قازاقستان پرەزيدەنتٸ قاسىم-جومارت توقاەۆ مەملەكەتتٸك بيلٸك جٷيەسٸنە بٸلٸمدٸ ەرٸ كەسٸبي تۇرعىدا دايار, پاتريوتتىق تۇرعىدا شىڭدالعان جاستاردى تارتۋ كەرەكتٸگٸن مەلٸمدەدٸ, دەپ حابارلايدى قازاقپارات.
«ەلٸمٸزدە بالاباقشالار مەن مەكتەپتەردٸڭ, كوللەدجدەردٸڭ ديرەكتورىن تاعايىنداۋدىڭ اشىق جٷيەسٸن دايىنداۋ كەرەك. ديرەكتورلاردى روتاتسييا مەن اتتەستاتتاۋدان ٶتكٸزۋ ينستيتۋتىن ەنگٸزۋ – باسقارۋدىڭ تيٸمدٸلٸگٸن ارتتىرۋى تيٸس. جالپى, روتاتسييا بارلىق سالادا بولۋى كەرەك دەپ ەسەپتەيمٸن. «اداسىپ كەتكەن بۋىن» دەگەن ەڭگٸمەلەر شىقپاۋى ٷشٸن بٸز كادرلاردى جاڭارتىپ وتىرۋىمىز قاجەت. شىنىندا دا بٸلٸمدٸ ەرٸ كەسٸبي تۇرعىدا دايار, پاتريوتتىق تۇرعىدا شىڭدالعان, پسيحيكالىق تۇرعىدا ويلى جاستار مەن ورتا جاستاعىلار مەملەكەتتٸك بيلٸك سالاسىندا ەڭبەك ەتۋٸ كەرەك. پارلامەنت بولسىن, ٷكٸمەت, ەكٸمدٸك بولسىن, جاڭا تالانتتاردى ٸزدەۋگە شاقىرامىن. كەسٸبي تۇرعىدا شىڭدالعان جاستاردى ٸزدەۋگە شاقىرامىن. مەملەكەتتٸك بيلٸك جٷيەسٸندە ولاردىڭ دارىنىن پايدالانۋىمىز كەرەك», - دەدٸ پرەزيدەنت ۇلتتىق قوعامدىق سەنٸم كەڭەسٸنٸڭ وتىرىسىندا.
پرەزيدەنت قازٸر ەلدە مەملەكەتتٸك قىزمەتتٸ رەفورمالاۋ, جاڭا دەڭگەيدەگٸ مەملەكەتتٸك اپپاراتتى قۇرۋ باستاماسى تۋرالى ايتىلىپ جاتقانىن اتاپ ٶتتٸ.
«ەلبەتتە, وسى رەتتە, بٸزگە جاڭا ادامدار كەرەك. سول سەبەپتٸ مەملەكەتتٸك قىزمەت ٸستەر جٶنٸندەگٸ اگەنتتٸك پەن پرەزيدەنت ەكٸمشٸلٸگٸ بۇل مەسەلەمەن اينالىسۋى كەرەك», - دەدٸ مەملەكەت باسشىسى.
