قازاقستان پرەزيدەنتٸ قاسىم-جومارت توقاەۆ ەنەرگەتيكا مينيسترٸ قانات بوزىمباەۆتى قابىلدادى, دەپ حابارلايدى "ۇلت اقپارات" ەنەرگەتيكا مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
قانات بوزىمباەۆ قازاقستان پرەزيدەنتٸنە ٶتكەن جەتٸ ايدىڭ قورتىندىسىن بايانداپ, ەنەرگەتيكا سالاسىنىڭ جوسپارلى دامىپ جاتقانىن حابارلادى. بايانداماعا سەيكەس, مۇناي ٶندٸرۋ كٶلەمٸ 52,23 ملن توننانى قۇراپ, بيىلعى جوسپار 101,2 پايىزعا ورىندالعان. ونىڭ ٸشٸندە ٷش ٸرٸ جوبانىڭ ٷلەسٸنە 31,6 ملن توننا تيەسٸلٸ. (قاشاعاندا - 7,2 مون توننا, تەڭٸزدە- 17,5, ملن توننا قاراشىعاناقتا - 6,9 ملن توننا.)
«وسى جىلدىڭ ماۋسىم ايىندا قاشاعاندا كٷردەلٸ جٶندەۋدەن ٶتٸپ, ٶندٸرۋ كٶلەمٸ تۇراقتى تٷردە تەۋلٸگٸنە 380 مىڭ باررەلگە شىقتى. ال, مۇناي ٶندٸرۋدٸڭ اعىمداعى قارقىنى جىلدىق جوسپاردى 89 ملن توننا كٶلەمٸندە ورىنداۋعا مٷمكٸندٸك بەرەدٸ», - دەدٸ مينيستر.
سونىمەن قاتار, مۇناي ٶنٸمدەرٸن ٶڭدەۋ سالاسىندا دا وڭ ديناميكا ساقتاۋلى. ياعني ٶڭدەۋ كٶلەمٸ 9,58 ملن تونناعا جەتٸپ, بىلتىرعى كٶرسەتكٸشپەن سالىستىرعاندا 3,1 پايىزدىق ٶسٸمدٸ كٶرسەتٸپ وتىر. بەنزين بويىنشا ٶڭدەۋ 10,8 پايىزعا, ديزەل 7,8 پايىزعا, اۆياوتىن 2,2 ەسەگە ٶسٸپ وتىر. وسىنىڭ نەتيجەسٸندە جىل باسىنان بەرٸ نارىقتاعى بٶلشەك ساۋدادا باعا تٶمەندەگەن. ەسٸرەسە بەنزيننٸڭ اي-92 ماركاسى 6 پايىزعا ارزانداعان.
ايتا كەتۋ كەرەك, اعىمداعى جىلى قازاقستان ەەق-تان تىس جەرلەرگە اي-92 ماركاسىن 70 مىڭ تونناعا دەيٸن, اي سايىن اي-95 ماركاسى بويىنشا 15 مىڭ تونناعا دەيٸن تازا-ەكسپورتتاۋشى بولىپ وتىر.
ٶتكەن جەتٸ ايدا, گاز ٶندٸرۋ كٶلەمٸ 33,1 ملرد تەكشە مەتردٸ قۇراپ, جوسپار 101,8 پايىزعا, ال تاۋارلى گاز ٶندٸرٸسٸ 19,6 ملرد تەكشە مەترگە جەتٸپ, بەلگٸلەنگەن جوسپار 104,8 پايىزعا ورىندالدى. سوندىقتان ٸشكٸ نارىقتا تۇراقتىلىق ورناتىلىپ, گاز باعاسىن نەگٸزسٸز ٶسۋٸنە جول بەرٸلمەي كەلە جاتىر. حالىقتى گازبەن قامتۋ 49,7 پايىزعا جەتكەن. قازٸر 9 ملن-عا جۋىق ادام كٶگٸلدٸر وتىنعا قول جەتكٸزگەن.
كەزدەسۋ بارىسىندا مينيستر مۇناي حيمييا سالاسىنا دا توقتالىپ, بٸرقاتار جٷيەلٸ جۇمىستاردى باياندادى. بيتۋم ٶندٸرٸسٸ 464 مىڭ تونناعا جەتٸپ, بەلگٸلەنگەن جوسپار 103 پايىزعا ورىندالعان.
وتاندىق مۇناي-گاز حيميياسىنداعى وسى جىلدىڭ ماڭىزدى وقيعاسى - اتىراۋ مٶز-دە حوش يٸستٸ كٶمٸرسۋتەكتەردٸڭ (بەنزول, پاراكسيلول) ٶنەركەسٸپتٸك ٶندٸرٸسٸن باستاۋى. بٸرٸنشٸ جارتىجىلدىقتا 95 مىڭ توننا حوش يٸستٸ كٶمٸرسۋتەكتەر ٶندٸرٸلٸپ, ولار ەكسپورتقا (رەسەي) جٸبەرٸلدٸ. 2019 جىلعا جوسپار - 180 مىڭ توننا.
ال, ەلەكتر ەنەرگيياسىن ٶندٸرۋ جالپى تۇتىنۋعا سەيكەس 60,4 ملرد كۆتساع قۇراپ وتىر.
سونداي-اق, كەزدەسۋدە مينيستر پرەزيدەنتكە ەنەرگەتيكا سالاسىنا جاسالىپ جاتقان ينۆەستيتسييالار تۋرالى دا مەلٸمەت بەردٸ.
مۇناي ٶندٸرٸسٸندە ٷش ٸرٸ جوبانى ٸسكە اسىرۋعا قۇيىلعان ينۆەستيتسييا كٶلەمٸ 44,5 ملرد اقش دوللارىن قۇرادى. بۇل قاراجات ٷش ٸرٸ جوبانى ٸسكە اسىرۋعا - تەڭٸزدٸ بولاشاقتا كەڭەيتۋ جوباسى (38 ملرد اقش دوللارى), قاراشىعاناق ٶندٸرۋ دەڭگەيٸن ۇزارتۋ جوبالارىنا (4,5 ملرد اقش) جۇمسالادى.
وسىلايشا, تەڭٸزدٸ بولاشاقتا كەڭەيتۋ جوباسى ساپالى ٶندٸرۋگە سەرپٸلٸس بەرمەك. ياعني جىل سايىنعى دەڭگەيدٸ 2023 جىلدان باستاپ, بٸردەن 12 ملن تونناعا ارتتىرۋعا مٷمكٸندٸك بەرەدٸ. مۇناي-گاز حيمييا سالاسىندا جالپى قۇنى 12,3 ملرد اقش دوللارىن قۇرايتىن 8 ينۆەستيتسييالىق جوبا جٷزەگە اسىرىلۋدا. بۇل - پوليپروپيلەن مەن پوليەتيلەن جوبالارى جاقىن شەت ەلدەر اراسىندا پوليمەرلەر ٶندٸرٸسٸندەگٸ ەڭ ٸرٸ جوبالارى. ەكٸ جوبا بويىنشا ينۆەستيتسييا كٶلەمٸ - 9 ملرد دوللار. قۇرىلىس كەزٸندە كەمٸندە 3 مىڭ جۇمىس ورنى جەنە پايدالانۋ كەزەڭٸندە – 1 مىڭ ادام تۇراقتى جۇمىسپەن قامتىلادى.
پوليپروپيلەن جوباسى بويىنشا قۇرىلىس كەستە بويىنشا جٷرٸپ, 2021 جىلى اياقتالادى.
ايتا كەتۋ كەرەك, قازٸرگٸ تاڭدا جاڭارتىلاتىن ەنەرگەتيكانى دامىتۋ دا تۇراقتى جولعا قويىلعان. وسى سالاداعى كٶرسەتٸلەتٸن مەملەكەتتٸك قولداۋ شارالارى ينۆەستورلاردىڭ بەلسەندٸ تٷردە قىزىعۋشىلىعىن تۋدىرادى. قازٸردٸڭ ٶزٸندە ينۆەستيتسييالىق كٶلەمٸ 2 ملرد اقش دوللارىن قۇرايتىن 82 ررا كەلٸسٸمشارتقا قول قويىلدى.
جىل سوڭىنا دەيٸن, جەك وبەكتٸلەرٸنٸڭ جيىنتىق قۋاتى 733-تەن (77 نىسان) 967 مۆت-قا (85 نىسان) دەيٸن ارتادى. 2020 جىلى جەك سانىن 95-كە (1483 مۆت) دەيٸن, 2021 جىلى 119-عا (بۇل 2096 مۆت) دەيٸن جەتكٸزۋ جوسپارلانۋدا.
سٶز سوڭىندا پرەزيدەنت ەنەرگەتيكا سالاسىنىڭ دامۋىنا وڭ باعاسىن بەرٸپ, الداعى ۋاقىتتا قالىپتاسقان تۇراقتىلىقتى ساقتاۋدى تاپسىردى.
