى.
– قارىم-قاتىناستارىمىز بەن ىنتىماقتاستىعىمىزدا بەلگٸلٸ بٸر جەتٸستٸكتەر بار دەپ سانايمىن. سونىمەن قاتار مۇنى ودان ەرٸ دامىتۋ ٷشٸن ەلەۋەتٸمٸز دە جەتكٸلٸكتٸ. قازاقستان تٸكەلەي ينۆەستيتسييا تارتۋ ٷشٸن ەلٸمٸزدەگٸ ينۆەستيتسييالىق كليماتتىڭ مەيلٸنشە قولايلى بولۋىنا بارلىق مٷمكٸندٸكتٸ جاسايدى. قازاقستان – ايماقتاعى ەكونوميكاسى ەڭ ٸرٸ مەملەكەت. بٸزدٸڭ ماقساتىمىز – ايماقتاعى جەتەكشٸلٸك ورنىمىزدى ساقتاپ قالۋ. سونىمەن قاتار ەكونوميكامىزدى ەرتاراپتاندىرۋعا بايلانىستى مەسەلەلەردٸ شەشۋٸمٸز كەرەك, – دەدٸ قاسىم-جومارت توقاەۆ.
پرەزيدەنتتٸڭ ايتۋىنشا, قازاقستاندا ەكونوميكانى كٶمٸرتەگٸنەن ادا ەتۋگە, جاسىل تەحنولوگييالارعا, قورشاعان ورتا مەن قارجى سالاسىن قورعاۋعا بايلانىستى جوبالارعا باسىمدىق بەرٸلەدٸ.
كەزدەسۋ بارىسىندا Stadler Rail AG كومپانيياسىنىڭ پرەزيدەنتٸ, قازاقستان مەن شۆەيتسارييا ٸسكەرلٸك كەڭەسٸنٸڭ تەڭ تٶراعاسى پەتەر شپۋلەر, Glencore International AG كومپانيياسىنىڭ باس ديرەكتورى ايۆان گلازەنبەرگ, Roche Holding كونتسەرنٸنٸڭ باسقارما تٶراعاسى كريستوف فرانتس, Credit Suisse Switzerland ينۆەستيتسييالىق بٶلٸمشەسٸنٸڭ باسشىسى يەنس حااس, ABB Switzerland كومپانيياسىنىڭ باس ديرەكتورى روبەرت يچنەر, KS Genetics كومپانيياسىنىڭ پرەزيدەنتٸ فيليپپو لومباردي, INOKS Capital كومپانيياسىنىڭ باس اتقارۋشى ديرەكتورى نابيل ابدۋل-ماسسيح جەنە Rey Group كومپانيياسىنىڭ پرەزيدەنتٸ كريستيان رەي سٶز سٶيلەدٸ.
