مەملەكەت باسشىسى قاسىم-جومارت توقاەۆ الداعى ەكٸ اپتادا ٷكٸمەت مٷشەلەرٸنە دەرٸ-دەرمەك بويىنشا تۇراقتاندىرۋ قورلارىن بەلگٸلەنگەن نورماتيۆكە سەيكەس جاساقتاۋدى تاپسىردى, دەپ حابارلايدى "ۇلت اقپارات".
«ەكٸنشٸ مەسەلە. بٸز جاز ايلارىندا دەرٸ-دەرمەك تاپشىلىعىن ايقىن سەزٸندٸك. مەنٸڭ تاپسىرمام بويىنشا ناقتى جۇمىس اتقارىلدى. اتاپ ايتقاندا, ەكٸ ايعا جەتەتٸن قور جاساقتالىپ, ەڭ قاجەتتٸ دەگەن دەرٸ-دەرمەكتٸڭ تٸزٸمٸ ۇلعايتىلدى. ونى سىرتتان ەكەلۋ جەنە تٸركەۋ تەرتٸبٸ جەڭٸلدەتٸلدٸ. بٸراق, ٶڭٸرلەردە دەرٸ-دەرمەكتەردٸ تۇراقتاندىرۋ قورلارىنىڭ كٶلەمٸ جەنە دايىندىق جۇمىستارى بٸركەلكٸ ەمەس. مىسالى, باتىس قازاقستان جەنە اقتٶبە وبلىستارىندا – ەكٸ جٷز ميلليون تەڭگەدەن. ماڭعىستاۋ وبلىسىندا – ٷش جٷز ميلليون تەڭگە. ال, نۇر-سۇلتان قالاسىندا بٸر ميلليارد التى جٷز ميلليون تەڭگە, الماتىدا – بەس ميلليارد تەڭگە», - دەدٸ پرەزيدەنت كوروناۆيرۋس ٸندەتٸنٸڭ ەكٸنشٸ كەزەڭٸنە دايىندىق مەسەلەلەرٸ بويىنشا كەڭەستە سٶيلەگەن سٶزٸندە.
مەملەكەت باسشىسى دەنساۋلىق ساقتاۋ مينيسترلٸگٸنٸڭ ٶڭٸرلەردەگٸ دايىندىق بارىسىنا بەرگەن باعاسىمەن تانىسقانىن جەتكٸزدٸ. سوعان سەيكەس, ماڭعىستاۋ جەنە الماتى وبلىستارىندا ەمحانالار مەن اۋرۋحانالاردىڭ دايىندىعى ناشار ەكەندٸگٸ انىقتالىپ وتىر. وسى ولقىلىقتاردى ٷكٸمەت پەن ەكٸمدەر دەرەۋ تٷزەتۋگە مٸندەتتٸ.
«ٷكٸمەتكە ەكٸمدەرمەن بٸرلەسٸپ, ەكٸ اپتا ٸشٸندە تۇراقتاندىرۋ قورلارىن بەلگٸلەنگەن نورماتيۆكە سەيكەس جاساقتاۋدى جەنە مەديتسينا ينفراقۇرىلىمىنىڭ تولىق دايىن بولۋىن قامتاماسىز ەتۋدٸ تاپسىرامىن», - دەدٸ ول.
