فوتو: akorda.kz
مەملەكەت باسشىسى رەسپۋبليكا كٷنٸنە وراي ٶتكەن سالتاناتتى جيىندا سٶز سٶيلەدٸ. بۇل تۋرالى اقوردانىڭ باسپاسٶز قىزمەتٸ حابارلايدى. قاسىم-جومارت توقاەۆ سالتاناتتى جيىندا قازاقستاندىقتاردى ۇلتىمىزدىڭ ەڭ ۇلىق مەرەكەسٸمەن قۇتتىقتاپ, بۇل ازاتتىقتىڭ التىن قازىعىن قاققان كٷن ەكەنٸن اتاپ ٶتتٸ.
پرەزيدەنت ەلٸمٸزدٸڭ ەگەمەندٸگٸ تۋرالى دەكلاراتسييا قابىلدانعان كٷندٸ قاسيەتتٸ تەۋەلسٸزدٸگٸمٸزدٸڭ باستاۋىنا بالادى. مەملەكەت باسشىسى ٶز سٶزٸندە بولاشاققا سەنٸممەن قارايتىن ۇلت قانا تابىسقا جەتە الاتىنىنا نازار اۋدارىپ, ٶمٸر بولعان سوڭ تٷرلٸ قيىندىق تا كەزدەسەتٸنٸنە توقتالدى.
«ەلٸمٸز تاڭداعان دامۋ جولىنان ەشقاشان اينىمايدى. مۇنى بيىلعى تابيعي اپات كەزٸندە تاعى دا دەلەلدەدٸك. الاپات تاسقىن, شىن مەنٸندە, ەلٸمٸز ٷشٸن زور سىناق بولدى. قانشاما ەلدٸ مەكەندٸ قارعىن سۋ باستى. قازاقستاننىڭ 10 ايماعىندا تٶتەنشە جاعداي جارييالاندى. مىڭداعان ادام باسپاناسىز قالدى, مال-مٷلكٸن جوعالتتى. كٷردەلٸ سەتتە مەنٸڭ حالىققا ارنايى ٷندەۋ جارييالاعانىمدى بٸلەسٸزدەر. وندا بٸر دە بٸر ادام ەسكەرۋسٸز قالمايتىنىن ناقتى ايتتىم. مەملەكەت سول ۋەدەسٸن ورىندادى. قىسقا مەرزٸم ٸشٸندە 2700-گە جۋىق ٷي سالىندى. باسپاناسىن قالپىنا كەلتٸرۋ ٷشٸن 9 مىڭنان استام وتباسىنا ٶتەماقى بەرٸلدٸ. سونداي-اق 6 مىڭعا جۋىق ٷي ساتىپ الىندى. جازدان بەرٸ مىڭداعان وتباسى قونىس تويىن تويلادى. مەملەكەت بٷلٸنگەن ينفراقۇرىلىمنىڭ كٶپشٸلٸگٸن از ۋاقىتتا قالپىنا كەلتٸردٸ», - دەدٸ پرەزيدەنت.
قاسىم-جومارت توقاەۆ مۇنىڭ بەرٸن قوعامنىڭ بٸرلەسە اتقارعان جۇمىسىنىڭ نەتيجەسٸ دەپ باعالاپ, اپات سالدارىن جويۋعا اتسالىسقاندارعا, ەسٸرەسە, قۇتقارۋشىلارعا, ەرٸكتٸلەرگە, كەسٸپكەرلەرگە جەنە باسقا دا جاناشىر ازاماتتارعا العىس ايتتى.
«ٶزارا تٸلەۋلەستٸك پەن قامقورلىقتىڭ ارقاسىندا سىناقتان سٷرٸنبەي ٶتتٸك. شىن مەنٸندە, بٸزدٸڭ بارلىق جەتٸستٸگٸمٸز بەرەكەلٸ بٸرلٸك پەن ىرىستى ىنتىماقتان باستاۋ الادى. بۇل – ۇيىسقان ۇلت, مىقتى مەملەكەت بولۋدىڭ باستى كەپٸلٸ. ەلدە تۇراقتىلىق بولماسا, ەشقانداي دامۋ بولمايتىنىن قازٸر ەلەمدە بولىپ جاتقان وقيعالاردان انىق اڭعارۋعا بولادى. ٶكٸنٸشكە قاراي, كٶپتەگەن ەلدەر الاۋىزدىق پەن تٷرلٸ جانجالدىڭ كەسٸرٸنەن توقىراۋعا ۇشىراپ وتىر. «بٸرلٸك بار جەردە عانا تٸرلٸك بار». بۇل – اقيقات. بٸز ەلٸمٸزدە جان-جاقتى رەفورمالاردى جٷزەگە اسىرىپ جاتىرمىز. بۇل – ەڭ الدىمەن, حالقىمىزدىڭ تۇتاستىعى مەن بٸرلٸگٸنٸڭ ارقاسى. سەبەبٸ, بٸز تاڭداعان جول – ٶركەندەۋ مەن دامۋ جولى. بٷگٸندە ونىڭ جەمٸسٸن بارشا ازاماتتارىمىز كٶرۋدە», - دەدٸ مەملەكەت باسشىسى.
پرەزيدەنتتٸڭ ايتۋىنشا, اۋقىمدى ساياسي جاڭعىرۋلار ارقىلى مەملەكەتٸمٸزدٸڭ دەموكراتييالىق دامۋىنىڭ جاڭا باعدارى ايقىندالدى. كونستيتۋتسييالىق رەفورمانى ٸسكە اسىرۋ نەتيجەسٸندە بيلٸكتٸڭ نەگٸزگٸ ينستيتۋتتارى قايتا قۇرىلىمدالىپ, ورنىقتى ساياسي جٷيە قالىپتاستى. بۇل ساياسي جٷيەنٸڭ نەگٸزٸ – اشىقتىق پەن ەدٸلدٸك, تيٸمدٸلٸك پەن بەسەكەگە قابٸلەتتٸلٸك. ەڭ باستىسى, حالىققا قىزمەت ەتۋ قاعيداسى قامتىلعان. مەملەكەت باسشىسى وسىنداي قۇندىلىقتار نەگٸزٸندە بٸزدٸڭ قوعامدىق-ساياسي ٶمٸرٸمٸزدە ٸرگەلٸ ٶزگەرٸستەر بولىپ جاتقانىن ايتتى.
«جاقىندا ٶتكەن اتوم ەلەكتر ستانتسيياسىن سالۋ جٶنٸندەگٸ رەفەرەندۋمنىڭ قورىتىندىسى – سونىڭ جارقىن دەلەلٸ. ازاماتتاردىڭ 70 پايىزدان استامى اەس قۇرىلىسىن قولداپ داۋىس بەردٸ. بۇل حالقىمىزدىڭ تاعدىرشەشتٸ سەتتەردە ٶرلەۋ جولىن تاڭدايتىنىن كٶرسەتتٸ. «تٷرلٸ كٶزقاراس, بٸرتۇتاس ۇلت» قاعيداتى – مەملەكەتتٸك ساياساتىمىزدىڭ نەگٸزٸ. جالپى, ەنەرگييا تاپشىلىعىنىڭ ارتۋى – ەلٸمٸز ٷشٸن ٶتە ٶزەكتٸ پروبلەمانىڭ بٸرٸ. ونى دەر كەزٸندە شەشپەسە, ەكونوميكامىزدىڭ دامۋىنا كەدەرگٸ كەلتٸرٸپ, ازاماتتاردىڭ تۇرمىس ساپاسىنا كەرٸ ەسەرٸن تيگٸزەدٸ», - دەدٸ قاسىم-جومارت توقاەۆ.
مەملەكەت باسشىسى ەدٸلەتتٸ قازاقستاننىڭ ەكونوميكالىق باعدارىنا سەيكەس اۋقىمدى جۇمىس اتقارىلىپ جاتقانىنا توقتالدى. ەلدٸڭ كٶلٸك, ەنەرگەتيكا جەنە يندۋسترييا جٷيەسٸ قايتا قۇرىلىپ جاتىر.
«بەس جىل بۇرىن بۇقتىرما بٶگەنٸنە كٶپٸر سالۋ تۋرالى تاپسىرما بەردٸم. جۇرت جىلدار بويى جازدا – پاروممەن, قىستا – مۇزدىڭ ٷستٸمەن جٷرەتٸن. بۇل ٶتە ىڭعايسىز ەرٸ قاۋٸپتٸ بولعانى تٷسٸنٸكتٸ. ەندٸ مەسەلە بٸرجولا شەشٸمٸن تاپتى. كٶپٸردٸڭ قۇرىلىسى اياقتالدى, بٸرنەشە كٷن بۇرىن رەسمي تٷردە اشىلىپ, ەل يگٸلٸگٸنە بەرٸلدٸ. بۇل – قازاقستانداعى ەڭ ۇزىن كٶپٸر. وسىلايشا, شەكارا ماڭىنداعى اۋداندار ترانزيتتٸك اۋماققا اينالدى, ياعني قازاقستان ارقىلى قىتاي مەن رەسەيدٸ جالعايتىن تاعى بٸر تٶتە جول پايدا بولدى. وسى ماڭىزدى جوبا شىعىس قازاقستانداعى بٸرنەشە اۋداننىڭ كٶلٸك قاتىناسىن ەدەۋٸر جاقسارتادى. جالپى, ساپالى جول – حالىقتىڭ تۇرمىسىنا وڭ ىقپال ەتەتٸن فاكتور. مەن بۇل مەسەلەگە ايرىقشا مەن بەرەمٸن», - دەدٸ پرەزيدەنت.
وسى رەتتە قاسىم-جومارت توقاەۆ بيىلدىڭ ٶزٸندە ۇزىندىعى 12 مىڭ شاقىرىم جول سالىنىپ, جٶندەلٸپ جاتقانىن ەسكە سالدى. ەسٸرەسە, ايماقتارداعى جولدى جاقسارتۋعا باسا نازار اۋدارىلىپ وتىر.
ونىڭ ايتۋىنشا, باتىس قازاقستاندا سوناۋ كەڭەس زامانىنان بەرٸ قاراۋسىز قالعان جولدار بار. كازتالوۆكا – جەنٸبەك – رەسەي شەكاراسى باعىتىنداعى جول بيىل تولىق پايدالانۋعا بەرٸلەدٸ. سونىمەن قاتار ەۋە قاتىناسىن دامىتۋ باعىتىندا ناقتى جۇمىس اتقارىلىپ جاتىر. جاقىندا قىزىلوردا جەنە شىمكەنت ەۋەجايلارىندا جاڭا تەرمينالدار اشىلادى. پرەزيدەنت ەكونوميكانى ەرتاراپتاندىرۋ ٷشٸن قابىلدانىپ جاتقان جان-جاقتى شارالار تۋرالى مەلٸمەت بەردٸ.
اتاپ ايتقاندا, بيىلعى 8 ايدا ٶڭدەۋ ٶنەركەسٸبٸنٸڭ ەكسپورتى 17,8 ميلليارد دوللاردان اسقان. ونىڭ ٷشتەن بٸرٸ – كٷردەلٸ تەحنولوگييامەن ٶڭدەلگەن ٶنٸمدەر. قازٸر 17 سەرپٸندٸ, ياعني وزىق ينۆەستيتسييالىق جوبا جٷزەگە اسىرىلىپ جاتىر. بۇدان بٶلەك, مەملەكەت باسشىسى اۋىل شارۋاشىلىعىنىڭ دامۋ قارقىنىنا توقتالدى.
«بۇل – ازىق-تٷلٸك قاۋٸپسٸزدٸگٸن قامتاماسىز ەتۋ تۇرعىسىنان ايرىقشا ماڭىزدى سالا. قازاقستان ەلەمدٸك ازىق-تٷلٸك نارىعىنداعى رٶلٸن كٷشەيتە بەرەدٸ. قازٸر كٷزگٸ جيىن-تەرٸن ناۋقانى اياقتالىپ قالدى. ديقاندار قاۋىمىنا شىنايى ريزاشىلىق بٸلدٸرەمٸن. كٶكتەمگٸ تاسقىنعا قاراماستان 26 ميلليون توننادان استام استىق جينالدى. مۇنى رەكوردتىق كٶرسەتكٸش دەۋگە بولادى. بۇعان مەملەكەت تاراپىنان كٶرسەتٸلگەن ناقتى كٶمەك تە سەپتٸگٸن تيگٸزگەنٸ انىق. بيىل كٶكتەمگٸ ەگٸس ناۋقانىنا بەرٸلەتٸن ارزان نەسيە كٶلەمٸ ٷش ەسە كٶبەيدٸ. اۋىل شارۋاشىلىعى تەحنيكاسىن ليزينگ ارقىلى الۋعا قوسىمشا قاراجات بٶلٸندٸ. جالپى, اگروٶنەركەسٸپ كەشەنٸندە 865 جوبا جٷزەگە اسىرىلماق. ونىڭ قۇنى – 2,6 تريلليون تەڭگە», - دەدٸ قاسىم-جومارت توقاەۆ.
پرەزيدەنت ەلٸمٸزدەگٸ كەسٸپكەرلٸك سالاسىنىڭ ٶركەندەۋ جولىنا تٷسكەنٸن, شاعىن جەنە ورتا بيزنەس حالىقتىڭ ەكونوميكاداعى بەلسەندٸ بٶلٸگٸن جۇمىسپەن قامتىپ وتىرعانىن اتاپ ٶتتٸ. مەملەكەت باسشىسى ەلدٸڭ ٸسكەرلٸك احۋالى مەن ينۆەستيتسييالىق تارتىمدىلىعىن ودان ەرٸ جاقسارتۋ ماقساتىندا مامىر ايىندا ەكونوميكانى ىرىقتاندىرۋ جٶنٸندەگٸ جارلىققا قول قويعانىن جەتكٸزدٸ.
«وتاندىق كەسٸپكەرلەر ەلدەگٸ ماڭىزدى جوبالاردى جٷزەگە اسىرۋعا بەلسەنە اتسالىسىپ كەلەدٸ. ولار مەكتەپتەر, اۋرۋحانالار جەنە باسقا دا ەلەۋمەتتٸك نىساندار سالىپ جاتىر. سونداي-اق ٶنەركەسٸپ پەن ينفراقۇرىلىمدى دامىتۋعا ينۆەستيتسييا قۇيىپ, قايىرىمدىلىق باستامالاردى قولداپ جٷر. بۇل – مەملەكەت پەن بيزنەس اراسىنداعى جاسامپاز سەرٸكتەستٸكتٸڭ, بيزنەس ٶكٸلدەرٸنٸڭ ەلەۋمەتتٸك جاۋاپكەرشٸلٸگٸنٸڭ ايقىن كٶرسەتكٸشٸ», - دەدٸ پرەزيدەنت.
وسى ورايدا قاسىم-جومارت توقاەۆ ٷكٸمەت پەن ەكٸمدەردٸڭ تٸكەلەي مٸندەتٸ – بيزنەس-قاۋىمداستىققا جان-جاقتى قولداۋ كٶرسەتۋ, كەسٸپكەرلەرمەن تىعىز قارىم-قاتىناس جاساۋ ەكەنٸن ايتتى. پرەزيدەنت ەلٸمٸزدە باسىمدىق بەرٸلٸپ وتىرعان ەلەۋمەتتٸك سالالارعا توقتالدى.
«بيىل «اۋىلدا دەنساۋلىق ساقتاۋدى جاڭعىرتۋ» ۇلتتىق جوباسى اياسىندا 115 جاڭا مەديتسينا نىسانى سالىندى. وتاندىق مەديتسينادا ەمدەۋدٸڭ يننوۆاتسييالىق ەدٸستەرٸ ەنگٸزٸلٸپ, ونكولوگييالىق قىزمەتتٸ كەشەندٸ جاڭعىرتۋ جۇمىستارى باستالدى. سالا قىزمەتكەرلەرٸن قۇقىقتىق جەنە قارجىلىق تۇرعىدان قورعاۋ تۋرالى زاڭ قابىلداندى. بۇل – اتالعان ماماندىقتىڭ مەرتەبەسٸن ارتتىرۋعا باعىتتالعان قادام. وسى جەنە باسقا دا جٷيەلٸ شارالاردىڭ نەتيجەسٸندە نەگٸزگٸ مەديتسينالىق-دەموگرافييالىق كٶرسەتكٸشتەردٸڭ جاقسارعانى بايقالىپ وتىر. ورتاشا ٶمٸر سٷرۋ ۇزاقتىعى تەۋەلسٸزدٸك جىلدارىندا العاش رەت 75 جاستان استى. ۇرپاققا ساپالى بٸلٸم بەرۋ – ماڭىزدى مٸندەت. ەلٸمٸزدە «جايلى مەكتەپ» ۇلتتىق جوباسى قولعا الىندى. سونىڭ ارقاسىندا 500 مىڭعا جۋىق بالا جاڭا بٸلٸم ورداسىندا وقيتىن بولادى», - دەدٸ قاسىم-جومارت توقاەۆ.
مەملەكەت باسشىسى عىلىمى جەنە تەحنيكاسى دامىعان ەلدەردٸڭ ەلەم كٶشٸن باستاپ تۇرعانىن تٸلگە تيەك ەتٸپ, وسى ٷدەرٸستەن قالماۋ ٷشٸن تەحنوكرات ۇلت بولۋىمىز قاجەت ەكەنٸن العا تارتتى.
«بۇل – ۋاقىت تالابى. كەلەر جىلدى «جۇمىسشى ماماندىقتارى جىلى» دەپ جارييالادىق. بٸز تەحنيكالىق جەنە كەسٸپتٸك بٸلٸم بەرۋگە باسا مەن بەرٸپ وتىرمىز. بيىل وسى سالاعا ارنالعان مەملەكەتتٸك تاپسىرىستى ەدەۋٸر كٶبەيتتٸك. گرانت سانىن 10 مىڭعا ارتتىردىق. مەملەكەتتٸك تاپسىرىستىڭ 65 پايىزى تەحنيكالىق ماماندىقتارعا بٶلٸندٸ. ەلٸمٸزدە شەتەلدٸڭ بەدەلدٸ جوعارى وقۋ ورىندارىنىڭ فيليالدارى اشىلىپ جاتىر. بٸلٸم-عىلىمنىڭ ساپاسىن جاقسارتۋعا قاتىستى باسقا دا شارالار قولعا الىندى. جاقىندا «عىلىم جەنە تەحنولوگييالىق ساياسات تۋرالى» زاڭ قابىلداندى. مۇنىڭ بەرٸ بەسەكەگە قابٸلەتتٸ وزىق ۇلت بولۋىمىز ٷشٸن ٶتە ماڭىزدى دەپ ويلايمىن», - دەدٸ پرەزيدەنت.
قاسىم-جومارت توقاەۆ بيىل ٶزٸنٸڭ باستاماسىمەن «تازا قازاقستان» اكتسيياسى باستالعانىن, بۇل حالىقتىڭ ەكولوگييالىق مەدەنيەتٸن كٶتەرۋگە ارنالعان جالپىۇلتتىق جوبا ەكەنٸن اتاپ ٶتتٸ. ەلدٸڭ ٸشكٸ جاعدايى مەن ازاماتتاردىڭ ەل-اۋقاتىنا مەملەكەتتٸڭ سىرتقى ساياساتى تٸكەلەي ەسەر ەتەدٸ. سوندىقتان مەملەكەت باسشىسى ٶز سٶزٸندە بۇل سالاعا دا ەرەكشە مەن بەردٸ.
«قازاقستان ۇلتتىق مٷددەگە نەگٸزدەلگەن تەڭگەرٸمدٸ, كونسترۋكتيۆتٸ سىرتقى ساياسات جٷرگٸزەدٸ. بيىل بٸز ٷشٸن حالىقارالىق ماڭىزدى وقيعالارعا تولى جىل بولدى. قازاقستان بٸردەن بٸرنەشە كٶپجاقتى ۇيىمدارعا تٶراعالىق ەتٸپ, بٸرقاتار اۋقىمدى ٸس-شارا ۇيىمداستىردى. ەسٸرەسە, شانحاي ىنتىماقتاستىق ۇيىمىنىڭ سامميتٸ مەن دٷنيەجٷزٸلٸك كٶشپەندٸلەر ويىندارىن اتاپ ٶتۋگە بولادى. مەملەكەتٸمٸز ەلەمدٸك ارەناداعى ورنىن دەيەكتٸ تٷردە نىعايتۋ ارقىلى ورنىقتى دامۋ ماقساتتارىنا قول جەتكٸزۋگە جەنە جاھاندىق سىن-قاتەرلەردٸ ەڭسەرۋگە ەلەۋلٸ ٷلەس قوسىپ كەلەدٸ. قازاق ديپلوماتيياسى سان عاسىرلىق تاريحى مەن دەستٷرٸ بار ۇلى دالادان باستاۋ الدى. قازاقستاننىڭ ەلەمدٸك ارەناداعى بەدەلٸن نىعايتا تٷسۋ – ۇلتتىق ديپلوماتييانىڭ الدىندا تۇرعان ماڭىزدى مٸندەت. قازٸر دٷنيە جٷزٸ قاۋىمداستىعى بٸزدٸڭ ەلٸمٸزدٸ ورتا دەرجاۆا دەپ اتايتىن بولدى. بٸراق ارقانى كەڭگە سالۋعا بولمايدى, ەلٸ دە ٶتە بەلسەندٸ جۇمىس ٸستەۋ قاجەت. ەلەمدە تٷرلٸ قاقتىعىستار كٶبەيٸپ, قارۋلانۋ جارىسى بەلەڭ العانىن جەنە ساۋدا سوعىسى ٶرشٸپ بارا جاتقانىن كٶرٸپ وتىرسىزدار. بٸراق ەڭ قاۋٸپتٸسٸ – سانانىڭ ميليتاريزاتسيياسى, بٸر-بٸرٸنٸڭ ۇستانىمىن مويىنداماۋ جەنە سەنٸمسٸزدٸكتٸڭ ارتۋى, ديالوگ پەن كونسەنسۋس ٷشٸن مٷمكٸندٸكتٸڭ ازايۋى. وسىنىڭ بەرٸ ەلەمدٸك تەرتٸپتٸڭ تٷبەگەيلٸ ٶزگەرٸسكە ۇشىراپ جاتقانىن كٶرسەتەدٸ. بٸز وسىنداي جاعدايدىڭ ٶزٸندە تۇراقتىلىق پەن كەلٸسٸم مەكەنٸ بولىپ قالۋ ٷشٸن قولدان كەلگەننٸڭ بەرٸن جاسايمىز. بەيبٸتشٸلٸك پەن تىنىشتىق – بٸزدٸڭ ەڭ قۇندى بايلىعىمىز, ونى ايالاپ, كٶزدٸڭ قاراشىعىنداي ساقتاۋىمىز كەرەك», - دەدٸ پرەزيدەنت.
بۇل رەتتە مەملەكەت باسشىسى بەيبٸتشٸلٸك پەن دامۋدىڭ تٷپ نەگٸزٸ وتباسىنداعى تەربيەدەن, كٶشەدەگٸ تازالىقتان, قوعامداعى بٸرلٸكتەن باستاۋ الاتىنىنا نازار اۋدارىپ, نەلٸكتەن زاڭ مەن تەرتٸپ ٷستەمدٸگٸ تۋرالى ۇدايى ايتاتىنىن تٷسٸندٸردٸ.
«بۇل – بٸزدٸڭ بايىپپەن تاڭداعان اينىماس قاعيداتىمىز. ول قوعامدىق سانادا تامىر جايۋعا تيٸس. «زاڭ – ٸزگٸلٸك پەن ەدٸلەت ٶنەرٸ» دەگەن ەيگٸلٸ تەمسٸل بار. زاڭ ازاماتتاردىڭ قۇقىقتارى مەن بوستاندىقتارىن قورعاۋ, قوعامداعى تەرتٸپتٸ قامتاماسىز ەتۋ ٷشٸن قاجەت. ەرينە, زاڭنىڭ قاتاڭدىعىنا نارازىلىق بٸلدٸرٸپ, «قىلبۇراۋ سالىپ جاتىر» دەپ ويلايتىن ادامدار ەرقاشان تابىلادى. بٸراق جازادان جالتارىپ, جٷگەنسٸز كەتكەندەر, شىن مەنٸندە, حالىق پەن ەل مٷددەسٸنە قارسى ادامدار. مەملەكەت قىلمىسقا «مٷلدەم تٶزبەۋشٸلٸك» قاعيداتىن ٸسكە اسىرۋ ٷشٸن شارا قابىلداۋدى جالعاستىرادى. بۇزاقىلىقپەن جەنە ۇيىمداسقان قىلمىسپەن ىمىراسىز كٷرەس جٷرگٸزەدٸ» - دەدٸ قاسىم-جومارت توقاەۆ.
پرەزيدەنت بٸر-بٸرٸمٸزدٸ قولداپ, بيٸك ماقساتتارعا ۇمتىلاتىن بٸرلٸگٸ مىقتى ەل بولساق, كٶك پاسپورتىمىز دا مىقتى ەرٸ قۋاتتى بولاتىنىن ايتتى.
«بٸر-بٸرٸمٸزگە تٸلەكتەس بولايىق, ٶزارا قۇرمەتپەن قارايىق, قادٸرلەيٸك. كەز كەلگەن قيىندىققا قارسى تۇرىپ, ەل ٷشٸن, جەر ٷشٸن بٸرگە ەڭبەك ەتەيٸك. حالقى – بٸرتۇتاس, بولاشاعى – جارقىن ەدٸلەتتٸ قازاقستاندى بٸرگە قۇرايىق. ازاماتتارىمىز بارلىق سالادا ەردايىم ەدٸلدٸك بولعانىن قالايدى. ول ٷشٸن ەركٸم ەدٸلدٸكتٸ, ەڭ الدىمەن, ٶزٸنەن باستاۋى كەرەك. سوندا قوعام دا, بٷكٸل مەملەكەتتٸك جٷيە دە ەدٸل بولماق. ەلٸمٸزدٸڭ ەڭ باستى مەرەكەسٸ – رەسپۋبليكا كٷنٸندە بٸز قازاقستاننىڭ تۇڭعىش پرەزيدەنتٸ نۇرسۇلتان ەبٸشۇلى نازارباەۆتىڭ تاباندى ەڭبەگٸن اتاپ ٶتۋگە تيٸسپٸز. ونىڭ قازٸرگٸ قازاق مەملەكەتٸن قۇرۋ ٸسٸندە شەشۋشٸ تاريحي رٶل اتقارعانىن مٸندەتتٸ تٷردە ايتۋىمىز قاجەت. ەل ٷشٸن جاسالعان قىزمەت ەشقاشان ۇمىتىلماۋى كەرەك, ەل جادىندا ساقتالۋعا تيٸس. بۇل – ەلٸمٸزدٸڭ بولاشاعى ٷشٸن ٶتە ماڭىزدى. «جاقسىنىڭ جاقسىلىعىن ايت» دەگەن حالقىمىز. بٷگٸنگٸ تاريحقا ەدٸل باعا بەرٸلۋٸ ٷشٸن كەشەگٸ تاريح ەدٸل باعالانۋعا تيٸس», - دەدٸ مەملەكەت باسشىسى.
قاسىم-جومارت توقاەۆ سٶزٸن قورىتىندىلاي كەلە, قازاقستاننىڭ جەتٸستٸكتەرٸ بارشا حالقىمىزدىڭ ورتاق تابىسى ەكەنٸن اتاپ ٶتٸپ, ۇلىق مەيرام – رەسپۋبليكا كٷنٸنە وراي ەلٸمٸزدٸ دامىتۋعا وراسان زور ٷلەس قوسىپ جٷرگەن بٸر توپ ازاماتقا جوعارى ناگرادالاردى جەنە مەملەكەتتٸك سىيلىقتى سالتاناتتى تٷردە تابىستادى.
جيىندا «قازاقستاننىڭ ەڭبەك ەرٸ» اتاعىن العان تۇلعالار – پرەزيدەنت جانىنداعى قازاقستان رەسپۋبليكاسىنىڭ ۇلتتىق عىلىم اكادەميياسىنىڭ ۆيتسە-پرەزيدەنتٸ, اكادەميك اسقار جۇمادٸلداەۆ, قاراعاندى وبلىسىنداعى «شاحتەرسكوە» جاۋاپكەرشٸلٸگٸ شەكتەۋلٸ سەرٸكتەستٸگٸنٸڭ ديرەكتورى گەورگيي پروكوپ, سونداي-اق اباي اتىنداعى ەدەبيەت پەن ٶنەر سالاسىنداعى مەملەكەتتٸك سىيلىقتىڭ يەگەرٸ, جازۋشى قۇلبەك ەرگٶبەك, «قازاقستاننىڭ ەڭبەك سٸڭٸرگەن دەرٸگەرٸ», «ۇلتتىق عىلىمي مەديتسينالىق ورتالىعى» اكتسيونەرلٸك قوعامىنىڭ باس ديرەكتورى اباي بايگەنجين, «شاپاعات» مەدالٸنٸڭ يەگەرٸ, «Haileybury Astana» مەكتەبٸنٸڭ قازاق تٸلٸ پەنٸنٸڭ مۇعالٸمٸ وزودا ماننوپوۆا سٶز سٶيلەدٸ.
