«Bizdiń búgingi tynysh ómirimizdi, tabystarymyzdy, turaqty tirshiligimizdi kóre almaityn jaýlar da jetkilikti. Ony eshqashan esten shyǵarmaýymyz kerek». QR Prezidenti Qasym-Jomart Toqaevtyń bul sózderin Memleket basshysynyń baspasóz hatshysy Berik Ýáli Facebook-tegi paraqshasynda bólisti.
«Búgingi álem turaqty emes. Jahandaǵy ahýal kún saiyn ózgerip jatyr. Óte qubylmaly jaǵdaida ómir súrip kelemiz. Kezinde qyrǵi-qabaq soǵys zamany ótken kezde barlyq saiasatkerler endi álemniń keleshegi jarqyn bolady, qoi ústine boztorǵai jumyrtqalaǵan zaman keledi, qaqtyǵystar bolmaidy dep aitqan bolatyn. Degenmen, mundai boljamdar burys bolyp shyqty. Qazir adamzattyń bolashaǵy bulyńǵyr. Bizdiń elimiz de dúnie júziniń bir bóligi» dep baǵamdady Prezident.
Memleket basshysy, sondai-aq, jazbada «Qazaqstan óz halqynan basqa eshkimge keregi joǵyn, turaqty tirshiligimizdi kóre almaityn jaýlar da jetkilikti» ekenin atap ótken.
«Bul ǵalamda Qazaqstan óz halqymyzdan basqa eshkimge keregi joq. Árine, dostarymyz az emes. Biraq bizdiń búgingi tynysh ómirimizdi, tabystarymyzdy, turaqty tirshiligimizdi kóre almaityn jaýlar da jetkilikti. Ony eshqashan esten shyǵarmaýymyz kerek. Bizdiń bolashaǵymyz – bizdiń ǵana qolymyzda» dep jazdy Qazaqstan Prezidenti.
