قر پرەزيدەنتٸ قاسىم-جومارت توقاەۆ «Qazaqstan» تەلەارناسىنا بەرگەن سۇحباتىندا قاڭتار تراگەديياسى كەزٸندە بەيبٸت ميتينگٸنٸ تەرتٸپسٸزدٸككە ۇلاستىرعانداردىڭ قايدان پايدا بولعانىن ايتتى, دەپ حابارلايدى قازاقپارات.
«مەن وسى سۇراققا بٸرنەشە رەت جاۋاپ بەردٸم. مۇنىڭ الدىن الا جوسپارلانعان ەرەكەت ەكەنٸ انىقتالدى. ارنايى دايىندىقتان ٶتكەن قىلمىستىق توپتار, لاڭكەستەر وقيعانىڭ بەل ورتاسىندا جٷرٸپ, قاراقشىلاردى, قۇقىق بۇزۋشىلاردى باسقاردى. ەرينە, بۇزاقى توپتاردىڭ اراسىندا بەيبٸت ازاماتتار دا بولدى», - دەدٸ مەملەكەت باسشىسى.
ونىڭ ايتۋىنشا, ارانداۋعا ەرگەن بەيبٸت شەرۋشٸلەردٸ لاڭكەستەردەن, قاراقشىلاردان بٶلٸپ الۋىمىز كەرەك.
«بۇل – ٶتە كٷردەلٸ مەسەلە. مۇنىڭ بەرٸن تەرگەۋ جۇمىستارى انىقتايدى. جالپى, مىنا نەرسەنٸ دۇرىس تٷسٸنۋٸمٸز كەرەك. الاڭدا شىققانداردىڭ بەرٸن تٷگەل بەيبٸت شەرۋشٸ دەپ ايتۋعا بولمايدى. بۇل ەشقانداي اقىلعا سىيمايتىن نەرسە. كٶزٸ اشىق, ارى تازا ادام مۇنداي جالعان تۇجىرىمعا ەشقاشان سەنبەيدٸ.
ەڭ الدىمەن, لاڭكەستەر جاعدايدى ۋشىقتىردى. ولاردىڭ ماقساتى – ەلدٸڭ تۇتاستىعىن بۇزۋ, حالىقتى قورقىتۋ. ال, بەيبٸت شەرۋشٸلەر سولاردىڭ قارماعىنا تٷستٸ. قازٸر سول كٸنەسٸز ازاماتتاردىڭ قۇقىعىن قورعاۋىمىز كەرەك. مەن ەربٸر ٸس بويىنشا مۇقييات تەرگەۋ جٷرگٸزۋ كەرەك دەپ ايتتىم. ادامداردىڭ قۇقىعىن بۇزعان تۇلعالار جازاعا تارتىلادى. بٸز بۇعان قاجەتتٸ شارانىڭ بەرٸن قابىلدايمىز. ەش كٷمەن بولماسىن», - دەدٸ پرەزيدەنت.
