مەملەكەت باسشىسى قاسىم-جومارت توقاەۆ الماتى قالاسىن ودان ەرٸ دامىتۋ مەسەلەلەرٸ جٶنٸندە ٶتكەن كەڭەس بارىسىندا ەكٸمدٸككە قالا قۇرىلىسىنىڭ ينتەراكتيۆتٸ كارتاسىن ەزٸرلەۋدٸ ۇسىندى, دەپ حابارلايدى "ۇلت اقپارات".
پرەزيدەنت كارتانى ەزٸرلەۋ جۇمىسى بارىنشا اشىق بولۋى قاجەتتٸگٸن, وعان قوعامدىق باقىلاۋدىڭ قاجەتتٸگٸن اتاپ ٶتتٸ.
مەملەكەت باسشىسىنىڭ سٶزٸنشە, قۇرىلىس جٷرگٸزۋ ٷشٸن قوعامدىق كەڭەستٸڭ كەلٸسٸمٸ تالاپ ەتٸلەتٸن جەرلەر كارتادا ايقىن بەلگٸلەنۋگە تيٸس.
قاسىم-جومارت توقاەۆ الماتى ٷلكەن اينالما كٷرە جولىن قالانىڭ ورتالىعىمەن بايلانىستىراتىن جولدار تۋرالى پٸكٸرٸن ايتتى.
– 2021 جىلى اباي داڭعىلىن بٶلۋدٸ اياقتاۋ ٷشٸن رەسپۋبليكالىق بيۋدجەتتەن بٶلٸنگەن قاراجاتقا ەكٸ ميلليارد تەڭگە مٶلشەرٸندە قوسىمشا قارجى كەرەك ەكەنٸ انىقتالىپ وتىر. بارلىق شىعىنداردى بٸردەن ناقتى جوسپارلاۋعا بولماي ما? ەلدە مۇنىڭ باسقا بٸر سەبەپتەرٸ بار ما? – دەدٸ پرەزيدەنت.
قاسىم-جومارت توقاەۆ «التىن وردا» بازارى جانىنداعى جول ايرىعىنىڭ قۇرىلىسىن سىنادى.
- بۇل – ەسٸرەسە, قالا ٸرگەسٸندەگٸ ەلدٸ مەكەن تۇرعىندارى ٷشٸن ەڭ ٶزەكتٸ مەسەلەنٸڭ بٸرٸ. مۇنى جۇرتشىلىق قالا ەكٸمٸنە تالاي رەت ايتقان. «الماتى – بٸشكەك» تاس جولىنىڭ وسى جەردەن ٶتەتٸن بٶلٸگٸ بىلتىر سالىنىپ بٸتۋگە تيٸس بولاتىن. قاجەتتٸ قاراجات تولىق بٶلٸنگەن. بٸراق ەلٸ نەتيجە جوق. اسقار ۇزاقبايۇلى, الماتى جەنە الماتى وبلىسىنىڭ ەكٸمدەرٸمەن بٸرلەسە وتىرىپ, «رايىمبەك – الماتى» ۋچاسكەسٸنٸڭ قۇرىلىسىن وسى جىلدىڭ سوڭىنا دەيٸن اياقتاۋدى تاپسىرامىن, – دەدٸ مەملەكەت باسشىسى.
