قر پرەزيدەنتٸ قاسىم-جومارت توقاەۆ الماتىداعى كەزدەسۋ بارىسىندا تاريحي عيماراتتار - «الاتاۋ» كينوتەاترى مەن عابيت مٷسٸرەپوۆ اتىنداعى جاسٶسپٸرٸمدەر تەاترىنىڭ كٷرەلۋٸ جايلى پٸكٸر بٸلدٸردٸ, دەپ حابارلايدى قازاقپارات تٸلشٸسٸ.
كەزدەسۋ بارىسىندا پرەزيدەنت «بۇرىنعى قالا قۇرىلىسى كەزٸندە الماتىنىڭ ورتالىعى بويىنشا بٸراز قاتەلٸك كەتكەنٸن» اتاپ ٶتتٸ.
«مەن جەرگٸلٸكتٸ الماتىلىق رەتٸندە ايتارىم, ابىلاي حان كٶشەسٸندەگٸ تاريحي عيماراتتىڭ ورنىندا ٷلكەن تۇرعىن ٷيدٸڭ بوي كٶتەرگەنٸنە كەلٸسە المايمىن. سونىمەن قاتار, قابانباي باتىر كٶشەسٸنٸڭ بويىنا ٷلكەن قوناقٷي سالىپ تاستاعان. ول بارلىعىن جاۋىپ تۇر. «الاتاۋ» كينوتەاتر عيماراتىن كٷرەۋدٸڭ نە قاجەتٸ بار ەدٸ? ول – الماتىلىقتار ٷشٸن ماڭىزدى نىسان. سونىمەن قاتار, وعان بٸرشاما ۋاقىت پەن كٷش-جٸگەر جۇمسالعان. الماتىدا مۇنداي مىسالداردى كٶپتەپ كەلتٸرۋگە بولادى», - دەدٸ ق.توقاەۆ.
سونىمەن قاتار, مەملەكەت باسشىسى الماتىنىڭ ورتالىعىنان تىعىز قۇرىلىسقا تىيىم سالىنۋى كەرەكتٸگٸن دە ايتتى.
«ساياباقتار سانىن كٶبەيتۋ قاجەت. بۇل قالالىقتاردىڭ قىزىعۋشىلىعىنان تۋعان ماڭىزدى مەسەلە», - دەدٸ قاسىم-جومارت توقاەۆ.
