پرەزيدەنت قاسىم-جومارت توقاەۆ قورعاس بەكەتٸندە كونتەينەرلەردٸڭ تولاسسىز قوزعالىسىن قامتاماسىز ەتەتٸن ترەكينگ ورناتۋدى تاپسىردى, دەپ حابارلايدى قازاقپارات.
«مەن ٷكٸمەتكە شەكارادا – اتاپ ايتقاندا, قورعاستا ناقتى ورنالاسقان جەرٸ, جول جٷرۋ ۋاقىتى, كٸدٸرٸستەر كٶرسەتٸلەتٸن كونتەينەرلەر ترەكينگٸن ەنگٸزۋدٸ تاپسىرامىن», – دەدٸ قاسىم - جومارت توقاەۆ شەتەلدٸك ينۆەستورلار كەڭەسٸنٸڭ وتىرىسىندا.
ونىڭ ايتۋىنشا, اقپاراتتىق جٷيە ٶزبەكستانمەن, قىرعىزستانمەن جەنە باسقا دا كٶرشٸلەرمەن قۇرىلاتىن بارلىق ەركٸن ساۋدا ورتالىقتارىندا جۇمىس ٸستەۋٸ تيٸس.
«قازٸر كٶلٸك كوممۋنيكاتسييالارى ٷكٸمەت ساياساتىنداعى باسىمدىق بولىپ تابىلادى. وسى باعدارلامانىڭ ٸسكە اسىرىلۋىن ٶزٸم تٸكەلەي باقىلايمىن», - دەدٸ مەملەكەت باسشىسى.
سونداي-اق, پرەزيدەنت سوڭعى 10 جىلدا قازاقستان جاھاندىق كٶلٸك دەلٸزدەرٸندە قۋاتتى ينفراقۇرىلىمدىق شەڭبەر قۇرعانىن ەسكە سالدى.
«2020 جىلى ترانزيتتٸك تەمٸرجول تاسىمالىنىڭ كٶلەمٸ 17 پايىزعا ٶستٸ. ٶسٸمنٸڭ باستى فاكتورى كونتەينەرلٸك تاسىمال بولدى. قازاقستاننىڭ تەمٸرجول تاسىمالىنداعى ەلەۋەتٸن بارىنشا پايدالانۋدىڭ جاڭا مٸندەتتەرٸ پايدا بولىپ وتىر. بىلتىر 900 مىڭعا جۋىق كونتەينەر تاسىمالداندى. بۇل 2019 جىلعى كٶرسەتكٸشتەن 32 پايىزعا جوعارى. ونىڭ 91 پايىزى قىتاي-ەۋروپا, ەۋروپا-قىتاي باعىتىنا تيەسٸلٸ.
تەمٸرجول, اۆتوموبيل تاسىمالى مەن قۇبىر ارقىلى تاسىمال بويىنشا كٶرسەتٸلگەن قىزمەتتەردٸڭ ٷلەسٸ ترانسپورتتىق قىزمەتتەردٸڭ 67 پايىزىن قۇرادى. قازاقستان ازييا مەن ەۋروپا اراسىنداعى قۇرلىقتىق تاسىمالدىڭ ماڭىزدى بۋىنىنا اينالدى دەپ سەنٸممەن ايتۋعا بولادى. قازاقستان قىتايدىڭ «بٸر جول – بٸر بەلدەۋ» جاھاندىق جوباسىن ٸسكە اسىرۋداعى ماڭىزدى ەرٸ جەتەكشٸ سەرٸكتەسٸ», - دەدٸ قاسىم-جومارت توقاەۆ.
