فوتو: Akorda.kz
پرەزيدەنت HHLA كومپانيياسىنىڭ باسقارما تٶراعاسى انگەلا تيتتسراتپەن كەزدەستٸ, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
HHLA (Hamburger Hafen und Logistik) كومپانيياسىنىڭ باسشىسىمەن كەزدەسۋ بارىسىندا قازاقستان مەن گەرمانييانىڭ كٶلٸك-لوگيستيكا سالاسىنداعى ىنتىماقتاستىعىن نىعايتۋ پەرسپەكتيۆالارى تالقىلاندى.
مەملەكەت باسشىسى گەرمانييانىڭ كٶلٸك جەنە لوگيستيكا سالاسىن دامىتۋدا اتالعان كومپانييانىڭ ماڭىزدى رٶل اتقاراتىنىن ايتا كەلە, ونىڭ ەلٸمٸزدە فيليال اشۋ تۋرالى شەشٸمٸن قۇپتادى.
قاسىم-جومارت توقاەۆ بۇل سالانىڭ قازاقستان ٷشٸن ستراتەگييالىق ماڭىزى زور ەكەنٸن ايتتى. ٶيتكەنٸ ەلٸمٸز ەۋرازيياداعى باستى ترانزيت تورابى رەتٸندە ٶز پوزيتسيياسىن كٷشەيتۋگە نيەتتٸ.
ەڭگٸمەلەسۋ بارىسىندا قازاقستان قۇرعاق جەنە سۇيىق جٷكتەردٸ تاسىمالداۋعا ارنالعان جاڭا تانكەرلەر ساتىپ الۋ, سونداي-اق كاسپيي تەڭٸزٸندەگٸ اقتاۋ جەنە قۇرىق پورتتارىن جاڭعىرتۋ ٷشٸن قارجى تارتۋعا مٷددەلٸ ەكەنٸ اتاپ ٶتٸلدٸ.
HHLA – جەتەكشٸ ەۋروپالىق لوگيستيكالىق كومپانييا. كەسٸپورىن گامبۋرگ, ودەسسا, تاللينن, تريەست قالالارىنداعى تەڭٸز پورتى تەرمينالدارىنا, سونداي-اق ولارمەن بايلانىستىرىلعان ورتالىق جەنە شىعىس ەۋروپاداعى ينتەرمودالدىق توراپتار جەلٸسٸنە يەلٸك ەتەدٸ.
