قازاقستان پرەزيدەنتٸ ٶزبەكستاننىڭ ٶليي مەجٸلٸس سەناتىنىڭ تٶراعاسى تانزيلا نارباەۆانى قابىلدادى, دەپ حابارلايدى اقوردا.
كەزدەسۋ كەزٸندە ەكٸجاقتى ىنتىماقتاستىقتىڭ ٶزەكتٸ مەسەلەلەرٸ تالقىلاندى.
قاسىم-جومارت توقاەۆ تانزيلا نارباەۆانىڭ ساپارى ەكٸ ەلدٸڭ پارلامەنتارالىق بايلانىستارىن دامىتىپ, مەملەكەتتەر اراسىنداعى قارىم-قاتىناسقا تىڭ سەرپٸن بەرەتٸنٸن اتاپ ٶتتٸ.
– 2018 جىلى ساۋدا اينالىمى 2,5 ميلليارد دوللاردى قۇرادى. ال بيىلعى 9 ايدىڭ ٶزٸندە ٶتكەن جىلعى نەتيجەدەن ارتىق جەتٸستٸككە جەتٸپ وتىرمىز. سوعان سەيكەس, جىل سوڭىندا قازاقستان مەن ٶزبەكستان اراسىنداعى ساۋدا اينالىمىنىڭ كٶلەمٸ دە ارتا تٷسەدٸ, – دەدٸ قاسىم-جومارت توقاەۆ.
پرەزيدەنت سەۋٸر ايىنداعى ٶزبەكستانعا جاساعان مەملەكەتتٸك ساپارىنىڭ نەتيجەسٸندە ساۋدا-ەكونوميكالىق بايلانىستاردى نىعايتىپ, ٶزارا ساۋدا اينالىمىن بٸرتٸندەپ 5 ميلليارد دوللارعا دەيٸن ارتتىرۋ تۋرالى كەلٸسٸمگە قول جەتكٸزٸلگەنٸن ايتتى.
مەملەكەت باسشىسى ەكٸ ەل اراسىنداعى كٶلٸك-ترانسپورت بايلانىستارىنىڭ, سونداي-اق, مەدەني-گۋمانيتارلىق قارىم-قاتىناستاردىڭ دامۋ بارىسى جوعارى دەڭگەيدە ەكەنٸن اتاپ ٶتتٸ.
– قازاقستان مەن ٶزبەكستان ٶزارا ىنتىماقتاستىقتى دامىتۋعا قىزىعۋشىلىق تانىتىپ قانا قويماي, سونىمەن قاتار, بٸرقاتار مەسەلەلەر بويىنشا بٸرٸن-بٸرٸ تولىقتىرىپ وتىرادى. سوندىقتان بٸزدٸڭ ٶزارا ىقپالداستىعىمىز تابىستى بولاتىنى سٶزسٸز. ونىڭ ٷستٸنە, ەرٸپتەسٸم, ٶزبەكستان پرەزيدەنتٸ شاۆكات ميرزييوەۆپەن ەكٸ ەل اراسىنداعى ىنتىماقتاستىقتى جان-جاقتى دامىتۋ ٷشٸن بەلسەندٸ جۇمىس جٷرگٸزۋگە كەلٸستٸك, – دەدٸ قاسىم-جومارت توقاەۆ.
تانزيلا نارباەۆا قاسىم-جومارت توقاەۆقا قوناقجايلىق تانىتقانى ٷشٸن العىس ايتىپ, شاۆكات ميرزييوەۆتٸڭ سەلەمٸن جەتكٸزدٸ.
– سٸزدٸڭ قازاقستان پرەزيدەنتٸ لاۋازىمىنا سايلانۋىڭىز – بۇعان دەيٸنگٸ ابىرويلى قىزمەتٸڭٸزدٸڭ نەتيجەسٸ. سٸز تەجٸريبەلٸ ديپلومات, ىقپالدى باسشى رەتٸندە تۇڭعىش پرەزيدەنت نۇرسۇلتان نازارباەۆتىڭ قازاقستاننىڭ مەملەكەتتٸك قاۋٸپسٸزدٸگٸن نىعايتۋ جەنە ەكونوميكاسىن دامىتۋعا باعىتتالعان باستامالارىن جالعاستىرىپ كەلەسٸز, – دەدٸ ٶزبەك ساياساتكەرٸ.
كەزدەسۋ سوڭىندا مەملەكەت باسشىسى ٶزبەكستان پرەزيدەنتٸنە ٸزگٸ تٸلەگٸن جولدادى.
