فوتو:alash.kz
پرەزيدەنت قاسىم-جومارت توقاەۆ مەكتەپتەگٸ تاماقتاندىرۋدى قاتاڭ باقىلاۋعا الۋدى تاپسىردى, دەپ حابارلايدى ULT.KZ.
مەكتەپتەردە باستاۋىش سىنىپ وقۋشىلارى مەن از قامتىلعان وتباسىلاردان شىققان بالالار مەملەكەت ەسەبٸنەن تەگٸن ىستىق تاماقپەن قامتىلادى. الايدا پرەزيدەنت مەكتەپ اسحانالارىنداعى تاماقتىڭ ساپاسىنا باسا مەن بەرگەن جٶن ەكەنٸن ايتتى.
"جاقىندا ماڭعىستاۋ وبلىسىندا بالالار استان ۋلاندى. بۇل وقيعانىڭ قوعامدا قىزۋ تالقىلانۋى ورىندى. مۇنداي جاعدايلاردىڭ قايتالانۋىنا جول بەرمەۋ كەرەك. سانيتارلىق-ەپيدەميولوگييالىق نورمالاردىڭ ساقتالۋىن قاتاڭ باقىلاۋ قاجەت. بٸراق مەسەلەنٸڭ مەنٸ تىم تەرەڭدە جاتىر. وقۋشىلاردى ساپاسى كٷمەندٸ ەرٸ ارزان ازىق-تٷلٸكپەن تاماقتاندىرا المايمىز. بالالاردى تاماقتاندىرۋدىڭ حالىقارالىق ستاندارتتارىنا ۇمتىلعانىمىز دۇرىس. اسحاناداعى تاعامدار ٶسٸپ كەلە جاتقان اعزانى بارلىق قاجەتتٸ دەرۋمەنمەن قامتاماسىز ەتۋٸ كەرەك. بۇل ٶسكەلەڭ ۇرپاقتىڭ دەنساۋلىعىنا تٸكەلەي ەسەر ەتەدٸ. قۇزىرلى مەكەمەلەر مەكتەپ اسحانالارىنداعى ازىق-تٷلٸكتٸڭ ساپاسىن كٶتەرۋ مەسەلەسٸمەن مۇقييات اينالىسۋى قاجەت. مەكتەپتەردە دۇرىس تاماقتاندىرۋ مەدەنيەتٸن قالىپتاستىرۋ ٷشٸن اگروٶنەركەسٸپ كەشەنٸ بٸلٸم بەرۋ ورىندارىنىڭ سەرٸكتەسٸنە اينالعانى جٶن", - دەدٸ پرەزيدەنت.
