مەملەكەتتٸك بٸلٸم گرانتىنىڭ قاراجاتى ستۋدەنتتٸڭ ەسەپشوتىنا تٷسۋٸ تيٸس. بۇل تۋرالى ۇلتتىق قوعامدىق سەنٸم كەڭەسٸنٸڭ 6-وتىرىسىندا قر پرەزيدەنتٸ قاسىم-جومارت توقاەۆ ايتتى, دەپ حابارلايدى "ۇلت اقپارات".
«كەلەسٸ مەسەلە. مەملەكەت جاستارعا بٸلٸم بەرۋ ٷشٸن جوعارى وقۋ ورىندارىنا ٶتە كٶپ گرانت بٶلەدٸ. بٷگٸندە بٸر ستۋدەنتتٸ وقىتۋ قۇنى – شامامەن 4 ميلليون تەڭگە. گرانت سانى جىل سايىن ارتىپ كەلەدٸ. ەندٸ, قارجىلاندىرۋ تەسٸلٸن ٶزگەرتكەن جٶن. قارجى تٸكەلەي گرانت يەسٸنە بەرٸلۋگە تيٸس, ياعني ستۋدەنت وقۋ اقىسىن ٶزٸ تٶلەۋٸ كەرەك. بۇل – قاراجات ستۋدەنتتٸڭ ارنايى ەسەپ-شوتىنا تٷسەدٸ دەگەن سٶز. ونى تەك وقۋ اقىسىن تٶلەۋگە جۇمساۋ كەرەك. بۇل تەسٸل جوعارى جەنە جوعارى وقۋ ورنىنان كەيٸنگٸ بٸلٸم الۋ سالاسىندا بەسەكەلەستٸكتٸ ارتتىرادى.
سونداي-اق, مەملەكەتتٸك تاپسىرىستىڭ اشىق بولۋىن قامتاماسىز ەتەدٸ. بٸلٸم ساپاسىن جاقسارتىپ, ستۋدەنتتەردٸڭ جاۋاپكەرشٸلٸگٸن ارتتىرادى. ٷكٸمەت بۇل شەشٸمدٸ جٷزەگە اسىرۋ جولدارىن مۇقييات ويلاستىرۋى كەرەك», - دەدٸ مەملەكەت باسشىسى.
