مەملەكەت باسشىسى قاسىم-جومارت توقاەۆ استاناداعى «اتامەكەن» ەتنو-مەموريالدىق كەشەنٸندە ٶتكەن مەملەكەتتٸك تۋ كٶتەرۋ رەسٸمٸنە قاتىستى, دەپ حابارلايدى ult.kz.
سالتاناتتى شارا بارىسىندا قازاقستاننىڭ ەنۇرانى شىرقالىپ, كٶك بايراق كٶتەرٸلدٸ. پرەزيدەنت مەملەكەتتٸك رەمٸزدەر كٷنٸ ەربٸر قازاقستاندىق ٷشٸن ەرەكشە ماڭىزعا يە ەكەنٸن اتاپ ٶتتٸ.
– كٶك تۋىمىز – تەۋەلسٸزدٸكتٸڭ تۇمارى. ەلتاڭبا – ەلدٸگٸمٸزدٸڭ بەلگٸسٸ, ەنۇران – حالقىمىزدىڭ ايبىندى ٷنٸ. بۇل ٷش رەمٸز – مەملەكەتتٸگٸمٸزدٸڭ مىزعىماس تۇعىرى, – دەدٸ قاسىم-جومارت توقاەۆ.
پرەزيدەنت ۇلتتىق رەمٸزدەردٸ قۇرمەتتەۋ وتانشىلدىقتىڭ باستى كٶرٸنٸسٸ ەكەنٸن ايتىپ, ولاردىڭ مەرتەبەسٸن ارتتىرۋ باعىتىنداعى جۇمىستار جالعاساتىنىن جەتكٸزدٸ. ونىڭ سٶزٸنشە, ٷكٸمەت جاقىن ۋاقىتتا مەملەكەتتٸك رەمٸزدەردٸ پايدالانۋ تەرتٸبٸنە قاتىستى قاۋلىعا ٶزگەرٸستەر ەنگٸزەدٸ.
مەملەكەت باسشىسى سونداي-اق جاڭا كونستيتۋتسييا ەدٸلەتتٸ قازاقستان قۇرۋ جولىنداعى بەرٸك نەگٸزگە اينالعانىن اتاپ ٶتتٸ.
ايتا كەتەيٸك, 4 ماۋسىم – قازاقستانداعى مەملەكەتتٸك رەمٸزدەر كٷنٸ. بيىل تەۋەلسٸز قازاقستاننىڭ تۋى, ەلتاڭباسى مەن ەنۇرانىنىڭ قابىلدانعانىنا 34 جىل تولدى. قازاقستاننىڭ كٶك بايراعى Reddit پلاتفورماسىنداعى حالىقارالىق ونلاين-تۋرنيردە ەلەمدەگٸ ەڭ ٷزدٸك مەملەكەتتٸك تۋ دەپ تانىلعان. سونىمەن قاتار مەملەكەتتٸك رەمٸزدەردٸڭ كٶشٸرمەلەرٸ اركتيكالىق دٷنيەجٷزٸلٸك ارحيۆتە ساقتاۋلى.
