مەملەكەت باسشىسى قاسىم-جومارت توقاەۆ حالىقارالىق بالالاردى قورعاۋ كٷنٸمەن قۇتتىقتادى, - دەپ حابارلايدى "ۇلت اقپارات" اقوردا سايتىنا سٸلتەمە جاساپ.
"قۇرمەتتٸ وتانداستار!
حالىقارالىق بالالاردى قورعاۋ كٷنٸ - ەرەكشە قۋانىش پەن مەيٸرٸمگە تولى شۋاقتى مەيرام. بالانىڭ كٷلكٸسٸ مەن باقىتىنان ارتىق ەشتەڭە جوق ەكەنٸن وسى مەرەكەدە بەرٸمٸز ايقىن سەزٸنەمٸز.
ٶسكەلەڭ ۇرپاقتىڭ جان-جاقتى دامۋىنا قولايلى جاعداي جاساۋ - مەملەكەتٸمٸزدٸڭ باستى مٸندەتٸنٸڭ بٸرٸ.
بٸز زاماناۋي مەكتەپتەر مەن جايلى بالاباقشالار سالىپ, يننوۆاتسييالىق ورتالىقتار, وقۋشىلار سارايلارىن جەنە سپورت كەشەندەرٸن اشىپ جاتىرمىز. ٷيٸرمەلەر مەن سەكتسييالار دا ۇيىمداستىرىلعان.
"بالالار جىلى" اياسىندا كٶپتەگەن جاڭا جوبالار قولعا الىندى. ەربٸر بالانىڭ تالابىن ۇشتاپ, دارىنىن اشۋدى كٶزدەيتٸن تٷرلٸ ٸس-شارالار جٷزەگە اسىرىلۋدا.
مەملەكەت جىلدان جىلعا بۇل باعىتتاعى جۇمىستى كٷشەيتە تٷسەدٸ. ٶيتكەنٸ, جاس ۇرپاقتىڭ مىقتى ازامات بولىپ ٶسۋٸ ەلٸمٸزدٸڭ تۇراقتى دامۋىنا جەنە باياندى بولاشاعىنا جول اشادى.
جاس قازاقستاندىقتاردى جەنە بارشا جۇرتتى وسى جارقىن مەرەكەمەن قۇتتىقتايمىن! سٸزدەرگە زور دەنساۋلىق, باق-بەرەكە تٸلەيمٸن!", - دەلٸنگەن حابارلامادا.
ەسكە سالا كەتەيٸك, 1954 جىلى بۇۇ-نىڭ باس اسسامبلەياسى "دٷنيەجٷزٸلٸك بالالار كٷنٸن" بارلىق ەلدە مەرەكەلەۋدٸ ۇسىندى. 1959 جىلى 20 قاراشادا بالالار قۇقىعى دەكلاراتسيياسى, ال 1989 جىلى بالالار قۇقىعى كونۆەنتسيياسى قابىلداندى.
