فوتو: الەكساندر پاۆسكيي/ Kazinform
مەملەكەت باسشىسى قاسىم-جومارت توقاەۆ الماتى ەۋەجايىندا ادامدى كەپٸلگە الۋ جاعدايى جٶنٸندە حاباردار. بۇل تۋرالى اقوردا مەلٸم ەتتٸ.
— پرەزيدەنت قىلمىسكەردٸڭ سۋىق قارۋىن تارتىپ الىپ, ۇستاۋعا كٶمەكتەسكەن ەر ادامنىڭ باتىلدىعىن ەرەكشە اتاپ ٶتٸپ, اتالعان ازاماتتى مەملەكەتتٸك ناگراداعا ۇسىنۋدى تاپسىردى, — دەلٸنگەن حابارلامادا.
ەسكە سالا كەتەيٸك, بٷگٸن الماتى حالىقارالىق ەۋەجايىندا 11:45–تە كەلەڭسٸز وقيعا بولدى. ٸشكٸ رەيستەر تەرمينالىندا ەر ادام جولاۋشى رەتٸندە ۇشۋ الدىنداعى تەكسەرۋ ايماعىنا بارعان. اۆياتسييالىق قاۋٸپسٸزدٸك قىزمەتكەرلەرٸ ەر ادامنان قۇجاتتاردى كٶرسەتۋدٸ سۇراعان, ال ول ەۋەجاي قىزمەتكەرٸن شاشىنان ۇستاپ, پىشاقپەن قورقىتقان ەدٸ.
