«بٸزدٸڭ بٷگٸنگٸ تىنىش ٶمٸرٸمٸزدٸ, تابىستارىمىزدى, تۇراقتى تٸرشٸلٸگٸمٸزدٸ كٶرە المايتىن جاۋلار دا جەتكٸلٸكتٸ. ونى ەشقاشان ەستەن شىعارماۋىمىز كەرەك». قر پرەزيدەنتٸ قاسىم-جومارت توقاەۆتىڭ بۇل سٶزدەرٸن مەملەكەت باسشىسىنىڭ باسپاسٶز حاتشىسى بەرٸك ۋەلي Facebook-تەگٸ پاراقشاسىندا بٶلٸستٸ.
«بٷگٸنگٸ ەلەم تۇراقتى ەمەس. جاھانداعى احۋال كٷن سايىن ٶزگەرٸپ جاتىر. ٶتە قۇبىلمالى جاعدايدا ٶمٸر سٷرٸپ كەلەمٸز. كەزٸندە قىرعي-قاباق سوعىس زامانى ٶتكەن كەزدە بارلىق ساياساتكەرلەر ەندٸ ەلەمنٸڭ كەلەشەگٸ جارقىن بولادى, قوي ٷستٸنە بوزتورعاي جۇمىرتقالاعان زامان كەلەدٸ, قاقتىعىستار بولمايدى دەپ ايتقان بولاتىن. دەگەنمەن, مۇنداي بولجامدار بۇرىس بولىپ شىقتى. قازٸر ادامزاتتىڭ بولاشاعى بۇلىڭعىر. بٸزدٸڭ ەلٸمٸز دە دٷنيە جٷزٸنٸڭ بٸر بٶلٸگٸ» دەپ باعامدادى پرەزيدەنت.
مەملەكەت باسشىسى, سونداي-اق, جازبادا «قازاقستان ٶز حالقىنان باسقا ەشكٸمگە كەرەگٸ جوعىن, تۇراقتى تٸرشٸلٸگٸمٸزدٸ كٶرە المايتىن جاۋلار دا جەتكٸلٸكتٸ» ەكەنٸن اتاپ ٶتكەن.
«بۇل عالامدا قازاقستان ٶز حالقىمىزدان باسقا ەشكٸمگە كەرەگٸ جوق. ەرينە, دوستارىمىز از ەمەس. بٸراق بٸزدٸڭ بٷگٸنگٸ تىنىش ٶمٸرٸمٸزدٸ, تابىستارىمىزدى, تۇراقتى تٸرشٸلٸگٸمٸزدٸ كٶرە المايتىن جاۋلار دا جەتكٸلٸكتٸ. ونى ەشقاشان ەستەن شىعارماۋىمىز كەرەك. بٸزدٸڭ بولاشاعىمىز – بٸزدٸڭ عانا قولىمىزدا» دەپ جازدى قازاقستان پرەزيدەنتٸ.
