مەملەكەت باسشىسى قاسىم-جومارت توقاەۆ ورتالىق ازيياعا ساپارى اياسىندا قازاقستانعا كەلگەن بۇۇ باس حاتشىسىنىڭ بٸرٸنشٸ ورىنباسارى امينا مۇحاممەدتٸ قابىلدادى, دەپ حابارلايدى اقوردانىڭ باسپاسٶز قىزمەتٸ.
كەزدەسۋ بارىسىندا قازاقستان مەن بۇۇ اراسىنداعى ىنتىماقتاستىقتىڭ باسىم باعىتتارى قاراستىرىلدى. ورنىقتى دامۋ ماقساتتارىنا قول جەتكٸزۋ, كليماتتىڭ ٶزگەرۋٸنە قارسى كٷرەس, پاندەميياعا قارسى ٸس-قيمىل جەنە گەندەرلٸك تەڭدٸك پەن ادام قۇقىقتارىن قامتاماسىز ەتۋ جٶنٸندەگٸ بٸرلەسكەن كٷش-جٸگەرگە ەرەكشە نازار اۋدارىلدى.
قاسىم-جومارت توقاەۆ امينا مۇحاممەدكە ٸلتيپات بٸلدٸرە وتىرىپ, لاۋازىمدى قىزمەتكە قايتا سايلانۋىمەن قۇتتىقتادى. ونىڭ بۇل ساپارى ەلٸمٸزدٸڭ تاريحىنداعى بەتبۇرىس كەزەڭ – جالپىۇلتتىق رەفەرەندۋم ٶتكٸزۋمەن تۇسپا-تۇس كەلگەنٸن اتاپ ٶتتٸ. سونداي-اق رەفەرەندۋم قورىتىندىلارى جاڭا قازاقستاندى قۇرۋ ٸسٸنە كٸرٸسۋگە مٷمكٸندٸك بەرەتٸنٸن ايتتى.
پرەزيدەنت كٶپجاقتىلىق قاعيداتى مەن حالىقارالىق ديپلوماتييانى قالىپتاستىرىپ, دامىتۋدا دٷنيەجٷزٸلٸك ۇيىمنىڭ ەرەكشە رٶل اتقاراتىنىن اتاپ ٶتتٸ. قاسىم-جومارت توقاەۆ قازاقستاننىڭ بۇۇ-مەن اراداعى ىنتىماقتاستىقتى ودان ەرٸ جان-جاقتى نىعايتۋعا بەيٸلدٸ ەكەنٸنە توقتالىپ, ونىڭ جاھاندىق پروبلەمالاردى شەشۋ جٶنٸندەگٸ كٷن تەرتٸبٸن تولىق قولدايتىنىن جەتكٸزدٸ.
قازاقستان پرەزيدەنتٸ بۇۇ باس حاتشىسى انتونيۋ گۋتەرريشتٸڭ بەيبٸتشٸلٸك پەن جاھاندىق قاۋٸپسٸزدٸك مەسەلەلەرٸ جٶنٸندەگٸ جاڭا كٷن تەرتٸبٸن ەزٸرلەۋ ٷشٸن 2023 جىلى جوعارى دەڭگەيدەگٸ «بولاشاقتىڭ سامميتٸن» شاقىرۋ تۋرالى باستاماسىن قۇپتادى.
مەملەكەت باسشىسى قازٸرگٸ زاماننىڭ كٷردەلٸ سىن-قاتەرلەرٸ جاعدايىندا ورنىقتى دامۋ سالاسىنداعى ماقساتتارعا قول جەتكٸزۋ ٷشٸن كەزەك كٷتتٸرمەيتٸن جەنە اۋقىمدى شارالار قابىلداۋدىڭ ماڭىزدى ەكەنٸن اتاپ ٶتتٸ.
سونىمەن قاتار مەملەكەت باسشىسى ازىق-تٷلٸك قاۋٸپسٸزدٸگٸن قامتاماسىز ەتۋ, مۇقتاج ەلدەرگە گۋمانيتارلىق كٶمەك كٶرسەتۋ ٷشٸن قازاقستان تاراپىنان قابىلدانىپ جاتقان شەشٸمدەر تۋرالى ايتتى.
قاسىم-جومارت توقاەۆ ەيەلدەر مەن قىزدارعا قاتىستى زورلىق-زومبىلىقتىڭ بارلىق تٷرٸن جويۋ جٶنٸندەگٸ ورتالىق ازييا مەن اۋعانستانعا ارنالعان SpotLight Initiative ٶڭٸرلٸك باعدارلاماسىن جٷزەگە اسىرۋ ٸسٸندەگٸ امينا مۇحاممەدتٸڭ كٶشباسشىلىعىن جوعارى باعالادى.
ٶز كەزەگٸندە امينا مۇحاممەد مەملەكەت باسشىسىنا بۇۇ باس حاتشىسىنىڭ جٷرەكجاردى سەلەمٸن جەتكٸزدٸ. سونداي-اق قاسىم-جومارت توقاەۆتىڭ باسشىلىعىمەن ەلٸمٸزدە جٷزەگە اسىرىلىپ جاتقان اۋقىمدى رەفورمالاردى قولدايتىنىن ايتىپ, رەفەرەندۋمنىڭ سەتتٸ ٶتۋٸمەن قۇتتىقتادى.
بۇۇ باس حاتشىسىنىڭ بٸرٸنشٸ ورىنباسارى قازاقستان مەن بۇۇ-نىڭ 30 جىل ٸشٸندە ورناتقان كٶپجاقتى سەرٸكتەستٸگٸنٸڭ دەڭگەيٸنە جوعارى باعا بەردٸ.
سونىمەن قاتار ەڭگٸمەلەسۋ بارىسىندا اۋعانستان مەسەلەسٸ قاراستىرىلدى. امينا مۇحاممەد اۋعانستاندى ەلەۋمەتتٸك-ەكونوميكالىق تۇرعىدان قايتا قالپىنا كەلتٸرۋگە بايلانىستى پروبلەمالاردى شەشۋدە حالىقارالىق كٷش-جٸگەردٸ جانداندىرۋدىڭ ماڭىزدى ەكەنٸن ايتتى.
