فوتو: اقوردا
بٷگٸن مەملەكەت باسشىسى قاسىم-جومارت توقاەۆ پرەمەر-مينيستر ولجاس بەكتەنوۆتٸ قابىلداپ, 2024 جىلدىڭ ٷشٸنشٸ توقسانىنداعى ەلەۋمەتتٸك-ەكونوميكالىق دامۋ كٶرسەتكٸشتەرٸ مەن زاڭسىز يەلەنگەن اكتيۆتەردٸ قايتارۋ بويىنشا اتقارىلعان جۇمىستار جايلى ەسەپتٸ تىڭدادى.
ەكونوميكانى ەرتاراپتاندىرۋ جەنە تۇراقتى ٶسٸم
كەزدەسۋ بارىسىندا پرەمەر-مينيستر بەكتەنوۆ ەلدٸڭ ەلەۋمەتتٸك-ەكونوميكالىق دامۋ كٶرسەتكٸشتەرٸ جٶنٸندە بايانداما جاسادى. ونىڭ ايتۋىنشا, مەملەكەت باسشىسىنىڭ تاپسىرمالارىن جٷزەگە اسىرۋ اياسىندا ەكونوميكانى ەرتاراپتاندىرۋ شارالارى كٷشەيتٸلگەن. بۇل شارالار ەل ەكونوميكاسىنا وڭ ەسەرٸن تيگٸزٸپ, شيكٸزاتتىق ەمەس سەكتوردى دامىتۋ نەتيجەسٸندە ٸشكٸ جالپى ٶنٸم (ٸجٶ) 4 پايىزعا ٶسكەن.
ەسٸرەسە اۋىل شارۋاشىلىعى, قۇرىلىس, كٶلٸك, بايلانىس, ساۋدا جەنە ٶڭدەۋ ٶنەركەسٸبٸ سالالارى ايتارلىقتاي ٶسٸم كٶرسەتكەن. اۋىل شارۋاشىلىعىنىڭ ٶسٸمٸ 11,4 پايىزدى, قۇرىلىستىڭ – 10,1 پايىزدى, كٶلٸكتٸڭ – 8 پايىزدى, بايلانىس – 6,4 پايىزدى, ساۋدا – 6,3 پايىزدى, ال ٶڭدەۋ ٶنەركەسٸبٸنٸڭ ٶسٸمٸ 4,8 پايىزدى قۇراعان. بۇل سالالاردىڭ دامۋى ەكونوميكانىڭ تۇراقتىلىعىن ارتتىرىپ, ٶندٸرٸس كٶلەمٸن ۇلعايتۋعا مٷمكٸندٸك بەرگەن.
سونىمەن قاتار, 2024 جىلدىڭ قاڭتار-تامىز ايلارىندا قازاقستاننىڭ سىرتقى تاۋار اينالىمى 91,7 ميلليارد اقش دوللارىنا جەتكەن, ونىڭ ٸشٸندە ەكسپورت كٶلەمٸ 3,3 پايىزعا ٶسكەن. ساۋدا بالانسى وڭ نەتيجە كٶرسەتٸپ, 15,4 ميلليارد دوللارعا جەتكەن, بۇل ٶتكەن جىلمەن سالىستىرعاندا 34,8 پايىزعا ارتىق.
زاڭسىز يەلەنگەن اكتيۆتەردٸ قايتارۋ بويىنشا نەتيجەلەر
كەزدەسۋ بارىسىندا پرەمەر-مينيستر زاڭسىز يەمدەنٸلگەن اكتيۆتەردٸ مەملەكەتكە قايتارۋ جٶنٸندەگٸ جۇمىستاردىڭ بارىسى تۋرالى دا مەلٸمەت بەردٸ. ولجاس بەكتەنوۆتٸڭ ايتۋىنشا, جىل باسىنان بەرٸ ارنايى كوميسسييا 450 ميلليارد تەڭگەگە جۋىق اكتيۆتەردٸ قايتارۋ جٶنٸندەگٸ كەلٸسٸمدەردٸ ماقۇلداعان. بٷگٸنگٸ كٷنگە دەيٸن مەملەكەتكە 265 ميلليارد تەڭگەنٸڭ اكتيۆتەرٸ, سونىڭ ٸشٸندە 177 ميلليارد تەڭگە اقشالاي قايتارىلعان.
قايتارىلعان قاراجات ەلٸمٸزدەگٸ ەلەۋمەتتٸك ماڭىزى بار جوبالارعا, اتاپ ايتقاندا, مۇقتاج ادامداردى وڭالتۋ جەنە ەلەۋمەتتەندٸرۋ باعدارلامالارىنا, مەدەني-بٸلٸم بەرۋ ورتالىقتارىنىڭ قۇرىلىسىن قارجىلاندىرۋعا جەنە سپورتتىق نىساندار سالۋعا باعىتتالىپ وتىر.
سونىمەن قاتار, "زاڭسىز يەمدەنٸلگەن اكتيۆتەردٸ مەملەكەتكە قايتارۋ تۋرالى" زاڭ اياسىندا بٸرنەشە ماڭىزدى جوبالار جٷزەگە اسىپ جاتقانىن اتاپ ٶتتٸ. بۇل جوبالاردىڭ قاتارىندا حالىقتىڭ ەلەۋمەتتٸك جاعدايىن جاقسارتۋعا باعىتتالعان باعدارلامالار بار.
شىۇ ٷكٸمەت باسشىلارى كەڭەسٸنٸڭ قورىتىندىلارى
بەكتەنوۆ يسلامابادتا ٶتكەن شانحاي ىنتىماقتاستىق ۇيىمىنا مٷشە مەملەكەتتەردٸڭ ٷكٸمەت باسشىلارى كەڭەسٸنٸڭ وتىرىسىنىڭ قورىتىندىلارى تۋرالى دا باياندادى. اتالعان جيىن بارىسىندا ساۋدا, ەكونوميكا, كٶلٸك جەنە ينفراقۇرىلىمدىق جوبالار سالاسىنداعى ىنتىماقتاستىقتى نىعايتۋ مەسەلەلەرٸ تالقىلانعان.
پرەزيدەنتتٸڭ تاپسىرمالارى
قاسىم-جومارت توقاەۆ ٷكٸمەتتٸڭ جۇمىسىن جانداندىرۋ قاجەتتٸگٸن اتاپ ٶتٸپ, ەكونوميكانى ەرتاراپتاندىرۋ, ونىڭ تۇراقتى ٶسٸمٸن قامتاماسىز ەتۋ ٷشٸن شاعىن جەنە ورتا بيزنەستٸ قولداۋ, اگروٶنەركەسٸپ كەشەنٸندە يننوۆاتسييانى دامىتۋ, ٸرٸ يندۋستريالدىق جەنە ينفراقۇرىلىمدىق جوبالاردى جٷزەگە اسىرۋ شارالارىن جالعاستىرۋدى تاپسىردى.
مەملەكەت باسشىسى ەكونوميكانى تۇراقتاندىرۋ باعىتىندا ناقتى ەرٸ شۇعىل شارالار قابىلداۋدىڭ ماڭىزدىلىعىن ەرەكشە اتاپ ٶتتٸ.
