قاشاعاندا قۋاتى 1 ملرد تەكشە مەتر بولاتىن گاز ٶڭدەۋ زاۋىتى قۇرىلىسى جوباسىن قارجىلاندىرۋ مەسەلەسٸن شۇعىل شەشۋ قاجەت. بۇل تۋرالى پرەزيدەنت جانىنداعى شەتەلدٸك ينۆەستورلار كەڭەسٸنٸڭ 34-شٸ جالپى وتىرىسىندا مەملەكەت باسشىسى قاسىم-جومارت توقاەۆ ايتتى, دەپ حابارلايدى قازاقپارات.
«بٷگٸندە گاز سالاسى كٶمٸردٸ پايدالانۋ دەڭگەيٸن تٶمەندەتۋدە ماڭىزدى رٶل وينايدى. قازاقستاننىڭ گازدانۋ دەڭگەيٸ 53 پايىزعا جەتتٸ. 10 ملن-عا جۋىق ازامات گازعا قول جەتكٸزٸپ وتىر. ەلدٸڭ ٸشٸندە گازدى قولدانۋ ٶتە جىلدام ارتىپ كەلە جاتىر. بۇل بٸرٸنشٸ كەزەكتە الماتىداعى جەو-2 مەن جەو-3-تٸڭ گازعا كٶشۋٸمەن, گاز-حيمييا كەشەنٸ جەنە جاڭا ٶندٸرٸستٸك كەسٸپورىنداردىڭ ٸسكە قوسىلۋىمەن بايلانىستى. كەلەسٸ جىلدىڭ ٸشٸندە-اق ٸشكٸ نارىقتا گاز تاپشىلىعى بولجانادى. گازبەن ٸشكٸ تۇتىنۋدى قامتاماسىز ەتۋ ونى ەكسپورتقا شىعارۋعا قاراعاندا سٶزسٸز باسىم», - دەدٸ مەملەكەت باسشىسى.
وسىعان وراي پرەزيدەنت ەل ٷكٸمەتٸنە تەڭٸز كەن ورنىنىڭ اكتسيونەرلەرٸمەن بٸرلەسٸپ, 2 ملرد تەكشە مەتر گازدى ەكسپورتتان ٸشكٸ نارىققا كەرٸ باعىتتاۋ مەسەلەسٸن قاراستىرۋدى تاپسىردى.
«سونىمەن قاتار ٷكٸمەتكە قاشاعاندا قۋاتى 1 ملرد تەكشە مەتر بولاتىن گاز ٶڭدەۋ زاۋىتى قۇرىلىسى جوباسىن قارجىلاندىرۋ مەسەلەسٸن شۇعىل شەشۋ تالاپ ەتٸلەدٸ», - دەدٸ قاسىم-جومارت توقاەۆ.
