مەملەكەت باسشىسى قاسىم-جومارت توقاەۆ قازاقستاندىقتاردى جەڭٸس كٷنٸمەن قۇتتىقتادى, - دەپ حابارلايدى اقوردا.
***
قۇرمەتتٸ وتانداستار!
بارشاڭىزدى ۇلى وتان سوعىسىنداعى جەڭٸستٸڭ 75 جىلدىعىمەن شىن جٷرەكتەن قۇتتىقتايمىن!
بۇل مەرەيلٸ مەرەكە قانقۇيلى جاۋدى كٷيرەتە جەڭٸپ, تۋعان جەرٸن قورعاپ قالعان ەكەلەرٸمٸز بەن اتالارىمىزدىڭ ٶشپەس ەرلٸگٸن دەرٸپتەيدٸ.
قازاقستاندىقتار قيىن-قىستاۋ كەزەڭدە باتىرلىق پەن جانقييارلىقتىڭ جارقىن ٷلگٸسٸن كٶرسەتتٸ. مايدانعا اتتانعان 1 ميلليون 200 مىڭ ازاماتىمىزدىڭ جارتىسى ەلگە ورالعان جوق.
تالعات بيگەلدينوۆ, سەرگەي لۋگانسكيي, لەونيد بەدا, ەلييا مولداعۇلوۆا, مەنشٷك مەمەتوۆا, يۆان پاۆلوۆ, باۋىرجان مومىشۇلى, ساعادات نۇرماعامبەتوۆ, مەلٸك عابدۋللين, حيۋاز دوسپانوۆا, راقىمجان قوشقارباەۆ جەنە باسقا داڭقتى باتىرلارىمىزدىڭ ەسٸمدەرٸ مەڭگٸ ەستە ساقتالادى.
سوعىس جىلدارىندا قازاقستانعا كٶشٸرٸلگەن جٷزدەگەن ٶندٸرٸستٸك جەنە ٶنەركەسٸپتٸك كەسٸپورىنداردا مىڭداعان وتانداسىمىز ەڭبەك ەتٸپ, ۇلى جەڭٸستٸ جاقىنداتۋعا ٷلەس قوستى. ەربٸر ون وقتىڭ توعىزى قازاقستاندا ٶندٸرٸلگەن قورعاسىننان قۇيىلدى. اۋىل حالقى جاۋىنگەرلەردٸ ازىق-تٷلٸكپەن قامتاماسىز ەتۋ ٷشٸن ايانباي تەر تٶكتٸ.
بٸز ەرجٷرەك اعا بۋىننىڭ الدىندا مەڭگٸ قارىزدارمىز. ولاردىڭ قايسارلىعى مەن تٶزٸمدٸلٸگٸنٸڭ, تاباندىلىعى مەن پاتريوتتىعىنىڭ ارقاسىندا بەيبٸت زاماندا ٶمٸر سٷرٸپ, جارقىن بولاشاعىمىزعا جول اشتىق.
بيىل مەرەكە كٷنٸ ٶزگەشە احۋالعا تۇسپا-تۇس كەلسە دە مايدانگەرلەردٸڭ ەشبٸرٸ ەلەۋسٸز قالعان جوق.
ارداگەرلەرٸمٸزگە مىقتى دەنساۋلىق جەنە باق-بەرەكە تٸلەيمٸن!
ەلٸمٸزدە ەردايىم بەيبٸتشٸلٸك پەن تىنىشتىق بولسىن!
